Jeremiah 30:7 - Ohiatonhseratokénti

⁷ Tehiahonniserahnónhiani tháwe; iáh nóhia nawenhnísehra tahónton ne taiéron— iakáhewe ne tahonnikonráhren nakonkwetahshón꞉a, ók kíʼ enhathiniákenʼne.”

Jeremiah 30:7 ပူးပေါင်းရင်းမြစ်များ

Genesis 32:7

Eʼthó꞉ne ne Jacob kwáh í꞉ken tsi teiotenonhianíhton tsi wahoteronhiènhten tanon waʼthaʼnikonhrhá꞉ren; tánon waʼtehshakokhahshión꞉ko nonkwehshón꞉ʼahs ne skátne ratikwekón꞉ne, ó꞉ni ne teiotinaʼkarontón꞉ʼahs tánon ne kaiaʼtákeras ó꞉ni ne tiohnhónskwaronʼs ó꞉ni ne iotiniaʼkwahere, tekentiohkwakehátie tsi wahshakotiohkón꞉ni,

Psalms 25:22

Sasehniákent ne Israel, O Ní꞉io, tiákenf akwé꞉kon nahonikonhratsénhtsera.

Psalms 34:19

Wé꞉so ne karihwaʼhét꞉kens tsi nihiakohiátawenhs ne tionkwetaiéris, ók Roiá꞉ner kíʼ sehsakohiathákwas akwékon tsi nihioterihwaʼtsiéren.

Isaiah 20:6

Né èhʼthoh entewenhniseráteʼke ne ratinákere ne kénhen kawenhokwát꞉tonhtse kwáh enhonhníron, Satkátho, kén kí꞉ken nihiawénhen tsi niháti rononhàke ionhkwahraratsheʼraiéntaʼkwe tánon rononhàke niahitewatátke nahionkiʼiénawaʼse tánon nahonsahionkhiʼiatotsaríhsi tsi nòkwah ne ronhnontí꞉io Assyria! Tánon nonkwáhtsakes, onhní꞉ioht tsi ahonsetewaniákenhne?”

Jeremiah 14:8

Kwáh ísek khók ne Israerʼró꞉nons ieshaniahésen; ísek khók seskwahniakéntha tsi nòkwah ne kariwahiesáhtshera. Onhnonhtiéren tsi ehnishathatiéren tsi shí꞉ken ní꞉ioht ne thihionkwétahthe akénhake nonhtionwenhtsiáke, tsi ní꞉ioht ne tehonthawénhrie tsiokaráktserak khók tsi nónhwe nenhonnónhweʼte?

Jeremiah 2:27

Kwáh sewahkwékonh tsi enietʼtsihiatéhate—tsi nítion ne sehwáhton nètho karónta né tsi sehwahníha í꞉ken tánon nètho onénhia né ietsinisténha í꞉ken. Thóh kíʼ nenhiáwenhʼne tioríwa tsi tahkwahtʼtwasteniénhni tsi ní꞉ioht ne íh nòkwah nahontésehwe. Ók nónenh thènenh tesehwahnikónhrahre, enskwahriwahnónhtonse nahónthake nakwasniénonh.

Jeremiah 2:28

Káhne niʼiohokónhas ne sehwahtatʼtsenhénni? Nónenh tesehwahnikónhrahre, ietʼtsiríhon naietʼtsinónhsthate—tó꞉ka enhatikwéni! Judah, tóh níkonh sehwahniʼiosehráhiens tsi níkonh sehwahnáhthaiens.

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Lamentations 1:12

“Aiáwens thósa níse thóh nahisaiátawen,” iatehiohenréta nónka iakothohestonhátie. “Taskatkáto! Àrok nonwénton nónkat thóh naiakokararenséken tsi ní꞉ioht Í꞉i, kanonhwakténtshera tahákon ne Roiá꞉ner tsi nikaríwas ronakwenhén꞉ne.

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Lamentations 4:6

Nakonkwetaʼsónha sénha ne ronwathirewáton tsi ní꞉ioht ne Sodom non nihathinákere, neh kéntons kwáh tentsawénstsi ne Rawenni:io tsi tensakotásente.

Daniel 12:1

Ne raronhiaʼkehró꞉non ne rotsheronniá꞉ton ne kwáh kaniaʼtarí꞉io wahén꞉ron, “Tsi nienkáhewe ne kwáh thonwakowá꞉nen raronhiaʼkehró꞉non Wíshe, tsi niká꞉ien ne shakoʼnikón꞉rare ne sonkwè꞉ta enhatotáhsi. Thó ne ó꞉nen ienkáhewe ne taionʼnikonrhá꞉ren, iáh nonwén꞉ton eʼtho tetiawén꞉en tsi náhe tiakonakerá꞉ton ne onkwehshón꞉ʼa. Né nó꞉nen ienkáhewe, ratikwé꞉kon ne sentióhkwa tsi nihá꞉ti enhatihsénnarake ne Rawenni꞉io raohiatonhserá꞉kon enhatiʼniá꞉kenʼne.

