Jeremiah 31:8 - Ohiatonhseratokénti

⁸ Kwáh othoréke naʼtenthekhehiaténhaʼwe tánon tsi iothonhontioktahníhon nióre tsi enkhehiatharó꞉rohke. Ne tehieronwéhkon ó꞉ni ne iontshinokáhtha skátʼne tsi entʼthónʼne. Ne kontíhaʼwe ne hiothiwirahientáhsehre ó꞉ni tsi nokónhti ne ónenh thó꞉wah ahiotiʼwirahiénthaʼne. Kwáh ó꞉ni enshathiʼhiathanahnónhake tsi nenhshaʼthishástsʼtheʼke.

Jeremiah 31:8 ပူးပေါင်းရင်းမြစ်များ

Psalms 107:3

Tánon thetetsisewaʼhiathénha ne aktenón꞉we tionhontsaiéntons, né꞉ne tsitkarakwínekens tánon ne tsi iatewatʼtsénthos, né nothoréke tánon nentiéne.

Psalms 65:5

Í꞉se teskwaʼrihwasehrakwénhnis tsi teskwáwis natesenhniétshera, tánon ronwaʼsenhnakarátat ne Rawenni꞉io ne nonkwahiatakenátshera í꞉ken; í꞉se nonhkwahrahrát꞉tshera í꞉ken kwáh titkakwékton ne tsi iehiotonhontiotʼtaníhon nió꞉re iéken tánon ne ahinónhson nió꞉re tkaʼniataré꞉nions ne kaniatarakekowát꞉tsions.

Psalms 98:3

Ré꞉iare ne iorihwaʼtóken raonoronhkwáhtshera tánon ne raorihwaʼtokentítshera tsi nòkwah Nisraerʼró꞉nons. Akwékon ne tsi iehiotonhontsiotʼtaníhons iakotʼkátons ne raotesenhniétshera ne Rawenni꞉io.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 42:16

Kwáh enkhehéntenhse ne teieronhwèkon né tsi iohatátie ne iáh tehatihaientéri nakohianaken ioháte ne iah tehatiʼientérihkwe Kwáh í꞉i enkeiatenhnikonráren. Kwáh tentʼkaraténi ne tetsiókaras thóh rahotihénton tahioswát꞉thene, ne watenatáʼshens nahontonhontsakwahrísi. Né kí꞉ken nahorihoténshons tsi thóh nénhtiere, tánon iáh takheiatewénhtethe.

Isaiah 43:6

Kwáh enkénhase nothorèke, “Sehiát꞉kaf,” tánon nenhtiéne, “Tó꞉sa shehiótats; tontashehiaténhaf nakenekenteronhtseraʼshónhas nahinónsons nió꞉re ít꞉ken tánon ne khehiohokónhas tionatʼtonhwísens ne tsi ieiotonhontiotʼtaníhon iekónhnes—

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Isaiah 52:10

Né Roiá꞉ner kwáh ronenhtsakwahrí꞉shion ne iotokénti í꞉ken ranenhtshàke ohénton tsi tehatiʼkanerónhnions ne ronhnonhontsakeʼró꞉nons; tánon kwáh tsi iehiotonhontiokʼtaníhon nió꞉re tsi enhiontkathóseron ne raoʼienawaséhtsheras nónkwah Ní꞉io.

Jeremiah 16:15

Khèkok, akonháke enhatiʼriwahníraʼte tsi ne ne konnhehónwe Ní꞉io tsi tethekhehiaténha ne Israerʼró꞉nons né othorekésons nónhwe tionhontsaiénton ó꞉ni ne aktésons nónhwe tkanakerahserahkérons tsi nonhwéson hiatekhehiareniá꞉ton. Kwáh tentekhehiaténhaʼwe tsi nónhwe ne kwáh ronónha raotinahkeráhsera, tsi nónhwe nihionhontsáien ne shaʼkothitsotʼthonkonkénʼen kehionhontsáwi. Í꞉i ne Watiá꞉ner, wahkatáti.”

