Jeremiah 32:40 - Ohiatonhseratokénti

⁴⁰ Kwáh tsi nénhwe tsi enkáhtake nenhiakwahtsiaʼnerensehrónni. Kwáh iáh nonhwénhton thakátkahwe nahó꞉ten ne ioiánereh tsi naʼkhehiatiérahse, tánon enkhhiónnien kwáh rahonerhiashaʼkwékon tsi enhionkhetianísehke, eʼnahontáʼwe ne kwáh tó꞉sa nonhwénhton ne ahonshaʼhionkatkahrahténi.

Jeremiah 32:40 ပူးပေါင်းရင်းမြစ်များ

2 Samuel 23:4

thóh ní꞉iot kwáh ne ne tsi nateioswát꞉te noronkéne, kwáh tsi ní꞉iot tsi tahiohrakwinekenhenhá꞉tsie kwáh iáh othènon teiotsatarónhnion norónhneke, tsi natehiokaráhiat nó꞉nenh iokennorenhserentá꞉hon éʼneken tsi kahentáien.

Psalms 80:19

Saskwarihwasehrón꞉nien, O Saiá꞉ner Sashaststenhserowanenhkówa; takwahnatónhas ne sanitenhrétsera, tánon kwáh kíʼ enhionkihiatanónsthaʼte.

Isaiah 24:5

Ne tsi ionwenhtsá꞉te thóh káien iotaksénhen thóh ratiʼhiató꞉ron ne etʼienákere; asèken tekonwatawenhráti ne kaianerénhsera, tehotiʼiákon nateriwaseronʼniáhtsheras, tehotiʼhiákon ne tsi nènhwe akátake nʼaterihwaseronhniátshera.

Isaiah 55:3

Satahonsí꞉iost, tánon akonháke nontáse; satahón꞉satat, né ká꞉ti nahón꞉ton ashón꞉nheke. I꞉i kwáh ne enkonhiónhnien ne tsi nénhwe enkénhake naʼterihwaseronniátshera, naká꞉wenk iorihwató꞉ken, né noriwí꞉io kanoronkwáhtshera tsi nihiʼiararatsʼthénhni ne Táwit.

Isaiah 61:8

Asèken Í꞉i né Watiá꞉ner né kenorónh꞉kwah nahterihwakwahrisiónhtshera í꞉ken, Ít꞉sons ne kanénhskwen tánon né iewehienhnáksenh; kwáh enwakerihwató꞉kenhke tsi enhthekhéhion tsi naʼteonahténtion, tánon kwáh né enkheʼhiónhnien né tsi nénhwe enkénhake naʼterihwasehronniátshera.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 50:5

Enhatirihwíshaʼke tsi niehotʼthaʼhínonh ne Jerusalem tánon enthontáshaʼwenh ne shé꞉konh tsi thoʼnonhóntsaien niahonshaʼhónhne. Ne ne tsi nénhwe enkáhthake ne aterihwahseronhniatshera ne ne iáh nonhwénhton tathaʼhonsahkaiákon tsi Tenhóntʼnerenhke ne Roiá꞉ner.

Ezekiel 36:26

Kwáh á꞉se enskonhierhiáson ó꞉ni á꞉se onikónhra tentkónhion. Kwáh éhren entkháwite tsi nisehrhiasaníron nonénhia tánon ne tentkónhion ne watewenhnaráhkwa awéri.

Ezekiel 36:27

Kwáh shonháke éntien nakenikónhra tánon enkatenhnikonhráhren ná꞉tshere natianerénsehra tánon nashatiénawasthe nakeriwahtátʼtsheras né tkonhiáwi.

Ezekiel 37:26

Enhiakwatsanerenserónhni né꞉ne kariwahnhírats ne raotinonhstátʼtshera tsi nénhwe. Kwáh enkhekwatákwahse tánon wéso ahonahtiokowáhna, tánon kwáh oriwí꞉io enkónhni nakenonhsatokénti tsi nénhwe enkátaʼke.

Ezekiel 39:29

Kwáh entkáweronh nakenikónhra nonhkwétahke ne Israerʼró꞉nonhke tánon iáh ské꞉kon nonhwénton tahonshakhehiatswathénien. Í꞉i, ne Wakenonhtí꞉io Watiá꞉ner wakatáti.”

Micah 4:5

Asè꞉ken onkweʼtakwé꞉kon tsi tehiontekhaháhkwa, satihiatátions thóh raotisenhnákon ne raotinihioʼó꞉kons, ók kíʼ nonkwahtsákes thóh nón꞉we nenhtewahténhti thóh raosenhnákon ne Roiá꞉ner ónhkwah Ní꞉io né꞉ne tsi nénhwe enkénhake.

Deuteronomy 31:6

Kwáh iasewanikonhrakónhtat tánon sewaʼnikonhranirón꞉hak. Tó꞉sa ietshitshà꞉nisek. Ne sewaNí꞉io, ne Roiá꞉ner rahonhatsí꞉wa, ensewakwekónhake. Iáh thatsisewaʼnikonráhthe iáh ó꞉ni thatsisewatiaʼthonthakwáse.”

Deuteronomy 31:8

Ne Roiá꞉ner rahonhatsí꞉wa enhiahéntenhse tánon entiateróhsen. Iáh tathahiaʼnikonriákten iáh ó꞉ni tahiatehwenhthéte, iáh thashaʼnikonhrókten iáh ó꞉ni taeshateronhní꞉sehke.”

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Hebrews 4:1

Nónwah, Rawenni꞉io wahshonkwáhtatshe ne karahrátʼtsera nahónton aitewahiéna natorihsénhtshera tsi nihotʼró꞉ri. Ánion tewahtennikonráhren, káti, tóhsa ónkah tsi nítion naisewahrihwahnóron né iáh taisewahienásere nètho kahrahrátsʼton.

Hebrews 7:24

Nók né Ié꞉sos tsi nénwe tsi ronnheón꞉we, tánon ne raohioténshera tsi ratsihénstatsi iáh ónka nakóren tiashakaohétstaʼse.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.