Jeremiah 31:12 - Ohiatonhseratokénti

¹² Kwáh tentʼthónʼne tánon tenhatiʼriwáhkweh naʼthonnharáhtshera ne tsi iononhtáhereh ne Zion tánon ne enhontsennonhniáthaʼkwe tsi nenhkhehiawíhon— enkhenahtsiawíhon óni ne iaʼkenʼiehwáhtha kénhie, enkheʼnaskwahwíhon ne teiotinahkarontónʼa óni ne tionónhskwahrons. Kwáh enthonenhiotónhake tsi enhonahtennisehraʼténionʼke tsi ní꞉ioht ne kwáh konwahtiʼnekanónhten ne kahéthaien; kwáh tsi nahó꞉ten ne tahonahthonwenhtsioníhaʼke kwáh akwékon enhathiʼiéna.

Jeremiah 31:12 ပူးပေါင်းရင်းမြစ်များ

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Isaiah 1:30

Asé꞉ken thóh nenhshiatóhtenhne tsi ní꞉ioht ne karíhton ké꞉rihte nahónerathe onstáʼthen, tánon tsi ní꞉ioht ne kahé꞉thaien ne iáh tehioné꞉kaien.

Isaiah 35:10

Tánon né꞉ne sesakohiatákwen ne Roiá꞉ner kwáh thentónhne, tánon enshónnewe ne Zion thenhotiʼrihwakwenhátie; né꞉ne tsi nénhwe enkénhake natsenhnonniátshera ratinontsíne enwatake; kwáh ne enhatiʼiéna natonhnárat ó꞉ni natsenhnonhniátshera, tánon ne kanikonraksénhtshera ó꞉ni ne taieríhwaʼkwe kwáh kenktshiénhwe.

Isaiah 51:11

Né ká꞉ti ne shesakoiatákwen ne Roiá꞉ner kwáh iensónhne, tánon tentʼthón꞉ne ne Zion tsi tenhotiʼrihwakwenhátie; né꞉ne tsi nénhwe natonnhárat enká꞉raʼke ne ratinontsínes; kwáh kí enhatiʼiéna natonnhárat ó꞉ni natsenhnonniátsheras, tánon ne kanikonraksénhtsheras ó꞉ni naiakahónsene tsi éhʼren enwé꞉te.

Isaiah 52:8

Satahónsatat! Né shonkwetaʼshónhas ne ratiʼnikónrare wahthotiʼhénrethe, skát꞉ne tsi wathaʼtiríwakwe natonhnhárat; asèken kwáh tshiehióken tsi rontkáthos tsi nionsáre ne Roiá꞉ner ne Zion nón꞉we.

Isaiah 58:11

Né Roiá꞉ner kwáh enhiaʼsárihne ienhiokontákwen, tánon enhiaʼiéritʼtse tsi naʼtesatonhontsóni tsi nón꞉we nihioʼhontsáʼtens, tánon enhiastientaníraʼte; tánon thóh nenhshiaʼtothénhake tsi ní꞉ioht ne kwáh iakonekóntion ne kahétakon, kwáh né꞉ne tioné꞉koʼte, né nonékanos iah nonwénhton tewástes.

Isaiah 60:20

Né sará꞉kwah iáh shé꞉kon tsahonsakaráhkwenhne, khés né sará꞉kwah nashotʼthenhnékha nahonterakwáhsehte; asèken né꞉ne Roiá꞉ner tsi nénhwe enkénhake tsi theniaswathéten, tánon né tsi niʼsathenhniseraté꞉nions tsi nisatʼtiónhnion kwáh kí enwatókthen.

Isaiah 65:19

Kwáh enkatonnháren ahonhá꞉ke ne Jerusalem, tánon wakatonhnáhere rononháke nakonkwetaʼshón꞉has; iáh shé꞉kon tahonsahioronkatónhake ne tahionhséntʼtho né nón꞉we naiakotónhteʼke khés né kasentʼthó꞉tshera né kanikonrahronhiakénhsera.

