Jeremiah 32:2 - Ohiatonhseratokénti

² Ne thóh sontahkaháwi ne raoʼtiókwah ne ronhterí꞉ios ne ne ronnonhtí꞉io ne Babylonia iekonhwahtsatóntion ne Jerusalem, tánon ionkenhóthonʼkwe naʼtenhénrahkon ne tsi roʼnónhsohthe ne ronnonhtí꞉io.

Jeremiah 32:2 ပူးပေါင်းရင်းမြစ်များ

2 Kings 25:1

Ne Zedekiah wahonenróktaʼse ne Ronnontí꞉io Nebuchadnezzar né꞉ne Babyloniaró꞉non, tánon ká꞉ti ne Nebuchadnezzar ratikwé꞉kon tashakoiaténhawe ne rahonkwetaʼshón꞉ʼas ronterí꞉ios tánon iahatsiatónhti ne Jerusalem né꞉ne oierí꞉haton siʼwenhniseráte né oieríh꞉haton siʼwenhní꞉tare né tiotónhaton siʼioseráteʼkwe ne Zedekiah shiʼhonontí꞉ioʼkwe. Ástste nakanatáti nón꞉we nahonthathoseróhten, waʼthonkwahthá꞉sete waʼhontenhenrónhni né꞉ne tahatinatáʼnakʼte,

Nehemiah 3:25

Palal né꞉ne roʼiénha ne Uzai, rahónha ne sahakwatáko ne teiotihaha tsi tekaiósaien tánon ne tsi kanikatóte, né꞉ne tsi iehioniasakétote ne tiotʼte ne tsi ronónshote ne ronhnontí꞉io né꞉ne atenhenrákon tsi ratì꞉teron ne ratinónhne. Noia ne ne Pedaiah, né꞉ne roʼiénha ne Parosh,

Psalms 88:8

Í꞉se waʼsehrihónhni nakatorosehrashón꞉has nahionkatewénhtheʼte; né waskónhniaʼte nakheʼhionhnák꞉sate. Hionkenóton né꞉ne tó꞉sa akʼkwéni nahonsaʼkeniákenhne;

Jeremiah 32:3

Ne Ronnontí꞉io Zedekiah thón nónhwe nihakenhóthonʼkwe tánon wahakerihwáhroh nahonkerihowahnháthonʼke nètho Roiá꞉ner naháwenhke, “Enhiríhon ne ronnonhtí꞉io ne Babylonia nahaiéna ne kanahtowáhnen,

Jeremiah 32:8

Ethóhʼne, kwáh tsi niháwenh ne Roiá꞉ner, ne Hanamel wahatiató꞉renʼne thóh nónhwe nahtenhénrahkon tánon waʼhakeriwahnónhthonʼse nakʼkhenthanínonh. Káti honkateriéntharaʼne ne Roiá꞉ner tsi kwáh oriwiʼiohónwe tsi raktharáhni.

Jeremiah 33:1

Tsi náhe shé꞉kon kenhóthonkwe ne tsi tehiehiatorehthákwah atenhénrahkon, ne Roiá꞉ner raoʼtheriwahnhotátshera shé꞉kon sontiathó꞉renʼne.

Jeremiah 34:1

Noríhwa wahohiató꞉renʼne ne Jeremiah ne ne Roiá꞉ner roʼteriwahniethonhátie, nónenh ne Ronnonhtí꞉io Nebuchadnezzar kanenhrahkwékon ne rahonkwetaʼshón꞉a ne ronterí꞉ios ó꞉ni tsewahkwékon ne tsi kanonhtiʼiotsheraʼkérons ne rahónʼa shaʼkhotʼkoráston ne tsi ionwenhtsiáte ó꞉ni onhkwetaʼkwékon iashaʼkonahtiatónti ne Jerusalem ó꞉ni akwékon tsi nonhwéson niʼkanahthaiéntons.

Jeremiah 36:5

Ethóhʼne ne Jeremiah wahawénhaʼse ne Baruch, “Kenhóton kíʼ kénʼen tánon iáh thahónton ne Ononhsatokentiʼkówahne niáke.

Jeremiah 37:15

Kwáh íken tsi hionkenáhkwahse tánon wahonténnhane nahionkenonhwenhsehráhrhio tánon nahionkhenhóton tsi rohnónhshoʼthe ne Jonathan, né shaʼkohiatónhni ne tsi tehiehiathohrehtákwah, né tsi rohnónhshoʼthe hionthaʼtenhotónkwah rohnonhniáthon.

Jeremiah 37:21

Sók kíʼ ne Ronnonhtí꞉io Zedekiah wahakhónnien atenhénrahkon ne kanonhtiʼiotsherákon nónhwe nahionkheʼnhóton. Thóh ki nónhwe nahkhátien, tánon iatewenhnisehráhke kahnátaro wahonkénonhte tsi hiontenahthaʼronniátha nithatíhasʼkwe tsi nióre iahontenaʼtarókʼten ne kanatowáhnen.

Jeremiah 37:4

Arèhko shiʼhionkeʼnhóton tánon shé꞉kon kahthatewenhní꞉io tsi ní꞉ioht tsi í꞉kes ne rahotiʼnenhrahkónsons nonhkweshón꞉a.

Jeremiah 38:13

tánon shaʼhiontsiatitáko nhonahweráhkon. Ethóhʼne tsi tehiehiatorehtákwah atenhénrahkon nónhwe nonhshaʼkerihórhiaʼthe.

Jeremiah 38:6

Sók kíʼ iahontiaténhaʼwe tánon ahsehríhie wáhonsthe tsi iahontsiátenthe ne Malchiah rahonahwehráhkon, né꞉ne kanonhtiʼiotsherákon ahotenhénrahkon nónhwe nihionahwehróh꞉thaʼkwe. Iáh tekahnékhoʼkwe nonhawehráhkon, onahwástat khók íken, tánon thóh iatkóʼsehrenʼne.

Matthew 5:12

Seȣatsennonni oni seȣatonnharen, aseken koȣanen enseȣatsennonniate ne karonhiake: aseken etho nihonȣatiierase ne thonatierenton Thotitokensehakȣe.