Jeremiah 23:3

Ensheʼkhehiataróhroʼke nakonhkwetaʼshón꞉a tsi nonhwésons niʼkanakerahsehrakérons iaʼtekhehiareʼniáton, tánon tenthekheʼhiaténhaʼwe tsi nónhwe nihonahnakeráhton. Wéso enhotiwirahiénthaʼne ó꞉ni enhonatiokowáhna.

Jeremiah 23:8

Khék khók, akonháke enhatiʼriwahníraʼte tsi konnhehónwe Ní꞉io tsi tetetkhehiaténʼa nonhkweshón꞉a ne Israerʼró꞉nons ne othorékes tionhontsaiénton ó꞉ni teʼtetkhehiaténʼa natʼthesonnonhwéson tsiohontsaiéntons tsi nonhwéson hiaʼtekhehiareniáthonʼne. Ethóhʼne kwáh rahononhontsákes nónhwe nenhshaʼthináhkerehke.”

Jeremiah 29:14

Hén, káhton enskwahiatatʼtsénri, tánon enskwahkwahthákwahse ne tionhontsashón꞉ʼa. Kwáh enskwahiatharó꞉rohke tsi kanahkerahsehrahkérons tánon tsi nonhwésons hiatekwahreniáton, ó꞉ni kwáh tentkwahiaténhaʼwe tsi nónhwe nihionhontsá꞉ien ne kwáhʼthekwá꞉hton tsi kwáh-nahkerahkwáh꞉ton, Í꞉i, ne Watiá꞉ner, wakatháti.’

Jeremiah 3:12

Wahakró꞉ri ne iáke tánon nakró꞉ri ne Israel, “Iáh tehiorihwahtó꞉ken Israel, íh nòkwa nahthétewe. Wahkahthanitenrástskon tánon iáh tahonkenáhkwen; iáh tsi nénhwe thakonhnáhkwahse.

Jeremiah 3:18

Israel enhiotiatáhrahse ne Judah, tánon skátʼne tsi nentʼkéne nahonshatianahkeráhko tsi kanahkerahsehráhien ne othoréhke tánon thóh niénskehʼne tsi tiohontsiáien nètho thekhehiáwi ne ietʼtsisotʼtkonkonhkénʼen né tsi rahonahwenhkónhwe enkénhake.”

Ezekiel 20:34

Enkonhnatónhase nakeshastsʼténsera tánon nakenahkwáhtshera nónenh enskwahiataró꞉rohke tánon tentkwahiaténhawe naktéson nónhwe tkanakerahserakéronhs tsi nónhwe iateietʼtsiʼiareʼniáton.

Ezekiel 20:41

Nónenh tetkwahiatínekenwe ne tsi kanakerahserahkéronhs tsi nonhwéson iateietʼtsiʼiareniáton tánon skátke sakwahiataró꞉rohke, kwáh entiéna ne sewariwiʼiosehokónhas ne sewatʼtsahathánion, tánon nonhkweshón꞉ʼa enhontkáto tsi watiatatokénti.

Ezekiel 34:12

kwáh tsi ní꞉ioht tsi shakotinikónhrahre ne rahotitʼtshénenh teiotinahkaronhtónha ne tehionahrénion tánon shé꞉kon sahkonhwatihiataróh꞉roke. Kwáh tentekhehiaténhawe ne tsiknonhwésons niatehionahréhnion nètho tetsiókaras, kahkaronhniatsherowáhnen tewenhnisehrónhte.

Ezekiel 34:13

Tenthekhehiatínekenhwe ne ákte nónhwe tkanakerahserahkérons, ensehkhehiataróroʼke, tánon tentekhehiaténhawe tsi nónhwe ne roʼnónha rahononhontsáke. Iesekʼkhehiasárihne tsi tiononhtarónhnions ó꞉ni tsi nónhwe nikahionhatáties ne Israerʼró꞉nonhke tánon thoʼnónhwe nenhsekʼkhéteron tsi nónhwe ne iotenekerónhni kahentáhke nahthakonhskáhon.