Daniel 9:12

Wahsatatewennaiérite tsi ní꞉sen ne tsi nenhskwaié꞉raʼse tánon ó꞉ni ne ionkhikoráhshon. Wahsréwahte ne Jerusalem sénha waoteʼserowanáhten tsi ní꞉ioht ne aktéshon nón꞉we nikanataién꞉tons nonhwentsià꞉ke.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Joel 1:15

Oh tsi niiotakwaskwa ne tho entewenniserateke! Asè꞉ken ne rawenhní꞉sera né Roiá꞉ner ákta í꞉wes, tánon né꞉ne kaʼkaronhniá꞉tsheras tsi nénhtewe ne Roshatstenhserowanenhkó꞉wa rahonhà꞉ke.

Joel 1:2

Sewatʼthóntet kí꞉ken, ne titionhkweʼtáhions, sewatahónshatat, sekwakwé꞉kon ne thóh sewaná꞉kere ne tsi watonhontsá꞉ien! Ne nikarihó꞉ten nonhwén꞉ton ken thóh nitsawénhon ne tsi nihsewatenhniseraténions, kesʼne ne tsi nihonathenhniseraténionskwe ne ietsisotʼthonkonhkén꞉en?

Joel 2:11

Ne Roiá꞉ner kwáh enhatá꞉ti raotihén꞉ton ne raonkweʼtashón꞉as ronterí꞉ios; ne raonkweʼtashón꞉as ronterí꞉ios iáh tewashé꞉ton tsi nionatiokowanen, nón꞉ka enhatewénhnaraʼkwe ne raorihwatatʼtsera enhashátsteke ki! Asè꞉ken ne rawenhní꞉sera ne Roiá꞉ner tsi enwenhniserowá꞉nen tánon thenhiotenonhianì꞉tonke! Ónhka iaiekwé꞉ni nahiontakátsthate?

Joel 2:31

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Micah 4:9

Nón꞉wa onhnontié꞉ren tsi nisawénhte tsi teshasénhtos? Iáh ken ne ronnontí꞉io tehèn꞉teron ne shonhà꞉ke? Ne iateʼnikonrá꞉wis wahaiatháton ken, káti watisawehestá꞉nion ne wesaié꞉na tsi ní꞉ioht ne iónkwe iowiraientásehre?

Habakkuk 3:16

Wakaʼthón꞉te akwé꞉kon kí꞉ken, tánon onhtsiatí꞉shonkwe; tsi nió꞉re tsi wáterons waʼtewakenawirohó꞉khon. Tánon tahkwaʼáshon onkatiénhase ne tiéronhke, tánon waʼtiatishónkwa tsi nón꞉we niʼttákwe. Kwáh kíʼ skén꞉nonk thenkénhake tsi nenhkateráhrate ne iaʼkáhewe nó꞉nen ne Rawenni꞉io ensakorewaʼte tsi niháti ne tionkhiiatsatónhtses.

Zechariah 14:7

Iáh ó꞉ni ne tetiò꞉karas. Kwáh tió꞉konhte tsi teioswatʼtheke, shé꞉kon noʼkarasné꞉ha nikahá꞉wi tenioswatʼtehke. Nó꞉nen kí꞉ken é꞉tho nenhiá꞉wenhne Roiá꞉ner khók nenhné꞉e roterièn꞉tare.

Malachi 4:1

Satkáhtho, nenhnísera tá꞉we, iotékha tsi ní꞉ioht ne iontenaʼtarontáhkhwa, nó꞉nen ratikwé꞉kon ne rontatkowanáhtha tánon ratikwé꞉kon ne karihwahétkenʼs rotiióʼtens kwáh kawá꞉ʼeh enhón꞉ton; nenhnísera ne én꞉wawe kwáh kiʼ eniakotiaʼtátsaʼahte, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs, ká꞉tiʼ kwáh iáh tshiaʼtaonsahonwanèn꞉rahse nohté꞉ra khehs nʼonhateshón꞉ʼa.

St. Mark 13:19

Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣenhon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.

Acts 2:20

Ne karáhkwa entsiokárawe, tánon nasonhthenhné꞉kha karáhkwa thenwatenekwenhsónhten, raohén꞉ton ne teiotenonhianì꞉ton tánon iothenhniserát꞉teron rawenhní꞉sera ne Roiá꞉ner enwá꞉we.

Romans 11:26

Kén kíʼ ní꞉ioht tsi ensatiniákenʼne ne Israerʼró꞉nons. Tsi niwáthon neh Kahiatonseratokén꞉ti, “Ne Shakoiathákwas Zion non néntʼtre tánon enháthonte ne kariwaneraháktseras tsi nithoʼtwatsirínon ne Jacob.

Revelation 6:17

asè꞉ken ne teiahonhniseranón꞉hiani tsi natehonterhiatítʼkons iaʼkáhewe, tánon ónhka naiekwé꞉ni naionthakatstá꞉te?”