Jeremiah 31:34 - Ohiatonhseratokénti

³⁴ Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 31:34 ပူးပေါင်းရင်းမြစ်များ

1 Chronicles 28:9

Tánon tsi nòkwah ne Solomon wahawénhase nenhʼné꞉e, “Riʼiénha, Waʼkonrihónten natserihwaníratse ne ianíha raoní꞉io tánon natsiótenhse né kwáh seweriásak akénhake tánon né nahisanikonhroténhake. Akwé꞉kon roteriéntare nónkwah nonthonhniónhtsheras ó꞉ni nón kwahskanéktsheras. Tó꞉ka rahonháke nòkwah nienhénse, kwáh enthiaiéna; ók tó꞉ka entsiatsatonhtákwahse, kwáh kíʼ tsi nénhwe tsi enhiatewénhtheʼte.

Psalms 25:7

Saskenikónhrens nakerihwanerahák꞉tsera ne sitewatiónha ó꞉ni tsi naʼtewakaterientawén꞉rie; né entsoianénhawe ne sáwenk iorihwatóken kanoronhkwáhtsera tsi takehiárak, asèken né tsi nisahiánere aoríhwa, Ó Saiá꞉ner!

Isaiah 11:9

Kwáh iáh tahotikaré꞉waʼte khés nahonwanátonhte tsi nonwéshons nakenontatokentíkes; asèken ne tsi iohontsáte né tentkará꞉ke ne raotʼthoʼkhátshera ne Roiá꞉ner kwáh tsi ní꞉ioht nonèkanos tsi ioróh꞉ron ne kaniatarakhekówa.

Isaiah 29:24

Tánon tsi niʼiákon ne tenhionterientawénhrie ne tsi iakónnhe kwáh kí ienhotiʼnikonraiéntaʼne, tánon tsi niʼiákon ne iakorihwakaténhen kwáh kí enhieiéna ne karihonhnienhnítshera.

Isaiah 30:26

Sénha kí í꞉si nòn꞉we níken tsi nateiostʼwát꞉the Nasonhthenhné꞉kha karáhkwah, thóh kí naʼthenhioswát꞉theke tsi ní꞉ioht nenhtiekhenékha karáhkwah, tánon nenhtiekhenékha karáhkwah tsáta naʼthenhkaiáseren sénha thenhoswát꞉theke, tsi kíʼ ní꞉ioht tsi teioswát꞉the ne tsáta nón꞉ta nikaríhwes, nètho enwennhiseráteʼke nó꞉nen ne Roiá꞉ner enshakokentorónhnion tsi nihotiʼkarewathánions ne rahonkwetaʼshón꞉has, tánon enshesakotsienhthánion tsi nihonatʼkarewatons tsi nishakókonhre.

Isaiah 33:24

Tánon iáh ónhka ne thóh ienákere nahiaiéron, “Wakenonwákʼtani”; nonkweshón꞉has né nón꞉we niʼienákere kwáh kí enskanikonrénhenke ne raoʼtirihwaneraháktshera.

Isaiah 33:6

kwáh rahónha enhiaienáwaʼse tsi nenhsenhteniseraténionʼke, enhiawetowánenhke ne kahiatakenátshera, atʼthokhátshera, tánon ne karihonhnienhnítshera; nahonwaʼtsianísehke ne Roiá꞉ner né꞉ne Zion aotsokowáhtshera í꞉ken.

Isaiah 38:17

Oriwiʼiohónwe né natiaʼtakenáhtshera kènhne né꞉ne teiotenonhianíton tsi kí wakenikonhráksenhskwe; ók thontasónhneke ne tsi kónnhe ne tsi tsiosónwaien ne atkaronhniátshera, asèken akwékon í꞉she ieshá꞉tion nakerihwaneraháktsheras tshónnhe nón꞉we nisáien.

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 52:6

Né ká꞉ti aoríhwa nakonkwetaʼshón꞉has enhiontʼsenhnaientéraʼne; né ká꞉ti aoríhwa né thóh tewenhniserón꞉te kwáh enhonateriéntaraʼne tsi I꞉i ne wakatatíhon; kénʼen í꞉kes.

Isaiah 54:13

Ratiʼkwé꞉kon ne sehiohʼokónhas kwáh Roiá꞉ner né ensakorihón꞉nien, tánon thenhiotenonianítonhke tsi nenhotiʼkwahtshéhake ne sehiohʼokónhas.

Jeremiah 24:7

Entheʼkhéhion naskanéktshera nahonatheriéntahraʼne tsi Í꞉i ne Watiá꞉ner. Ethóhʼne kíʼ ʼI꞉i ne akonhkwetahshón꞉a enhónton, tánon Í꞉i ne raothiʼNí꞉io enkénhake, tioríhwa tsi kwáh ronnerhiashaʼkwékon tsi Í꞉i nòkwah nahtentʼthónne.

