Jeremiah 30:3 - Ohiatonhseratokénti

³ asèken táhwe ne kawistháheks nónen ensehkheriwahsehrónnien nakonkwetaʼshón꞉a, ne Israerʼró꞉nons tánon ne Judahró꞉nons. Kwáh iensehkhéteron ne tsi tiohontsáien ne shaʼkotisotʼthonkonkénʼen khehionhontsáwi, tánon shé꞉kon enshontiénahwasʼthe. Í꞉i, ne Watiá꞉ner, wakatáti.”

Jeremiah 30:3 ပူးပေါင်းရင်းမြစ်များ

Ezra 3:1

Tsi nió꞉re ne tsatá꞉khaton shiwenhnitakéhaton nonhkweshón꞉as Nisraerró꞉nonhke ó꞉nen ratikwé꞉kon shisatinákeres ne rahotináthakons. Ethò꞉ne ó꞉nen ratikwé꞉kon tsi wahonhnitsiokwahró꞉roke ne Jerusalem nón꞉we,

Ezra 3:12

Ronahtiohkowá꞉nen ne thotí꞉ions ratitsihénstatsis, ó꞉ni ne Levites, ne ohén꞉ton iehonhnétons ne tsi ratitióhkwaiens ronatkáton ne tkanonhsohthákwe Nononsatokentihkó꞉wa, tánon tsi nahonteró꞉roke tsi nahatinenhiakwenhthá꞉ro kí꞉ken Ononsatokentihkó꞉wa, tehonsénhtos tánon tehotihenréhtha. Ók ne ronátiaʼkes ne thóh ronhnéskwe tehotihenréhtha tsi nihonaʼtsenhnón꞉ni.

Ezra 3:8

Káti ne tekeníhaton siwenhnitakéhaton ne shihioséhrate ne sonhsahón꞉newe tsi nón꞉we nikanonhsóh꞉thakwe Nononhsatokentikó꞉wa ne Jerusalem nón꞉we, tahonthásawen wahothihiò꞉ten. Né꞉ne Zerubbabel, Joshua, tánon ne ronátiaʼkes ne rahononhkweʼtashón꞉as, ne ratitsihénstatsis, ne Levites, tsi nahá꞉wenhne ratikwé꞉kon ne ronanahkerá꞉kwenhne ne sóh꞉ti ne Jerusalem, wahontsatáren tsi wahonsnié꞉non ne kahioʼténhsera. Ratikwé꞉kon ne Levites né tewáhsen natehonosehrihià꞉kons khés ne sénha thotí꞉ions ne wahonwatirihónten nahothihiò꞉ten ne kahioʼténhsera tsi enskanonhsonhníhake Nononhsatokentihkó꞉wa.

Psalms 126:4

Shasehrihwaʼkwahtáko nonhkwahteraswiʼiósera, Ó Saiá꞉ner, kwáh tsi ní꞉ioht tsi kanatserathátse nonékanos ne Negeb nónhwe.

Psalms 53:6

Ó nètho nahotesenhniétsera ne Israel Zion nón꞉we nénhtewe! Nó꞉nen ne Rawenni꞉io ensehsakorihwakwahthákwaʼse tsi nihononnhétie ne rahonkwetashón꞉ha, aiáwens Jacob kwáh kíʼ enhatonhnháren; aiáwens ne Israel kwáh enwatsenhnón꞉ni.

Jeremiah 16:15

Khèkok, akonháke enhatiʼriwahníraʼte tsi ne ne konnhehónwe Ní꞉io tsi tethekhehiaténha ne Israerʼró꞉nons né othorekésons nónhwe tionhontsaiénton ó꞉ni ne aktésons nónhwe tkanakerahserahkérons tsi nonhwéson hiatekhehiareniá꞉ton. Kwáh tentekhehiaténhaʼwe tsi nónhwe ne kwáh ronónha raotinahkeráhsera, tsi nónhwe nihionhontsáien ne shaʼkothitsotʼthonkonkénʼen kehionhontsáwi. Í꞉i ne Watiá꞉ner, wahkatáti.”

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 27:11

Ók tó꞉ka ónhka nonhkweshón꞉a ahiontsakwahrísi rahonháke ne ronnonhtí꞉io ne Babylonia tánon ahonwahiótenhse, thóh né ki enhiríhon ne rahonhontsáke ahenterónthake, nahatsientʼthoserónni tánon thóh nónhwe nahenterónthaʼke. Í꞉i, ne Watiá꞉ner, wakatáti.”

Jeremiah 27:22

Babylonia nienhonwahtiʼhiaténhaʼwe tánon éhtho nónhwe ienhatiʼterónthake tsi nióre tenthekeriwásnieʼse. Ethóne tenthekhehiaténhaʼwe tánon ensehkhekwahtákwahse ne kénʼen nónhwe niwahtenáhtaien. Í꞉i, ne Watiá꞉ner, wakatáti.”

