Jeremiah 32:34 - Ohiatonhseratokénti

³⁴ Iehióhe iehotí꞉ien ne ioterihwahtéhas kahiatonnisónhas Nononhsatokentiʼkówahne né꞉ne kanonhsonniáton nahionksennaʼiénsehke, tánon wahtatítionsʼthe.

Jeremiah 32:34 ပူးပေါင်းရင်းမြစ်များ

2 Kings 21:1

Né Manasseh tékeniʼiawénhre satehahoseriʼiákon sahatenontí꞉ioste ne Judah nón꞉we, tánon kaiéri-niwáhsen niʼioseráke rotʼkorástonhne ne Jerusalem. Né ronisténha né꞉ne Hephzibah iontátiatskwe.

2 Kings 23:6

É꞉ren sahahawithánion nononsatokentiʼkó꞉waʼne ne tsi kaiatarón꞉nions ne kaní꞉io Asherah, waʼhaiákenhwe ne kanatowanénhke ahonrá꞉kwahkon ne Kidron niaháhawe, wahát꞉tsahate, okènhra iahón꞉ton, tánon thó nón꞉we iataʼré꞉niate nokénʼra tsi ionthatsathataʼhástha nónhkwe.

2 Chronicles 33:15

É꞉ren sahahawithánions ne thihononhontsátes niʼiohokónhas tánon ne karasthánions né nón꞉we nihoiénthakwe, tánon ne kahiatonhnisónhas ratitsienharáhkwahs ne tsi ionhniarónhnions kaiéntakwe tsi nón꞉we nikanonhsóh꞉thaʼkwe Nononsatokentiʼkówa tánon nakʼtésonhs nonwésons ne Jerusalem; akwé꞉kon wahahiákenhwe ne kanatowanénhkes tánon í꞉seh iahotiésherons.

2 Chronicles 36:14

Né iehiowénhte, ne sakotihenténhse ne Judah nón꞉we, né ratiʼtsihénstatsis, tánon nonhkweʼshón꞉ʼa waʼhatí꞉sehre ne kwáh tkarihwáneren washakonatenonwará꞉kwahse nonhkweʼshón꞉ʼa ne akthatsesónha ratinakeré꞉nion tsi nikonwasénhnaiens ne kahiatonhnisónha, tánon ká꞉ti tsi nathatítionsʼte Nononsatokentiʼkówa, né꞉ne kwáh rahonhatsíwa ne Roiá꞉ner rotokentíston.

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 23:11

Ne Roiá꞉ner ráton, “Ne rothitó꞉kense ó꞉ni ne rotikháres kwáh iáh tehothiniʼioseráhien; Iekènʼa kheʼharáhse kariwáksen tsi nihóntiera ne ononhsatokentiʼkówaʼne.

Jeremiah 30:14

Rathiʼkwékon ne sewahtenroshón꞉a; waheshaʼhiathanikónhren; tánon iáh ónenh thènenh thaʼthetiesahteriéntahre. Thóh ní꞉ioht tsi hiakonhiatiathónti tsi ní꞉ioht ne tehiatátʼtions; ne shaʼrehwahtátshera kwáh íken tsi ioníron tioríhwa ne sarihwahneraháktshera tsi niʼiawetowáhnenh tánon ne shaʼrihwahetkénsehras tsi níʼ kowáhnenh.

Jeremiah 34:15

Kwáh tó꞉karah nónhta tsi náhe thonsehʼsewaʼtheriwahthénien tánon thóh nesehwáhiereh nahó꞉ten nahonkerientí꞉io. Sehwahkwékon iaʼthisehwahriwahiénthaʼse kwáh ratikwékon ne Israerʼró꞉non tsi ahonsahietʼtsihiákhaʼwe, tánon akkénton tsi wesehwahtheriwahsehrónni, thóh Ononhsatokentiʼkowáhnen tsi nónhwe nihionkʼsennaientákwah.

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.

Jeremiah 7:10

Né et nishé꞉rah tsi nahó꞉tens ne íksons, ó꞉ni táhse akʼkénton wahtésthaʼne, ne kwáh í꞉i akenonhsatokentíke, tánon sáton, ‘Ionkwaniakénʼen!’

Jeremiah 7:30

“Nonhkweshón꞉a ne Judah nónhwe kariwahétken tsi nihonahtiéren. Hiehothí꞉ien ne kahiatonnisónhas, né íksons, nakenonhsatokentíʼke tánon wahthathítionste.

Jeremiah 7:31

Nahonráhkwakon ne Hinnom ronnónhni ne ietsienharáhkwa ne konwanahthónkwa Topheth, ne káti nahonwanahtiatatʼtiáhaʼte ne shá꞉kothiienhokonhas ne tsi iotékha. Iáh thekheró꞉ri kíʼ ne thóh nahathí꞉iere—akwékon iáh ne tewahkanonhthonniónʼon.