Jeremiah 32:19 - Ohiatonhseratokénti

¹⁹ Í꞉se ne sanikonhrowáhnenh ó꞉ni tehiotenonhianíton ne iorihwaʼnerahkwahténions tsi nishiéra; akwékon nieʼsatʼkháthos tsi nihontieráhnions nonhkweshón꞉a, tánon ne tehsehriwahʼsehrakwénnis tsi nitkáhas ne rahothiwehiénnas.

Jeremiah 32:19 ပူးပေါင်းရင်းမြစ်များ

1 Kings 8:32

Ó Saiá꞉ner, tasatahónsatat thóh nónhwe karonhiáke tánon tetsiató꞉ret ne sanhátshera. Sheréwat ne iakoníkon tsi naʼtehonathénhtion, tánon sashehiátʼkaf ne iáh tehiakoníkon.

2 Chronicles 16:9

Né Roiá꞉ner kwáh í꞉ken tsi ákta ranikónhrahre ne tsi ionhontsáte, teshakówis ne kashastsʼténhsera tsi niháti né kwáh toneriasaháton tsi rotirihwatóken ne rahonháke. Tehiotenonhwaroríhtonhte tsi nashá꞉tiere, tánon káti kénʼen ienwathásawen tsi kwáh kíʼ tiókonhte tsi ensaterí꞉ioke.”

Job Tánon ne Raoronhiakensera 34:11

Asè꞉ken tsi nenhtsoianénhawe ne raotiiothénseras kwáh kí enseshakokáriakse, tánon ne entsoianénhawe tsi nihatiweienó꞉tens ne enhotí꞉raʼne.

Job Tánon ne Raoronhiakensera 34:21

“Asè꞉ken teshakokanerónhnion tsi nihatiweienó꞉tens nonkwehó꞉kons, asè꞉ken akwé꞉kon ratkáthos tsi natehontekhahákwa.

Psalms 111:2

Tsi nihiorihowánens ne raoiothénhseras ne Roiá꞉ner, akwékon iakoteweiénston tsi niʼiákon ierihwaʼnorón꞉kwa.

Psalms 34:15

Ne Roiá꞉ner né sahkonikonhrahráties ne tionkwetaiéris, tánon rotahónsate tsi natehonséntʼthos.

Psalms 62:12

tánon ne iorihwatóken kanoronkwáhtshera í꞉se sáhwenk, Ó Saiá꞉ner. Asèken kwáh kíʼ í꞉se ratikwékon tesehserihwaʼsehrakwénhnis né entsoianénhawe tsi nihotihiothénʼen.

Psalms 92:6

Nek khók ne teiakotenonwaʼroríhtonhte iáh taiekwéni nahiakonikonhraiéntaʼne, ne tiakotónhnokte iáh taiekwéni nahiakonikonraiéntaʼne kí꞉ken:

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Proverbs 5:21

Roiá꞉ner akwé꞉kon tehaká꞉nere tsi nihsatiéhrha. Tsi nón꞉we nienhén꞉se, iaʼnikón꞉rare.

Proverbs 8:14

Eʼthó nitiéhrha tsi nahò꞉ten kateʼnikonhrón꞉nis. Wakeʼnikonhraientátskon tánon keʼshátste.

Ecclesiastes 12:14

Rawenni꞉io kwáh oriwakwékon tehahiatórehthe tsi nenhtewátiere, ahioianeréhake khóni nahonhetkéntahke, iehióhe tsi nahionkwatiérenhke nathaséhtonhke.

Isaiah 28:29

Néh kí꞉ken thóh nonhné꞉e niʼtewé꞉tha raonhàke ne Sakoiá꞉ner ronterí꞉ios ratiʼronhiakeró꞉nons; ne raónha kwáh í꞉ken tsi roiatanerákwat tsi ratiénhaiens, tánon ioianerehkó꞉wa natthokhátshera.

Isaiah 40:13

Rahónha rohnikonraientáton ne raonikónra ne Roiá꞉ner, khés né꞉ne rotienhaiénhni rorihonnién꞉ni?

Isaiah 59:18

Né entsoianénhaʼwe tsi nihotiʼiothenseró꞉tens, ne ká꞉ti nahonsahaká꞉riaʼke; tsi sakonákwaʼse ne ronhwásons, iensheʼsakotiatónhti ne ronwáswenhs; tsi nó꞉kwah ne kawenó꞉tons ionhontsaʼkérons kwáh kí ensheʼsakokáriakʼse tsi iensakotsatón꞉ti.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 16:17

Akwékon katkáthos tsi nihontiérah. Kwáh iáh othènen tehiothaséhton nakonháke; ne rahotiriwahneraháktshera iáh tekaniá꞉kens tsi tetkánereh.