Jeremiah 29:10

“Ne Roiá꞉ner ráton, ‘Ne nónenh ne Babylonia ne tsáta niwáhsen niʼioserahke enwahtók꞉ten, Enkénesthe nakeriswahshón꞉a ne tionháke tánon enkenónhsthaʼte nakwahrahrátʼtshera ne tahonthakwahiaténhaʼwe ne tsi sehwehtherónton.

Jeremiah 29:14

Hén, káhton enskwahiatatʼtsénri, tánon enskwahkwahthákwahse ne tionhontsashón꞉ʼa. Kwáh enskwahiatharó꞉rohke tsi kanahkerahsehrahkérons tánon tsi nonhwésons hiatekwahreniáton, ó꞉ni kwáh tentkwahiaténhaʼwe tsi nónhwe nihionhontsá꞉ien ne kwáhʼthekwá꞉hton tsi kwáh-nahkerahkwáh꞉ton, Í꞉i, ne Watiá꞉ner, wakatháti.’

Jeremiah 3:18

Israel enhiotiatáhrahse ne Judah, tánon skátʼne tsi nentʼkéne nahonshatianahkeráhko tsi kanahkerahsehráhien ne othoréhke tánon thóh niénskehʼne tsi tiohontsiáien nètho thekhehiáwi ne ietʼtsisotʼtkonkonhkénʼen né tsi rahonahwenhkónhwe enkénhake.”

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Jeremiah 30:18

Ne Roiá꞉ner ráton, “Kwáh ensekkheʼriwahsehrónnien ne tsi thóh nonhwénhtsaien naʼkonhkwetaʼshón꞉a tánon niaʼtehatiwahtsírahke tsi enkhétenreh; ne Jerusalem kwáh enskanahthonníhaʼke, tánon ne tsi kanonhsóhtons ne kanonhtiʼiótshera enskakwahthákwenke.

Jeremiah 30:4

Ne Roiá꞉ner washakawénhase ne rahonkwetaʼshón꞉a ne Israerʼró꞉nons ó꞉ni ne Judahró꞉nons,

Jeremiah 31:16

Sátkaf tsi teshaséntos tánon shaʼtatʼkasehró꞉kef. Norihwahkwékon tsi niʼsehiatiérahse ne sehʼienhokónʼa iáh séh thó꞉ka kén ne iáh thaʼtaheshariwahsehráhkwaʼse; kwáh enthóh nónwe nahtentʼthónʼne ne ieshá꞉swenhs raoʼnonhontsiáke.

Jeremiah 31:23

Ne Roiá꞉ner Roshastsʼtenserowáhnen, ne Sakoní꞉io ne Israerʼró꞉nons, ráton, “Nónen nonkweshón꞉a ieʼsheʼkhéteron ne raoʼnonhontsiátes, shé꞉kon ieʼsehwáhteratsʼte enshonní꞉ron ne Judah ahothonwenhtsiáke ó꞉ni nahonahthakónsons, ‘Aiáwens ne Roiá꞉ner ahaiathaʼtérisʼte ne Ononhtatokénti ne Jerusalem, ne iotokénti tsi nónhwe nihonónhsohthe.’

Jeremiah 31:27

“Í꞉i, ne Watiá꞉ner, káton táhwe tsi nikawistáheks nónenh ne tsi ionwenhtsiáien ne Israel ó꞉ni ne Judah ne enkhenanónhtsʼthaʼkwe nonhkweshón꞉a ó꞉ni ne katshénenhs.

Jeremiah 31:31

Ne Roiá꞉ner ráton, “Táh꞉we nenníseras nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.

Jeremiah 31:38

“Ienkáhewe,” ráton ne Roiá꞉ner, “nónen ne atenahtaʼkwékon ne Jerusalem tsi entionníhake ne ne Í꞉i akenahthaʼenkénhake, ne ne tsi tkanikáhthoʼte ne Hananel entewahtáhsahwenh tsi nióre ne tsi Tsioʼtenhenrahkáhronʼthe ne tsi Tekahiósahien ne tsi iaʼtewatʼtshéntʼthos nòkwa.

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 32:44

Onhkweshón꞉a entsení꞉non ne kahenthakérons, tánon ne kahiatónsehras enwahtatʼtsénnarahke, enkanhetanénhthakon, ó꞉ni enhionthonkwetaʼwenhtáthonʼke. Ne ne Benjamin ahonthonwenhtsiáke kíʼ thóh nenhiáwenhne, ne tsi kanahthaiéntons aktónties ne Jerusalem, tsi kanahtohwáhnenhs ne Judah, ó꞉ni ne tsi kanahtoʼwáhnenhs ne ionniarónnions ne kahetakéson, ne tsi ieionnonhtaʼientáhons, tánon ne entiéne nòkwah ne Judah. Kwáh iensehkhéteron nonhkweshón꞉a ne raononhontsiáke. Í꞉i, ne Watiá꞉ner, wakatáti.”