Jeremiah 3:14

“Iáh teshewahriwahtó꞉ken tiónkwe, thonthásehwe; í꞉ih akonhkwethashón꞉a. Tsi sehwahiatʼtátʼtion ienkwahiaténhawe ne ne skanáhtha tánon tehionkwéthake ne skanatát꞉shon, tánon tsi tionónhte ne Zion nienskwahiaténhawe.

Jeremiah 31:24

Nonkweshón꞉a Judah nónhwe nenhatiʼnáhkerehke ó꞉ni akwékon tsi nónhwe nihionáhtaiens, tánon ó꞉ni ne ratiʼiénthos, ó꞉ni ne teiotinakarontónʼa sahkotinónhne skátke ne raoʼtitsenenhókons.

Jeremiah 31:25

Ensehkheshastsʼténseron ne tehothiwisenhéion tánon kákhwa enkheʼiéritʼtshe kwáh tsi niaʼtehionkwétahke ne iakotsihióha ne tsi ionthonkárhiaks.

Jeremiah 31:4

Shé꞉kon énska iesehwáhteratsʼthe nahonshakwahriwahsehrónnien. Shé꞉kon énska iesehwáhteratsʼte tentsisehwáhkwe ne ienahkwahétʼtha tánon kwáh athonnahrahkwahʼtsherákon tsi tenʼtsisehwahniónniaʼkwe.

Jeremiah 31:6

Hén, ienkáheʼwe nónenh ne ratiʼnikónhrahre iaʼtenhothiʼhénrethe tsi iohnonhthaʼrónnonhs ne Ephraim, ‘Ánion Zion iétheweh, rahonháke ne Roiá꞉ner onhkwahʼNí꞉io.’”

Jeremiah 31:7

Ne Roiá꞉ner ráton, “Tesehwahriwákʼkwas natonnahráhtshera ne Israel, ne ahonháʼa tkasennowáhnenh akahonhà꞉ke nonkweshónha. Tesehwahríhwak ne sehwahrénnas ne kanonhwerahtóntshera, ‘Ne Roiá꞉ner wahshakonónhsthaʼte ne rahonkwetahshón꞉a; wahshaʼkoniákenʼthe tsi nihiákonh ne iaʼtehiakothaténron.’

Jeremiah 32:15

Ne Roiá꞉ner Roshastsʼtenserowáhnen, ne sahkoʼNí꞉io ne Israerʼró꞉nons, rákwen ne kanonhsahsónhas, kahentasónhas, ó꞉ni ne kanenharahientʼthóhserons tsi shé꞉kon tentkáhake ne kén nónhwe niwahthonwenhtsiáien.”

Jeremiah 33:12

Ne Roiá꞉ner Roshastsʼtenserowáhnenh ráton, “Ne kénʼen ionwénhtsiaien kwáh thóh ní꞉ioht tsi ní꞉ioht ne iahonwenhtsaténhake tánon tsi nónhwe iáh ónhka nonhkweshón꞉a ó꞉ni ne katʼtshénenh tehatináhkere, kwáh káti shé꞉kon énska iensehwáhtheratsʼte enskahenthaiénthake nahkonhwahtiʼterontákwahke ne katʼtshénenhs tsi nónhwe ne teiotinahkarontónha sahkotinónhʼne nienshakotiʼhiaténhaʼwe ne teiotinahkarontónʼa.

Jeremiah 33:13

Ne kanahthakónhsons tsi iononhtharónnion ne kahetháke, ne tsi iononhthaientáhons, tánon nientiéne nokwáhti ne Judah, ne ahonthonwenhtsáke ne Benjamin, ne tsi kanahthaiéntons akthóntsie ne Jerusalem, ó꞉ni ne kanahthakónhsons ne Judah, ne teiotinakarontónʼa sahkothinónhʼne shé꞉kon énska iesehwáhteratsʼte enskonwahnhá꞉sehte ne rahotiʼtsenenhókonhs. Í꞉i, ne Watiá꞉ner, wakatáti.”

Ezekiel 17:23

né꞉ne kwáh tsiotenónhthaʼte ne Israerʼró꞉nonhke. Kwáh enkanhathontónhnion tánon enkanenhʼónten tánon kwáh enkaronhtowáhʼna. Kwáh niatekahtsitensehráhke étho nónhwe nenhkonhtiterónhthake tánon enkonhtitsénri nakonhtsienthá꞉kwahke ne tsi iorakwahwehrósthon.