Jeremiah 17:10

Í꞉i, ne Watiá꞉ner, kenikonhrísaks tánon khehiaterhiaʼsátkenʼse nonhkweshón꞉a. Shaʼthihiatátʼtsions tsi ní꞉ioht tsi tekheriwásnieʼseh né entewahnónhton tsi ní꞉ioht tsi ronónhnhe, ne entewahnónhton tsi nihontiérah.”

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 23:24

Iáh ónhka thaʼhiekwéni nahionkahthaséhten. Shaʼteriéntharakki ne karonhiáke tsík nonhwésons nónhwe níkes ó꞉ni nonhwenhtsiákes?

Jeremiah 25:14

Kwáh ensheʼkhekárhiakʼse ne Babyloniaró꞉nons ne tse nihonahtiéren, tánon iakotiokowáhnenh ó꞉ni ne ratishástsʼtes rontinonhtí꞉ios enkhenaskónhni.’”

Daniel 2:45

Ne ki tsi nikéntonhs, tsi wahsatkáhtho né onén꞉ia tonnitstén꞉riaʼke tsi tionónte. Né ne kwáh iáh ónhka kenʼ thieiakoié꞉ren, tánon waʼtiaón꞉ko ne kaiaʼtón꞉ni né karístatsi ionnià꞉ton, tánon né otsí꞉nekwahr nikaristò꞉ten, ionawaʼtstaʼkarí꞉io, tánon ne kahwistarà꞉ken, ó꞉ni ne ohwistanó꞉ron. Rawenni꞉io ne roʼshatstenhserowá꞉nen iahró꞉ris Sanontí꞉io, tsi neniawénhseron tánon tsi nahò꞉ten tá꞉we, waʼkonhró꞉ri kwáh tsi ní꞉ioht tsi satetshénʼen, ó꞉ni takónnion tsi nahò꞉ten kentonhs.”

Daniel 4:35

Ne ronnonhwentsakehró꞉non kwáh iáh thé꞉nen karí꞉wa té꞉ken tsi tehshakoká꞉nere; ratironhiaʼkehró꞉non tánon ne ronnonhwentsaʼkehró꞉non kwáh ratikwé꞉kon raónha tehshakoniarotárhon. Iáh ónhka thaiekwé꞉ni ne tahonwátahste, tókaʼ ó꞉ni ahonwariʼwanóntonhse onhnihatiérha.

Zechariah 9:1

Ne kí꞉ken ne Roiá꞉ner raoterihwahnhothátshera: Rotsianerenseríhshion ne karewahthátshera né꞉ne tsi ionwenhtsá꞉ien ne Hadrach ó꞉ni ne tsi kanatowáhne ne Damascus aotiriwà꞉ke. Iáh nek khók tsi kentahrahkérons ne Israeronónhke ók kwáh ó꞉ni ne tsi kanathakweʼní꞉io ne Syria tsi Roiá꞉ner rahówenhk.

Matthew 16:27

Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

John 5:29

Nok tsiniiakon entiakoriȣaieriton, neh tentieiakenstakȣe nonȣentsiokon ne Karonhiake iaiontaȣeiate; kenh kaien ne iah tetiakoriȣaieriton neh tentieiakenstakȣe nonȣentsiokon naiontetsirate onȣe.

2 Corinthians 5:10

Akwé꞉kon ne Kerístos tsi tewaiaʼtátson tenshonkwaiaʼtó꞉rehte naioianeréhake tóka ó꞉ni tó: naontakahetkén꞉take tsi naionkwatié꞉ren ne tewaieròn꞉ke tsi náhe tionhnhétie.

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Hebrews 4:13

Kwáh iáh thahóten thaónton nahotashéten ne Rawenni꞉io; kwáh tsi nahoténshons ne kashahánion tehkatakwahríhton ne raohénton. Tánon rahonhà꞉ke nón nihionkwahteriwahiénni akwékon entiohétsthe tsi nahionkwahtiéren.

Revelation 2:23

tánon kwáh enkheién꞉te nakoioʼokón꞉as nahonhní꞉heie. Tanon akwé꞉kon ne ononsatokénhtis kwáh enhiakoterienʼtá꞉rahne tsi Í꞉i katkátos noʼnikón꞉ras ó꞉ni nawé꞉ris, tánon kwáh ne entkwáion ne tsi sewahiatatʼtions ne sewahioʼténhseras tsi natehioténhtion.

Revelation 22:12

“Sát꞉kato, kwáh iostó꞉reh tsi entke; ne kaʼrhiá꞉ke í꞉se í꞉sawe, ne naʼkahkarhiát꞉ton tsi nenhtsó꞉ianenhá꞉we ne tionkweʼtát꞉tions akoió꞉tenhsera.