Jeremiah 32:31 - Ohiatonhseratokénti

³¹ Nonhkweshón꞉ʼa ne kenʼen kanató꞉wahnenh ionhkenahkonnihon tánon onhkatenahkwahwenhrátʼtse ne ne kwáh sonthontenahtónni. Hiaʼtewahkerihwahiénthaʼse ne akáhtonte

Jeremiah 32:31 ပူးပေါင်းရင်းမြစ်များ

2 Kings 21:16

Ne Manasseh tsi niʼiakotsokowánen sakononwariakónhnion ne iáh othènen teiakoníkon ne tsi tekanatokenhá꞉tons ne Jerusalem kwáh watneʼkwenhsíne; né kí꞉ken iahá꞉ieste tsi niesakosaríhnon nonkweʼshón꞉as ne Judah tsi nakonwatisénhnaien ne kaiatonhnisónhas, né wakarihón꞉ni wahatirihwánerake tsi nòkwah ne Roiá꞉ner.

2 Kings 23:15

Ne Josiah kwáh ó꞉ni saharihsónhko tsi nonʼwé꞉sons nihonterénhnaiensʼkwe ne Bethel nón꞉we, Né꞉ne Ronnontí꞉iokwe Jeroboam rosahánionkwe né꞉ne roienkénʼen ne Nebat, rahón꞉a iesakosaríhnon Nisraeʼró꞉nons ne karihwanerahakʼtsherákon. Ne Josiah waʼharihsónko ne ietsienharákwahs, kénʼk ní꞉wahs tsi watharihthánion, tánon okènra iahón꞉ton; kwáh ó꞉ni wahát꞉tsahate tsi kaiátare ne Asherah.

2 Kings 23:27

Ne Roiá꞉ner wahénron, “Kwáh thóh nenhtiéraʼse ne Judah tsi kíʼ nitserá꞉se Israerʼró꞉nonke: Kwáh éh꞉ren enkheiatenháwite nonkweʼshón꞉as nakʼkénton ne Judah nón꞉we, tánon entʼkénron ne Jerusalem, né꞉ne kanatowanénhke ne wakerákwen, ó꞉ni noʼnonsatokentiʼkó꞉wa, né꞉ne thóh nón꞉we niwaʼtenátaien ne wá꞉ken thóh nón꞉we nenhiontsenhnaiénseʼke.”

Jeremiah 23:39

Orihwiʼiohónwe tsi tenkhehiáthaʼkwe tánon ahínonʼnióre ienkhehiatónti tsi nónhwe níkes, skátne ne kanatowáhnenh nètho tekhehiáwi ne shaʼkothisotʼthonkonkénʼen.

Jeremiah 27:10

Ietʼtsinikonhrahténnis tánon ne enhatirihónni ne ahínonʼnióre hiahietsihiatenháwiʼthe ne sewahnakerahserákon. Kwáh éhren enkwahiatenháwiʼthe, tánon kwáh enhietʼtsiʼhiáthonthe.

Lamentations 1:8

Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

Daniel 9:16

O Saiá꞉ner, tsi nitiawé꞉non seriwahnirá꞉ti ne sarihwatokenhtíhtshera ne Israerʼró꞉non, ne katiʼ aorì꞉wa nasathontátsheke ne táhstaʼne tsi shenaʼkhwáse tsi rotinátaien ne Jerusalem. Í꞉se saná꞉ta, tánon ne sanonhsatokénhti. Akwé꞉kon ne thihotitiohkwaténion niakwaiaʼtaktóntie ratinakerénion ratikenhrón꞉ni ne saná꞉ta, tánon ó꞉ni ne sonkweʼtaʼshón꞉ʼa ne tsi nihotirihwanéren nonkwahsótshera ó꞉ni nonkwatiaʼkéshon.

Matthew 23:37

Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.