Jeremiah 31:3 - Ohiatonhseratokénti

³ Ne Roiá꞉ner Wahototháshiaʼse ne ne ahínonʼnióre íken. Kwáh tiókonhte tsi kwahnorónkwahkwe ne nènhʼne ne tsi nénhwe enkátahke ne kanoronhkwáhtshera. Ne꞉ne iáh tehioriwahnóronhs kanoronhkwáhtshera akonháke takonhiaʼthatihéntʼtho.

Jeremiah 31:3 ပူးပေါင်းရင်းမြစ်များ

1 Kings 10:9

Tehonwanonweráton ne Roiá꞉ner Saní꞉io íken! Warénesʼthe tsi nihawerienhtí꞉ios tsi nòkwah níse ne tsi wahianonhtí꞉iosʼthe Nisraerʼró꞉nonhke. Né wakarihónhni Nisraerʼró꞉nonke tsi né nènhwe tsi enhanorónhkwahke, í꞉se ne raotinonhtí꞉io wahiónhni ne káti nahónton ne tiókonhte nahisatienawastónhake ne kaianerénhsera ó꞉ni naʼterihwakwahrihshiónhtseras.”

Psalms 103:17

Ók kíʼ ne iorihwaʼtóken raonoronhkwáhtsera ne Roiá꞉ner né꞉nenhné꞉e tsi nénhwe enkénhake thóh nón꞉we nenhkaiénhthake né꞉ne tsi nihiákon ne ronhwarihwakweʼniénstha, tánon ne raorihwaʼkwarihshón꞉tshera kwáh kíʼ enkátake tsi waʼhatinekwenhsátatse ne ratiksaʼokónhas,

Psalms 25:6

Sehiárak tsi nisatanithénhron, Ó Saiá꞉ner, tánon tsi niorihwató꞉ken ne sanoronkwáhtsera, né tsi nisehnéston ne waʼhón꞉nihse thènnen.

Song of Songs 1:4

Iastiaténhaf, ánion teionkenisteríhen. Ne ronnontí꞉io iahatiaʼtínionte ne tsi thonón꞉sohte. Kwáh í꞉ken tsi tsaʼtonnáren tánon iontiatsennonní꞉hak shón꞉hake; kwáh thentsatenonweráton ne sanoronkwáhtshera sénha tsi ní꞉ioht nonenhará꞉keri; iáh tekanekhé꞉rent kontikwé꞉kon ne konnón꞉kwe iesanorónkwah.

Isaiah 43:4

Tsioríhwa tsi nishiaʼtanóron natkénton, tánon tesehrénhsharon, tánon konhnorónhkwa, né꞉ne niaʼkahontsakeró꞉nons thenkatathaʼwístakwe ne tsi shón꞉nhe.

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Isaiah 49:14

Ók Zion wakénron, “Né Roiá꞉ner rakatewentéton, natiá꞉ner ratiaʼtanikonrénhʼen.”

Hosea 11:1

Ne shihatsáha Israel, rinorón꞉kwakwe, tánon Egypt nón꞉we iahí꞉naton ne riiénha.

Hosea 11:4

Wakhehiasá꞉rine asehrí꞉ie wá꞉katste ne nónkwe akononronhkwáhtshera í꞉ken, né꞉ne wé꞉so kanoronhkwáhtshera. Kwáh thakehiateweientónhase tsi ní꞉ioht nónhkak thenhiontatsatákwe ietsáha thenhiontatenorónhkwahnion. Iatkaktsákete rononhà꞉ke tánon wakhenónte.

Malachi 1:2

Konnonronhkwá꞉ʼon, rá꞉ton ne Roiá꞉ner. Ók ní꞉se sá꞉ton, “Oh ní꞉ioht tsi takenoronhkhwá꞉ʼon?” Iáh kenh ne Esau Jacob tehiatateʼkén꞉ʼa? rá꞉ton ne Roiá꞉ner. Ne kiʼk shá꞉ka rinoronhkhwá꞉ʼon ne Jacob

Romans 8:30

Éhʼtho káti tsi niháti ne Rawenni꞉io sakohiatarákwen, iesakonáton; tánon tsi niháti ne iesakonáton, sahsakoriwakwathákwaʼse tsi natehóntere, tánon ó꞉ni tasakáwen neh rahohiatanerakwátsera.

Romans 9:13

Tsi niwáton ne Kahiatonseratokénti, “Rinorónkwa ne Jacob, nók ríhsons ne Esau.”

Deuteronomy 10:15

Ók ne Roiá꞉ner rahonoronhkwátshera tsi nikashátsteʼkwe tsi nokwáh ne sewasoʼtsheraokonhkén꞉en í꞉se watsisewahiaʼtará꞉ko tsi ní꞉ioht ne akóren nonhkweshón꞉a, tánon nón꞉wa shé꞉kon ki í꞉se rahonkweʼtashón꞉as í꞉ken.

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Deuteronomy 33:3

Ne Roiá꞉ner sakonorónhkwa ne rahonkweʼtashón꞉as tánon teshakónes tsi niháti ne raónha rahonkweʼtashón꞉a. Káti watiakwatsakè꞉te ne rasitákta tánon wahakwatewénhnaraʼkwe ne rahoriwatà꞉tsheras.

Deuteronomy 4:37

Tiorí꞉wa tsi shakonorónhkwa ne ietsisothonkonʼkén꞉en, í꞉se waʼtsisewahiataráko, tánon rahónʼa raoshaststenserowanáhtshera waʼrátste tsi tontatsisewahiaʼtí꞉nekenhwe ne Egypt.

2 Timothy 1:9

Rawenni꞉io shesonkwahiatakwen tánon tesonkwanathon ne rahónha rahonkwetaʼsónha aʼetewáhthon, iáh neh tehiorihónniat onhʼnahionkwatiéren, onk ne ahoríwah tsi nihotenikonrónʼni ó꞉ni ne rahoténrat. Kwáh raʼonháke ne Kerístos Ié꞉sos tsi tesonkwáhwi kí꞉ken kenténrat né꞉ne oʼhénton shontonthonhontsaʼtásawen.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

1 Tiér 1:3

Ánion tetsitewanonweráton ne Rawenni꞉io ó꞉ni rahónha Roiénha ne Sonkwaiáner Ié꞉sos Kerístos! Tsioríhwa tsi nikowánen ne rahoténrat thesonkwáwi náse atón꞉nhets neh tsi shokʼhétskwen ne Ié꞉sos Kerístos ne kenheiátne. Neh kí꞉ken kananónk꞉tha ne tewaiéronke ne ionnheʼónwe ahraráhtsera,

1 Sawátis 4:19

Ionkwáien ne kanoronkwátshera neh tsi Rawenni꞉io thotierénton sonkwanoronkwáʼon.