Jeremiah 32:23 - Ohiatonhseratokénti

²³ Ók shonsahónneʼwe ne kénʼen ionhontsiáien ó꞉ni wahontsiénawasʼthe, iáh tehonatewenhnahráhkwen tsi nisehró꞉ri tó꞉ka ó꞉ni thóh ní꞉ioht tsi ahonnónhnheʼke tsi nisehrihonniénni; kwáh iáh othènen etʼtehothiʼiéren tsi nisehríhonte. Tánon káti tahshá꞉we akwékon kí꞉ken kakahronniátshera ne ronónhake.

Jeremiah 32:23 ပူးပေါင်းရင်းမြစ်များ

Ezra 9:7

Ne tsi thonatenhniserathénionskwe niakisoʼthonkonhkén꞉en tsi nió꞉re nón꞉wa, nonhkwahtiákes, ne shonkweʼtashón꞉as, kwáh í꞉ken tsi iorihowá꞉nen ionkwarihwanerahátskons. Ne tiorì꞉wa nonhwarihwaneraháktsheras nonhkwahtiákes, nonhkwahnonhtiiótsheras, tánon nonhkwahtsihénsthatsis thóh iahatihiathénhne ratisnónhke ne tihononhontsá꞉tes ronhtinonhtí꞉ios, tánon wahonkhihiawénhtho, wahonkhineskwenhá꞉ton, tánon iahonkhihiaʼthénhawe nahionhkhinhotónhnion. Kwáh thakarohrókʼthe tsi wahonhkhihiateháthe, tánon shé꞉kon ki thóh ní꞉ioht nón꞉wa wenhniserá꞉te.

Nehemiah 9:15

Tánon ní꞉se washé꞉nataranonte aseʼken rontón꞉karhiakskwe tánon tasnekinekénhkwe nostenhráke ne raotirihwà꞉ke asè꞉ken rotiniatatʼténskwe. Tánon ní꞉se washeién꞉hase thóh niehónhne tánon rontsenáwast ne ohón꞉tsa né꞉tho sarihwaní꞉raton nenhshé꞉ion.

Psalms 78:10

Iáh tehonatsenawáston ne Rawenni꞉io raoterihwasehronniátsera, iáh tehonatʼtonhtháton nahontewénnaraʼkwe ne raoianerénhsera.

Jeremiah 2:7

Iakhehiaténhawe tsi nónhwe tsiohontsiaréhsen, nahontsienʼnónhni tsi nenhatiʼientkwáhko ó꞉ni nohiáshon ne ioiáneres. Ók khék wahonkhonhontsatʼsáhten; wahathihéʼkente ne kanahkeráhsera tekhehiáwi.

Jeremiah 26:4

Ne Roiá꞉ner wahakró꞉ri nakkeró꞉ri nonhkweshón꞉a, “Í꞉i ne Watiá꞉ner, né wáhken tsi ónenhk tsi ensehwatewénhnarahkwe tsi ne ensehwásehre ne karihonnienʼnhítshera tkwá꞉wi,

Jeremiah 44:10

Ók tsi nióre nónhwa wenhniseráhthe iáh ehʼtáke teshathatónhni. Iáh thesetkwehniénston iáh ó꞉ni thóh tèhiot tsi ashón꞉nheʼke tsi niwahtsátons ne kahianerénhsehra ne tkhonhiáwi ó꞉ni ne sehsotʼthonkonkénʼen.

Jeremiah 7:26

Ethohʼsáne iáh ónhka tehiakotahonsaʼtháton tó꞉ka ó꞉ni kariwahahonónhnike. Khé꞉kenk, onenhsénha weshanonhtsistaníronhʼne wahshaterihiosehrahnónhweʼne tsi ní꞉ioht ne séh sotʼthonkonkénʼen.

Lamentations 1:18

“Nók ne Roiá꞉ner roriwakwarísion, asèken riwennóntion. Takwatahónsatat, tionkwetaʼkwékon kwáh tsiknonwéson akénhake; takwakʼkátho tsi naʼtewakawehésta. Nithonthihiónsas óni nitiothihiónsas ronwathiʼiénen.