Jeremiah 32:40

Kwáh tsi nénhwe tsi enkáhtake nenhiakwahtsiaʼnerensehrónni. Kwáh iáh nonhwénhton thakátkahwe nahó꞉ten ne ioiánereh tsi naʼkhehiatiérahse, tánon enkhhiónnien kwáh rahonerhiashaʼkwékon tsi enhionkhetianísehke, eʼnahontáʼwe ne kwáh tó꞉sa nonhwénhton ne ahonshaʼhionkatkahrahténi.

Jeremiah 33:8

Kwáh ensheʼkherahkéwahse tsi nòkwah ne karihwáhneren nètho tsi nihothiníkonh tsi nòkwah Í꞉i, tánon ensheʼkhenikónhrenseh ne rahotiʼriwahneraháktshera ó꞉ni tsi naʼtehothirihó꞉ron.

Jeremiah 50:20

Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Jeremiah 9:23

Ne Roiá꞉ner ráton, “Kíʼ attokháhtshera iáh tehiówenhk ne tahathirénsahron ne rahothinikonrowahnátshera, tóh꞉ka ó꞉ni tsi nikashástsʼte ne raothishastsʼténsera, tóh꞉ka ó꞉ni tsi ne iókwats ne raonatʼtsokohwátshera.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Micah 7:19

Kwáh kíʼ shé꞉kon tentre tánon ensheshonkwenténhre; kwáh kíʼ enharatatiéson nonkwahrihwaneraháktshera. Akwé꞉kon isehienhóti nonkwahrihwaneraháktsheras tsi nón꞉we ne kwáh tionó꞉tes kaniatarakeʼkowáhne.

Habakkuk 2:14

Ók ne ronhnonhontsakeró꞉nons kwáh tentʼká꞉rake tsi enhotinikonhraientháhsehke ne raoshatsténhsera tánon tsi nateotenonhianì꞉ton ne Roiá꞉ner, kwáh kíʼ tsi ní꞉ioht ne kaniatarakeʼkó꞉wa titkanekáhere.

Matthew 11:27

Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

Luke 1:77

Naserionnien ne raotiokȣa tsinaieiere ne karonhiake aiontsennonni tsi aonsaiakoterakeȣase nakoriȣaneraaksera.

John 17:3

Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

John 17:6

Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennanoronston.

John 6:45

Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

Acts 10:43

Rahthikwékon ne ronatiaʼtatkonkwe ronwatharákwen, ronthónhakwe tsi nihiákon nenʼthonkwétakwe, ó꞉ni entiakoterakéwase nakoriwaneraháktsera thóh kasatstenserákon ne rahosén꞉na.”

2 Corinthians 2:10

Nó꞉nen entsehtshiʼnikónhrhenʼse ónhka nahò꞉ten iehtshiʼnikonhraksà꞉ton í꞉ʼi ki ó꞉ni ensekheʼnikónhrhenʼse. Orihwí꞉io teiotonhontsó꞉hon akwé꞉kon tsi aonsonkeʼnikónhrhen raohén꞉ton ne Kerístos í꞉se sewarihwà꞉ke, í꞉se sewarihónnia.

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

1 Thessalonians 4:9

Iáh thènen takarihontáko niakwahiátonse ne kanoronkwáhtshera aoriwáhke tsi natesewáhtereh. Kwáh iatesewahiáti Rawenni꞉io tsi sewahrihonniénni tsi natahiotonʼontióhonke tsi taisewahtatenorónkwahke.

Hebrews 5:12

Kwáh iaʼtekaiérihkwe tsi nishewahnatotaʼkwe nahietʼtsirihonniénnihke—nók kíʼ shékon teshewahtonwenhtióni nónkak ahetʼtsirihónnien ne tiotierentáhkwen ne Rawenni꞉io raoterihwahnothátshera. Tsi ní꞉ioht ne iohkhwahníron aíshewahke, shékon kíʼ onónhta sehwahnekírah.

Hebrews 8:11

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tiorí꞉wa tsi ratiʼkwé꞉kon enhiontienteríhake, né꞉ne kwáh kenk nahiesénnaske tsi nió꞉re ne kwáh tsiaʼkotsénnahthe.

Hebrews 8:12

Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼweréhon.”

1 Sawátis 2:20

Nók sewaientáʼon ne Ronikonriʼióston tsi nitotórion ne Kerístos, nekáti aoríwa sewakwékon sewateriéntare noriwiʼioʼónkwe.

1 Sawátis 2:27

Nók kíʼ níse, Kerístos thóweron ne Rahonikónra tionháke. Tsi náhe ensewakwekónhake ne Rahonikónra, iáh ónka tatesewathonwentió꞉ni naietʼtsirihónnien. Asèken ne Rahonikónra neh sewarihonniénnis kwá tsík nahoténsons, tánon tsi nahóten sakorihonniénnis neh꞉ne oriwí꞉ioh, iáh onówen tèken. Satewénnarak tsi nisarihonniénnis nonikónra, ehʼthón꞉ne, ó꞉ni iaskóntak tetiateriwasónterak ne Kerístos.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

1 Samuel 2:12

Nón꞉wa ne raoʼnekenteronhtsheraʼsónhas ne Eli tenonkwetahétʼkens; iáh othènen tehoniónhni ne Roiá꞉ner