Ezekiel 34:16

“Kwáh enkhehiathisháke tsi nikónhti ne ionahtsiathatónhon, tenhthekhehiaténhawe tsi nikáien ne kenktiehioné꞉nonh, enkhekenthó꞉ren ne iotikarewáhthon, tánon ensheʼkhétsenthe ne iotinonhwákʼtani; ók tsi nikónhti ne ionarésenhs ó꞉ni konhtishástsʼtes kwáh nènhʼne enkhehiáthonthe, tioríhwa Í꞉i ne ranónhne thóh nihahiéra ne tkariwahiéri.

Micah 4:6

Ne é꞉tho entewenhniserá꞉teke, rá꞉ton ne Roiá꞉ner, kwáh enkheiaʼtaró꞉roke tsi niká꞉ien ne iontsinokátha, tánon ensekheiaʼtaró꞉roke tsi niiá꞉kon ne teiakorénion, tánon tsi niiá꞉kon ne khekarewá꞉ton.

Zephaniah 3:19

Ensewatkáto, ne thóh nenkahá꞉wike kwáh í꞉ih enkherewate nonkweshohas ne ietsironhiakentha; kwáh ensekhetsénhte ne iontsinokátha tánon ensekhehiaʼtaró꞉roke ne teiakoréhnion; tánon kwáh ne thensetkarateniáte ne raonatehénsera nahonsahonatkwenienstónhake, tánon kwáh tesetkhetáste tánon enhatiié꞉na ne kakwenienstátshera kwáh tsi niateionhontsáke tsi nón꞉we nihonatehén꞉en.

Zechariah 2:6

Ne Roiá꞉ner washakawénhase ne rahonkweʼtashón꞉ʼa, “Tekwahrehniáton kwák tsík nitsiotserahthánions. Ók nihnónhwa, ne sehwanhakeráhkwen, shasehwaniáken ne Babylonia nón꞉we tánon Jerusalem nionshá꞉sehwe.

Matthew 12:20

Iah oni tahasȣate ne sekon nikaienkȣarotonnions tsiniiore niienhasenniase ne kaianeren.

John 21:15

Nok nonen sahatikȣentane, Iesos ȣahaȣenhase ne Simon Tier: Simon Jonas iaienha ihsiken nonȣe niskenoronkȣa tsiniiot ne ronatiake? tontahenron; henh Seȣenniio! saterientare tsi konnoronkȣa. Tontahenron shenont kinio naketsenenhokon teiotinakarontonha oȣira.

1 Corinthians 8:10

Tóhka nónwah nónkwe ne iáh teienikonrahshástsʼte nèki nahorihóten iesháh꞉kens, ne rohtíʼien akénhake “atʼthohkhátshera,” iaʼtehiakotskáhon ne kahiatónni ahonnonsatokentíke; iáh kén né kí꞉ken tahiakonikonráhreke nahiéke ne kákʼkhwa ne kahiatónni konwahtáti?

Deuteronomy 30:4

Iekaní꞉hare tó꞉ka thóh nón꞉we iatetsisewareniáton ne kwáh í꞉non ítken ne tsi iatekahiosáien ne tsi ionhwentsáte, ne Roiá꞉ner SewaNí꞉io enhsehtsisewahiaʼtaró꞉roke ne tahonthatsisewahiaʼténhawe.

1 Thessalonians 5:14

Kwahretiárons, onkwahtenroʼshón꞉a ietʼtsihiaronkáten tíken ronʼnentóras, ietʼtsinikonranírat ne ronatʼtseiáron, ietʼtsisniénon ne rotitsihióha, ietsihiatenikonkátsʼtet nonkwetakwékon.

Hebrews 12:12

Sewaharáhtat ne teiowisenhéion sewahtshanákes, tánon sewahshatsʼténseron ne tehiowishiónkwahs sewahkwí꞉tiaʼkes!

Hebrews 4:15

Nonkwahtsihenstowáhnen iáh raónha tèken ne iáh taonikonraientáhseke tsi niʼionkwahtsiʼióha. Onk khèkenk, Rahtsihenstowáhnen ionhkwahtsihénstaien kwáh tsík nitiotieráhton tsi tehʼonwahnikonraʼráskwe kwáh né sháka tsi kíʼ ninihionkwahiátawes, nók iáh teorihwáhneren.