Jeremiah 31:9 - Ohiatonhseratokénti

⁹ Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Jeremiah 31:9 ပူးပေါင်းရင်းမြစ်များ

1 Chronicles 29:10

Thóh rahotihénton ne kanenhrakwé꞉kon Ronnontí꞉io Táwit wathononhweráton ne Roiá꞉ner. Wahénron, “Saiá꞉ner í꞉se Tiewenní꞉iokwe né shawatsotʼthonkonhkénʼen Jacob, í꞉se taiesanonhweratónhseke tsi nénhwe ó꞉ni tsi nénhwe enkénhake!

Psalms 107:7

Waʼsakohéntenhse ne iotʼthahakwahríhshion, kwáh iahontʼtakwahríhshiaʼte ne tsi tsenákeres ne kanatowaʼnénhke.

Psalms 23:2

Raʼkerihwáʼwis thóh nón꞉we nakatorísen tsi nón꞉we nikahentí꞉ios; ienhakkéntenhse ákta ne tsi watnekíne ne kanekí꞉io;

Psalms 89:27

Kwáh rahónha ne enhiʼhiónhniaʼte ne thóh tserénhton rawenhnakeráton riʼiénha, né kwáh enthasenhnowàʼnenhke ne rotinontí꞉ios ne tsi ionhwenhtsáte.

Exodus 4:22

Ethóne kí ó꞉nenk tsi entsró꞉ri tsi Í꞉i, ne Watiá꞉ner, káton, ‘NʼIsrael né꞉ne thakowáhnen rí꞉ienha.

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 43:20

Né kontírios kwáh thenhionkerénhsaron, né tsítsios tánon ne skawirowaʼnekówa; asèken khenekanón꞉ten ne iahonwenhtsiaʼthénhake, kaniaʼtaraténions thóh né iahonwenhtsiaʼthénhake, né nakhenekánonte né wakatonhkweʼtarákwens,

Isaiah 45:11

Né aoríhwa rá꞉ton ne Roiá꞉ner, né nek khók Roiatatokénti í꞉ken Israerʼronónke, tánon rahónha raiatíson: Kwáh kén enskerihwanontonhniónhase tsi nó꞉kwah ne khehiohokónha, khés nasekró꞉ri tsi nikaiothenseró꞉ten ahontsióten ne katsaná꞉kes?

Isaiah 57:14

Kwáh kí enhiaʼiéhron, “Shewakwahtáko, sewakwahtáko, sewahahaserónhni, akwé꞉kon éhʼren sewahawithánion tsi nahó꞉ten tehiotárons nakonkwetaʼshón꞉has raonahahá꞉kes.”

Isaiah 63:13

ónhka sakohénthenhse tsi nón꞉we nihionotésons? Kwáh né꞉ne kosáthens ne iahonwenhtsathénhake í꞉weh, iáh tethonashiʼtsákon.

Isaiah 63:16

Asèken í꞉se né takwahiénha, iawerohátien né Abraham tsi iáh shonkwaientéri tánon nʼIsrael iáh teshonkwaʼrihwaniráti; í꞉se, Ó Saiá꞉ner, né takwahiénha; né tionkwahiatákwen né osthénha í꞉ken né shasénhna.

Isaiah 64:8

Nek kík sá꞉ka, Ó Saiá꞉ner, í꞉se né onkwaní꞉sera í꞉ken; í꞉i nonawasthaʼkarí꞉io nahakwahiatóten, tánon í꞉se né takwatʼtietónhni; iakwahkwé꞉kon í꞉se shaʼtsanàke hionhkwahiaʼtíson.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 3:4

Tánon nónhwa waskénhase, ‘Í꞉se ne tahkeníha, tánon tahkenorónkwahkwe kwáh ne shiketʼsáha.

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Jeremiah 50:4

Ethóhʼne ne Israerʼró꞉nons ó꞉ni ne Judahró꞉nons iaʼtehóntiesʼthe, “Ráton ne Roiá꞉ner, tehonséntʼthos tánon ronhwahiatísaks ne Roiá꞉ner raotiʼNí꞉io.

Hosea 12:4

Raʼronhiakeró꞉non wahiaterí꞉io tánon wahatʼkwé꞉ni, wahthaséntho tánon wahoriwanón꞉tonhse ne kaiatateríhtshera; Bethel nón꞉we naʼthiatátken, tánon thóh nón꞉we natnithá꞉ren.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Zechariah 12:10

“Kwáh enkenáhʼne tsi nithotwatsirí꞉nonh ne Táwit ó꞉ni ne ronahtiakhésons ne Jerusalem nón꞉we né꞉ne kenténrat ó꞉ni aterén꞉naient. Enhonwakenhénhion tsi niká꞉ien ne ronwaháson tsi rawenhé꞉ion, kwáh enhothinikonratsénhsehke ne rahonhà꞉ke tsi ní꞉ioht tsi enhiakonikonrátsen ne enskakʼkok iakowí꞉raien nenhiahié꞉heie. Kwáh kátsi towá꞉nenh tsi tenhonsénhtho, kwáh tsi ní꞉ioht nahiakothónse nénhskak khók iakonekenterontsherá꞉ien.

