Jeremiah 32:39 - Ohiatonhseratokénti

³⁹ Kwáh énskat khók tsi nahorihóten tsi entekhéhion ne tsi ronnónhnhe: ne ne kwáh tiókonhte tsi ahiontkweniénsthaʼke, asèken ronónha rahotiʼhiathakeʼnhátshera ó꞉ni tsi wahatiʼwahtsirahtátie.

Jeremiah 32:39 ပူးပေါင်းရင်းမြစ်များ

Genesis 17:7

Tánon kwáh éntien nakaterihwahseronniáhtshera tsi naʼtetiátere ó꞉ni tsi nienhsathwatsí꞉rine, tánon kwáh ó꞉ni tsi wahatinekwenhsatátie né꞉ne tsi nén꞉we enká꞉take naterihwahseronniáhtshera, kwáh Í꞉i ne Saní꞉io enkénhake tánon tsi nienhsathwatsí꞉rine ó꞉ni nó꞉nen ensenhé꞉ionke.

Genesis 18:19

Iáh, asèken ráonha riiaʼtarákwen, né katí nahshakorihónnien ne shakoioʼokón꞉ahs tánon tsi nienhathwatsí꞉rine ne nahonteweién꞉ton tsi nihorihó꞉ten ne Roiá꞉ner thóh níʼhatí꞉iehr nahó꞉ten né tkarihwaié꞉ri tánon né kaiánerenʼn; né ká꞉ti naón꞉ton né Roiá꞉ner naontaháhawe tsi nahó꞉ten rohrharatstén꞉ni nʼAbraham.”

Genesis 22:12

Wahén꞉ron, “Tóhsa iaʼtetshanihsnonhsà꞉ren nétho raksá꞉ʼa tóhsa ó꞉ni othé꞉nen naʼtshié꞉raʼs; asèkenh ó꞉nen onkaterièn꞉taraʼne tsi nitshetshá꞉nis ne Rawenni꞉io, tsik sénhaʼk iáh thetehtshiaʼtón꞉ʼne né tshièn꞉ʼa, nénskaʼk khók sanekenhteronʼtsherá꞉ien nakonhá꞉ke.”

2 Chronicles 30:12

Né Rawenni꞉io kwáh kí rohterihwahtenhtsathonhátie ne Judah nón꞉we tánon shakowenonhnihátie nonhkweʼshón꞉as tsi natehotihiatorehtonhátie nahonhtewénhnarahkwe tsi nihonikonhró꞉ten né nahatísehre ne karihwatátʼtsheras ne ronhtinonhtí꞉ios ó꞉ni ne rohnaterihónhtons, tsi né nihatísehre ne Roiá꞉ner raowenhnahó꞉kons.

Psalms 112:1

Tehonwaʼnonweráton ne Roiá꞉ner! Iakotáskats tsi niʼiákon ronhwaʼrihwaʼkweniénstha ne Roiá꞉ner, kowáʼnenh tsi iakotonhnáhere tsi iontewenharákwa ne raotsiawenhrá꞉tseras.

Psalms 128:6

Aiáwenhs ashé꞉ken ne shehiaterehokónhas. Skénnenk thikénhak Nisraeroʼnónhke!

Psalms 86:11

Takerihón꞉nien, Ó Saiá꞉ner tsi nahó꞉ten í꞉sere ahontióthen, tánon enwaʼkerihwatokénhake tsi enkonhwénhnaraʼkwe; takerihónhnien tsi akonhióthenhse né꞉ne kwáh ahontonkerihwaʼkonhthákwen.

Proverbs 23:17

Tóhsa sheiahská꞉nek ne rotirihwanerenʼákskon; nek etskweniènhsthak ne Roiá꞉ner nek tetská꞉nerak ní꞉se tsi sónhnhe.

Isaiah 35:8

Né iahohowánenn thóh nón꞉we nenhioháteke, tánon né enkonwanatónhkwahke Iohahatokénti; ne iáh tehiakokʼkwéniens kwáh iáh thóh nón꞉we tahionʼthahíta, ók né kí ne Rawenni꞉io rahonkwetaʼshónhas khók raotirihwàke; iáh ónhka ne tehiontstikáfʼfas, iáh shé꞉kon ne tsakotónhnokte, kwáh ahiakohiatátonhte.

Isaiah 52:8

Satahónsatat! Né shonkwetaʼshónhas ne ratiʼnikónrare wahthotiʼhénrethe, skát꞉ne tsi wathaʼtiríwakwe natonhnhárat; asèken kwáh tshiehióken tsi rontkáthos tsi nionsáre ne Roiá꞉ner ne Zion nón꞉we.