Lamentations 1:8

Nahorensaróntsera iotónʼon; ahoʼnhostóskon íken tánon titkonwanonthónni tsi konwaié꞉nen. Iahonséhna tánon hiotkonsaséhton tsi niwatéhens. Kwáh ahónha ne Jerusalem waʼtewathatsatátsionsʼte neh kwáh tehiotenonianíthon ne kariwanerahákʼtshera.

Ezekiel 20:18

Khèkok, wakheronhkáten ne kén nithotihiónsa ne skátke rahtináhkereh: Tó꞉sa sehwateweiénhthon ne kaianerénsehrah ne ietʼtsisotʼthonkonhkénʼen rothíson; tó꞉sa sehwáhser ne raothiriwahkáhion tó꞉sa ó꞉ni ne tesewahthatsatátions ne raothihiatonhnisónhas akarihónhni.

Ezekiel 20:21

“Ók nètho ratinekwenhsathá꞉tse kwáh nònhne ionhtsenhnaksáton. Tehothihiákon natianerénsehra ó꞉ni nakeriwahtátʼtsheras, tsi nitkáhas natónnhets nónhka nenhkonhwathiwénhnarahkwe. Rothihetkénton nawenhthatokenhtíke. Wakatatewehienhnenhtáhonhne nahóntʼtoke ne kwáh kashastsʼtenseranáhnon nakenahkwáhtshera thóh nónhwe ne kahentakekówahʼne tánon ratikwékon akhenonhwahrhiákonʼke.

Ezekiel 20:8

Ók wahontsenhnáksaʼte tánon iáh tehonatʼthontáton nahionkatahonsathá꞉thonke. Iáh íhse tiehonáhtion ne ioteriwahtéhas rahotihiatonhnisónhas iáh ó꞉ni tekonhwanatiakwahríshon ne Egypt kahiatonhnisónhas. Waʼkatateweienhnenhtáhonhne nahontʼtó꞉ke ne kwáh kashastsʼtenserahnáhnon nakenhakwáhtshera thóh nónhwe ne Egypt.

Luke 17:10

Eh kati oni nise niiot, nonen enseȣariȣaierite tsi neniestsinnhaon, seȣenron: iah othenon teiakȣatonron; aseken neki ok nonkȣaiotensera ionkȣaiotenhon.

John 15:14

Onkȣatenro enkenhake neh nenseȣaiere tsini kȣannhas.

Galatians 3:10

Nók tsi niʼiákon neh ieniahésen ne kaianerénsera ahonsahiakokwatákwaʼse tsi natehóntere ne Rawenni꞉io neh sakorewatákwa, asèken tsi niwáton noriwatokénti, “Rawenni꞉io shakorewátha nónhka ne iáh orihwakwé꞉kon tehiontewenhnaráhkwa ne Rawenni꞉io raoianerénhseras ó꞉ni ne rahorihonhnienʼní꞉tsheras.”

Ne꞉ne Sák Rohiaton 2:10

Nónka nénskat tenháiake ne ahtsawenrátsera ne enhon꞉nontánake tsi kwáh akwékon niaʼtehohiákon.

Joshua 21:43

Káti ne Roiá꞉ner thashaká꞉wen Nisraerʼró꞉nons akwé꞉kon nohóntsas ne kwáh rorihwanirá꞉ton tsi shakorahratstén꞉ni ne sakotisoʼthonkonhkén꞉en tsi enteshaká꞉wen. Ne nó꞉nen shihonatiaʼthakwehniióstons, thóh nón꞉we nahontená꞉taien.

Joshua 23:16

Tó꞉ka káti iáh tahisewatié꞉nawatste nateriwaʼseronhniá꞉tsheras né꞉ne Roiá꞉ner Sewaní꞉io tsi sewarihón꞉te nahisewatié꞉nawatste tánon tó꞉ka tenieʼtsiriwásniese ó꞉ni ensewasénhnaien nó꞉ia niiohokónhas, ethò꞉ne ki rahonakwahtserá꞉kon tsi entsisewaréwathe, tánon iostó꞉re iáh ónhka tsi nítson tsiatahonsehsewathaténhronhke kí꞉ken iohontsí꞉io né꞉tho tetsisewá꞉wi.”