Malachi 2:10

Iáh kenh tewakwé꞉kon shaià꞉ta khok ne tshitewaʼníha í꞉ken? Iáh kenh shaià꞉ta khok ne Rawenni꞉io ne shonkwaiaʼtíson? Oh katí nontié꞉ren tsi iáh teionkwarihwató꞉ken ne tshieiorihwakwé꞉kon tsi nokwá ne tewatateʼkoʼokón꞉ʼahs, ionkwenʼtaksatonhátie ne raonaterihwahseronniáhtshera ne iethihsothokonʼkénhen?

Numbers 2:18

Ne tsi iatewatʼtshénhthos nokwáhti, tsi niháti né thóh ratíteron tsi nónhwe nihonateniataróhare ne Ephraim rahotiʼtiókwas skát꞉ke kíʼ tsi enhontenáthaien ne rahotiʼtiókwas, skát꞉ke ne shaʼkotihéntense, ken ní꞉ioht, Ne Raotitsióhkwas Shaʼkotihéntense Tsi nihá꞉ti Ephraim Elishama né roʼníha né꞉ne Ammihud 40,500 niháti Manasseh Gamaliel né roʼníha né꞉ne Pedahzur 32,200 niháti Benjamin Abidan né roʼníha né꞉ne Gideoni 35,400 niháti Ne tiokwékton tsi nihá꞉ti: 108,100 Ne sohtiʼnenhrátʼtshons ne Ephraim né nasénhaton ienhonnéthake tsi enhatiʼnenhraserónhni.

Matthew 3:3

Aseken onen ȣaraȣe; ne rotonhakȣe tsi raȣen ne Rotokensehakȣe Isai: Kenhni haȣennoten ne karhakonson raȣennotaties, ratonnes: hetsiseȣahaaseronnien ne Roianer, tsionniarakȣenhaton tsi rohatenion

Matthew 5:4

Iakotaskat ne teionsenthos: aseken entsiontatenikonraieȣenthote.

Matthew 6:9

Kenh kati nenseȣaiere nenseȣaterennaien: Takȣaienha ne Karonhiake tesiteron! aiesasennaien!

Luke 6:21

Seȣataskat ise nonȣa seȣatonkariaks: Aseken hentsiseȣahtane: Seȣataskat ise nonȣa teseȣasenthos: Aseken hentsiseȣanikonriione.

Romans 8:26

Kwáh kíʼ neh saoríhwa nononikónra tewètha naionkwaiénawaseh, kwáh tsi ní꞉ioht tsi ionkwaʼtsihióha. Asèken iáh tehionkwateriéntare onhní꞉ioht tsi ahitewaterénʼnaien; íʼonhkwariwáke nonikónra tsi roniténtase ne Rawenni꞉io, tsi nihionikonranónwaks iáh taiewenʼnhatʼtshénri nehʼtaiéron.

2 Corinthians 6:18

tánon kwaienʼokón꞉ʼa enskénhake. Kwáh akwé꞉kon ne ronnón꞉kwe tánon ne konnón꞉kwe kheienʼokón꞉ʼa enskenhá꞉ke tsi I꞉ʼi khók Rawenni꞉io wakeʼshatstenhserowá꞉nen.”

Deuteronomy 14:1

“Í꞉se ne tsónhkwe ne Roiá꞉ner sewaNí꞉io rahonkweʼtashón꞉as. Káti nó꞉nen enieʼtsihiatsiónhnionhse ne iakawehié꞉hion, tó꞉sa sewatatreniá꞉nion tó꞉sa ó꞉ni sewathatenónhkaron, tsi nihatihié꞉ra notiàkes.

Deuteronomy 32:6

Thóh ken ki ní꞉ioht tsi natsisewatié꞉raʼse ne Roiá꞉ner, tisewathonhnókthe, iáh tesewatotkhatsherá꞉ien? Raónha tsisewaní꞉ha í꞉ken, tsi sewahiatí꞉son, raónha tsi sewenhtiokonhnién꞉ni.

Hebrews 12:13

Iasewahtashóntheren sewaʼtahítha ne ioʼtahakwahríshion, ne káti ne ioshitakarewáhton ne tóh꞉sa thènen akahiótathe, nók khèʼkhok ahonshaioiánerenʼne.

Hebrews 12:23

Thóh nonhʼnontáse tsi nónwe ne atʼtsennonniátshera iakotiataróron né꞉ne thóh tihénton shakonakerátston ne Rawenni꞉io, ronónha ne karonhiáke tathisénnare. Ni꞉ióʼne nontáse, rahónha teshakohiatorétha nonkweʼtakwé꞉kon, tánon ne rahonatónnhets ne tionkwetaiéris ioianerén꞉en.

Hebrews 5:7

Tsi rónnhekwe nonhontsiáke ne Ié꞉sos raterénnaienskwe ó꞉ni rohrihwahnontónniskwe kwáh rohtsitowahnénskwe óni okasheráhkons rahonháke ne Rawenni꞉io, tsi nikáien enhonónstathe ne kenheiát꞉ne. Tioríhwah tsi torihwahiérikwe ó꞉ni rohrihwahtókenʼne, ne Rawenni꞉io wahowenʼnáronke.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”