Isaiah 65:23

Kwáh Iáh né thaʼotihióthen né iáh othènon thaʼkarihwástonʼke akénhake, khès nahotiwiraiéntaʼne nateraswatsénhtshera aoriwáke; asèken né sakotiʼiohokónha sakoiathateríston né Roiá꞉ner— tánon né tsi nithonatwatsiríhnon ó꞉ni.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Jeremiah 31:33

Ne áse aterihwahseronniátshera nenhkónni skátke nonhkweshón꞉a ne Israelronónke nónhwe tsi néntewe nenníseras kwáh kén ní꞉ioht, ráton ne Roiá꞉ner: Rahotinikonrakéson nónwe néntsien natianerénseras tánon rahonerianésons nónwe nenkʼkhiáton. Í꞉i ne raotiʼNí꞉io enkénhake, tánon roʼnónha nakonhkwetahshón꞉a enkénhake.

Jeremiah 32:40

Kwáh tsi nénhwe tsi enkáhtake nenhiakwahtsiaʼnerensehrónni. Kwáh iáh nonhwénhton thakátkahwe nahó꞉ten ne ioiánereh tsi naʼkhehiatiérahse, tánon enkhhiónnien kwáh rahonerhiashaʼkwékon tsi enhionkhetianísehke, eʼnahontáʼwe ne kwáh tó꞉sa nonhwénhton ne ahonshaʼhionkatkahrahténi.

Jeremiah 6:16

Ne Roiá꞉ner washakawénhase ne rahonkwetaʼshón꞉a: “Tsi thetsiathahásehre iatesehwáhtanh tánon tesehwatʼkathónnionf. Sehwahrihwanónhton ne ohahakáhion tánon kanónhwe ne kwáh tsiohahí꞉io. Thóh nónhwe nashaténti, tánon skénnen tsi enshón꞉nheke.” Ok wahonhní꞉ron, “Iáh, kwáh iáh thahiakwatónhtate!”

Ezekiel 36:26

Kwáh á꞉se enskonhierhiáson ó꞉ni á꞉se onikónhra tentkónhion. Kwáh éhren entkháwite tsi nisehrhiasaníron nonénhia tánon ne tentkónhion ne watewenhnaráhkwa awéri.

Ezekiel 37:22

Kwáh ensekhewenónhni né skentiókwak khók enkénhake ne tsi ionhwenhtsáte, tsi ionhnontarónnions ne Israel. Kwáh saiáta khók ne Ronhnontí꞉io enhotiʼiéntahke né enhsakokʼkórasthe, tánon iáh ónenh tekentiókwahke tahonshakénhake tó꞉ka ó꞉ni tékeni tsi ní꞉ioht tsi tahathinahkerahseróhren.

Ezekiel 37:24

Né Ronhnontí꞉io tsi ní꞉ioht nakenhátshera Táwit né raotinonhí꞉io enkénhake. Kwáh ratikwékon sahotiríhwa enkénhake saiáta khók ensakotʼkórasthe tánon kwáh enhioriwahtokénhake tsi enhontewénhnarahkwe natianerénseras.

Ezekiel 37:25

Kwáh thóh nónhwe nenhatinákerehke ne tsi ionhwenhtsáien ne thihiáwi nakeʼnhátshera Jacob, ne tsi ionhwenhtsáien ne sakotisotthonkonhkénʼen ratináhkerekwe. Kwáh et nónhwe nenhathiterónhtake né꞉ne tsi nénhwe, tánon káti ó꞉ni ne sakotiʼienokónha ó꞉ni tsi ienhontwatsírine. Ronhnontí꞉io tsi ní꞉ioht nakenhátshera Táwit né enshakotʼkórasthe tsi nénhwe.

John 14:6

Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

John 17:21

Aiaȣens tiotkon skariȣat ahononnihake, tsi ki niiot, nise Rakeni, iihne nise, nok nii iseke; aiaȣens kati oni ne rohnonha enskat akenhake nʼiihne nok nʼonkȣeokon aontaiaketakȣe tsi ise teskatorion.

Acts 2:39

Asèken ne Rawení꞉io tsi sewararatsʼtén꞉ni ó꞉ni ne ieʼtsiʼiohokónha, tánon ó꞉ni tsi niháti ne ahinónsherons tathinakeréhnion—kwáh tsi niháti ne Roiá꞉ner onkwaʼní꞉io ne raónha sakohonkaráwis rahonháke niá꞉ien.”