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Jeremiah 51:60

Ne Jeremiah kahiatonseráhkonh akwékon rohiatónnionʼkwe akwékon ne kakahronhniátsheras tsi nenhioráhne ne Babylon.

Ezekiel 20:42

Nónenh tetkwahiaténhawe ne Israerʼró꞉nonhke, né nonhnihionhóntsa ne khehiarahratsténhni ne ietʼtsisotʼthonkonhkénʼen, ethòne kíʼ ensehwateriéntarahne tsi Í꞉i ne Watiá꞉ner.

Ezekiel 34:13

Tenthekhehiatínekenhwe ne ákte nónhwe tkanakerahserahkérons, ensehkhehiataróroʼke, tánon tentekhehiaténhawe tsi nónhwe ne roʼnónha rahononhontsáke. Iesekʼkhehiasárihne tsi tiononhtarónhnions ó꞉ni tsi nónhwe nikahionhatáties ne Israerʼró꞉nonhke tánon thoʼnónhwe nenhsekʼkhéteron tsi nónhwe ne iotenekerónhni kahentáhke nahthakonhskáhon.

Ezekiel 36:24

Kwáh enskonhiatarohró꞉ke tsi nónhwe ne niatehiakahontsakes nihienákeres ó꞉ni ne kanakerásehras tánon tentʼkonhiaténhawe ne shonhontsáke nónhwe nenhsehshiterónhtahke.

Ezekiel 47:14

Kwáh ioriwahníron tsi khehiarahratsʼténhni ne sehsokthonkonhkénʼen tsi entekhéhion kí꞉ken ohóntsa; káti ónen satehiothónhak tsi ní꞉ioht tsi tesehwathatsiakónhas.

Joel 3:1

Asè꞉ken eʼthò꞉ne ne thóh enwenhniseraténionkes tánon ne thóh nenhkahá꞉wike, kwáh téntke enshekhehiaʼtatewenhniióseron ne Judah tánon ne Jerusalem,

Zephaniah 2:7

Tánon tsi niwatenáskwah ne kaniataraktónhtie ne kaniatarakeʼkowáhne kwáh ne enhonawenhkónhweke tsi ronónhshote ne Judah, tánon thóh nón꞉we nenkonwahnatʼkháwe ne rahothitsenenhó꞉kons nakonthihóntake; tánon thóh enhonhnónhwete tsi ronónhshote ne Ashkelon noʼkarasnéha; asè꞉ken ne Roiá꞉ner kwáh ensakonatarená꞉se tánon tentesakáwenh ne raonatatewenhnihiósera.

Zephaniah 3:20

Né thóh nenhkahá꞉wike, kwáh tentkwahiathénhawe tánon skátne tsi enskwahiaʼtaró꞉roke, asè꞉ken kwáh enkwasenhnowánate tánon thenkwarenhsarónhnion tsi ratinakerénion nonkweshón꞉as ne tsi ionhontsá꞉te; ne nó꞉nen satontakwáhion ne sewathatewenhnihiósera ne ohénton tsi natesewakanérakwe, ráton ne Roiá꞉ner.

Luke 17:22

Ȣasakaȣenhase oni ne raotiokȣa: ienȣatenniseriheȣe tsinonȣe nenseȣaskaneke naeseȣatkatho enskat oni nonkȣe Roienha raȣennisera; nok iah ki tanon teseȣatkathosere.

Luke 19:43

Aseken ienȣatenniseriheȣe ne tenhiesanatannhake ne iesasȣens, oni enhiesannhotonnion.

Luke 21:6

Ne kenh nise teseȣakanere; ienȣatenniseriheȣe neiah oni nenskat tataonsakanenhiaserake ne iah takarision.

Deuteronomy 30:3

ethò꞉ne ne Roiá꞉ner sewaNí꞉io kwáh entsisewéntenhre. Thentetsisewahiaʼténhawe ne tsi tienakeré꞉nion nonhkweshón꞉a tsi nón꞉we niatetsisewareniáton, tánon kwáh shé꞉kon ensehtsisewakwahtsésten.

Deuteronomy 30:5

Ne káti nahónton shé꞉kon thóh nón꞉we nahonseʼsewatié꞉nawatste ne tsi ionhwentsáte ne ietsisoʼthonkonhkén꞉en ratinákereʼkwe. Tánon kwáh sénha í꞉se entsisewakwatsésten tánon sénha ensewenhtiohkowanénhke tsi ní꞉ioht thónhne ne ietsisoʼthonkonhkén꞉en.

Hebrews 8:8

Nók ne Rawenni꞉io shakorihwatʼtsénriase ne rahonkwetaʼsónhas nónen enhénron, “Táh꞉we nenníseras, ráhton ne Roiá꞉ner, nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.