Ezekiel 20:40

Thóh nónhwe ne iohontsáien, né nakenonhtatokenhtíke, né꞉ne tiotenónhtahte Israerʼró꞉nonhke, sehwahkwékon ne Israerʼró꞉nonhke tsi enskwasénhnaien. Kwáh enwahkerientí꞉io tsi nòkwah ní꞉se tánon kwáh enwahkeráhreke nahontaskwahawíthase ne sehwatsahathá꞉kwen, ne kwáh tioiáneres ne sewahthatawítsheras, tánon ne sewáhwenk ne iotokéntis naskwáhion.

Ezekiel 34:14

Kwáh enkheríhon nakonhtihóntahke iáh thaʼhiotiterónhsehke ne tsi ionhnontarónnions kahentáhkes ó꞉ni nahonrahkwahkónhsonhs ó꞉ni akwékon ne óhonte nikahentó꞉tens ne Israerʼró꞉nonhke.

Ezekiel 36:30

Kwáh iéntʼreke ne wéso ahonhianihiónten ne saronhtashón꞉as ó꞉ni ne sahenthákes, ne káti ne tó꞉sa shé꞉konh atonhkarhiákon ahonsehsatéhathe tsi natesehwáhtere nonhkweshón꞉a.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Joel 3:18

Ne thóh enwenhniserá꞉teke ne tsi ionontahrónhnions kwáh enwatsánon ne teionekatsikhè꞉tare onenhará꞉keri, ne tsi ionhniarónhnions kwáh enwatawenhrát꞉tseke nonón꞉ta, tánon akwé꞉kon tsi niwatnekí꞉nes ne Judah nón꞉we kwáh kí enwatawenhrát꞉tseke nohné꞉kanos; né ioné꞉kote kwáh thóh nón꞉we nénhtewe Raononsatokenhtikowáhne ne Roiá꞉ner tánon ne enhionekanónhte ne Shittim ahonráhkwakon.

Haggai 2:19

Thé꞉nenh ken ne kanenhá꞉sonha iotathenrá꞉hon ne tsi iakehnekeraientháhkwah? Tsi nió꞉re nón꞉wa nonénhare, ne tionhnionwaronhtonhakó꞉wa karón꞉ta, ne wé꞉so iotenénha sewaihó꞉wane, tánon ne iakenhiewátha karón꞉ta shé꞉kon iáh othé꞉non tewahianihióntʼtha. Kwáh kén꞉en wenhniserá꞉te ienwatáhsawen kwáh enkonhiataté꞉riste.

Zechariah 8:12

Kwáh skén꞉nen tsi enhathihienʼthósehrons. Ne rahoná꞉wenhk ne wahthenenharísehres enkanenharahnihiónten, ne tsi ionwenhtsá꞉te entkáhnio ne kaienʼthó꞉tsheras, tánon kwáh wé꞉so tsi enhiokénhnoren. Kwáh akwé꞉kon enthekhéhion kih kahiathateríhtsheras nakonkweʼtahshón꞉a tsi niká꞉ien ne iatehonahthaténron.

John 16:22

Etho kati nonȣa oni nise niiot seȣanikonraksens; sekon ki tanon enskȣaken nok entsiseȣatonnharen, nok iah onka taonsaietsikȣa ne seȣatsennonniatsera.

Romans 2:4

Kátonkén skenrón꞉ni tsi niʼiókwas neh rahononronkwátsera, ronikonrí꞉io, ronikonkátsʼte. Oriwiʼiohónwe sateriéntare ne Rawenni꞉io tsi nitoriwaiéri Asèken rahtheniéntʼtha nahonsaiasárine nahonsahsatatréwate.

Revelation 21:4

raón꞉ha kwáh tsi niateiokaserá꞉kes tsi enshakokaseró꞉kewe. Ne kenhé꞉iat iáh tahonsakaién꞉take; naiontiónhnion tánon ne taionsénhto ó꞉ni naieronhiá꞉ken iáh taonsakaién꞉take, asè꞉ken ne tsionatserénhton ionatohéston.”

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”