Acts 3:26

Tánon káti ne Rawenni꞉io wahohiataráko ne rahonkwéta tánon tsi tahothénieʼte tsionháke tahatiérenʼthe niaháre, neh nahiaʼhiatatérisʼte tsi kwáh niatehionkwétaʼke ahsakahónnien tahonsahiontʼkaraténi tsi niʼieweʼiennáksens.”

Acts 4:32

Ne kentiókwa ne thonetákwen skanikónrat iéken ó꞉ni seweriásak íken. Iáh ónka tehiáwen tsi nihotiʼiéntakwe kwáh hiatehatihiáti rahonáwenk, nók akwékon wahʼthatihiákons tsi nihotiʼiéntakwe.

Acts 9:31

Thóh káti nontáwe neh rothiriwiʼióstons wahothiʼiéntaʼne ne skénnen neh nónwe ne Judea, Galilee, ó꞉ni ne Samaria. Ne tsi wasakoiénawaʼse ne Ronikonratokénti wahatisátsʼtenne ó꞉ni wahonatiokowánahne, tánon thóhʼnon nihononʼnhétie kakweniensthatserákon ne Roiá꞉ner rahoriwáke.

Romans 11:16

Tóhka ónkak enthónʼhion ne Rawenni꞉io ne tsiotierénton kanatarakwétaron, kwáh káti kanatarakwékon raónha rahówenk; tánon tòhka ónhkak ahonwátatʼtse ne Rawenni꞉io neh karónta ahotéra, nonenrahshónhas raónha kíʼ nòn꞉ne rahówenk.

1 Corinthians 7:14

Asèhken ne rónkwe ne iáh tethawetákwen né iónnis nahawerientí꞉io ne Rawenni꞉io né tsi tehníteron ne róne, tánon ne iáh tetiawetákwen ne tsiotonwísen né iónnis tsi rawerientiʼióstha ne Rawenni꞉io né tsi teníteron ne roriwiʼióston róne. Tóhka kí꞉ken iáh thóh takénhake, né shakotiʼienokónha thóh nahonnonnótenke tsi ní꞉ioht ne iáh tetiakawetákwen; nók tsi ní꞉ioht, shakoiénas ne Rawenni꞉io.

2 Corinthians 13:11

Nón꞉wa, tewataté꞉ken, ó꞉nen kiʼ wáhi! Sewatshennonníhak, tesewatá꞉ton tsi nisewaweiennò꞉tens. Tesewatateʼnikonhraní꞉rat. Shaʼkarì꞉wa kénhak, skén꞉nen tsi tsónhnhek. Tánon ne Rawenni꞉io, tsi niká꞉ien thatká꞉was ne kanoronhkhwáhtshera tánon ne skén꞉nen, ensewakwekónhake.

Deuteronomy 5:29

Tó꞉ka shí꞉ken tió꞉konte ki é꞉tho nahonhnonhoténhseke! Tó꞉ka shí꞉ken tió꞉konte aiontkweniénstake tánon akwé꞉kon ahontewenhnaráhkwake nakeriwatà꞉tsheras, káti norihwakwé꞉kon tsiahioiánerenhne ne raotirì꞉wake ó꞉ni tsi nienhontwatsí꞉rine tsi nénhwe.

Deuteronomy 6:2

Tsiniʼkarì꞉wes enshón꞉nheke, ní꞉se tánon tsi nienhsatwatsí꞉rine natsisewakweniénstake ne Roiá꞉ner sewaNí꞉io tánon akwé꞉kon sewatewénhnarak ne raoianerénhseras né꞉tho tkwáwis, ne naónton ne karí꞉wes ne thóh nón꞉we niʼionwénhtsaien nahitiónheke.

Deuteronomy 6:24

Ethò꞉ne ne Roiá꞉ner Onhkwaní꞉io washonkwahró꞉ri nahiakwatewén꞉naraʼkwe kí꞉ken kaianerénhseras tánon nashakwakwénienste. Tó꞉ka thóh neniakwá꞉iere, akwáh ki tió꞉konte tsi enshonkwaʼnikónhrahrake nonkwentióhkwa tánon ienkakónhtaʼkwe tsi enhionkwaianerásten.

Hebrews 10:20

Áse ohaha shohnontónkwen nonkwahrihwahke, ne ionhnheʼón꞉we ohaha, iatehiahoheston ne tsi tioniatahrén꞉ton—né꞉ne kwáh rahónha raieronke.