Jeremiah 30:21 - Ohiatonhseratokénti

^21-22 Ne Shaʼkohéntenʼse raoʼthinenhráhkon nónhwe nénhkʼre, ne shaʼkohenténhse raotiʼtiókwahkon nónhwe nénhkʼre. Enhatiaʼtó꞉renʼne nónenh enhihonkáhron, asèken ónhka ahionteʼniénten nahontáhien ne iáh tehiontatʼthonkaráhwi? Ne náhkwah akonkwetaʼshón꞉a, Í꞉i, ne Watiá꞉ner, wakatáti.”

Jeremiah 30:21 ပူးပေါင်းရင်းမြစ်များ

Numbers 16:5

Ethóne wahawénhase ne Korah tánon ne ronhwanonhteráties, “Ohronhkeʼnéha ne Roiá꞉ner enshonkwahnatónhase ónhka né rahónha rahonkwetashón꞉ás íken; né kíʼ ne, shakoiatarákwen íken, ákta ne ientsienharákwahke nónhwe natenhontátʼken.

Ezekiel 37:24

Né Ronhnontí꞉io tsi ní꞉ioht nakenhátshera Táwit né raotinonhí꞉io enkénhake. Kwáh ratikwékon sahotiríhwa enkénhake saiáta khók ensakotʼkórasthe tánon kwáh enhioriwahtokénhake tsi enhontewénhnarahkwe natianerénseras.

Acts 5:31

Rawení꞉io tsi raweientethákwen nieshoiaténha sonsahokhétsko ne tsi rahónha Ranenrakweʼniʼio ó꞉ni Sakohiatákwas, neh nahontasakáwen nonkwesónhas ne Israeronónke natesénʼna nahonsahiontatréwaʼte tánon nahonsakanikonrén꞉en nakoriwanerahákʼtseras.

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

Jeremiah 30:9

Khèʼkók, ʼÍ꞉i enhiontiótenʼse, ne Roiá꞉ner raotiʼNí꞉io, tánon éhthoh nonhniʼthawénonh ne Táwit rahwahtsírahke, tsi nikáien enhinonhtí꞉iosʼte.

2 Samuel 7:13

Kwáh raón꞉ha enhakenonsónhnien nononsatokentiʼkówa, tánon kwáh oriwí꞉io enkónhni ne raonakerá꞉sera tsi nènhwe enkathá꞉tse.

Deuteronomy 33:5

Ne Roiá꞉ner raónha washakotenonhtí꞉ioste nonhkweshón꞉a ne Israerʼró꞉nonhke nó꞉nen ne rahotiʼtarashón꞉as ó꞉ni ne sakotihéntenhse skátke wahontiaʼtaró꞉roke.

Deuteronomy 18:18

Kwáh iekheiaʼteniéhtase ne rotokénse tsi ní꞉se ní꞉ioht ne kwáh ne sahatihiá꞉ta enkénhake; kwáh enhiró꞉ri tsi nahoʼténson enhenrón꞉nion, tánon kwáh orihwakwé꞉kon enshakohró꞉ri nonhkweshón꞉as tsi niwá꞉ken.

Genesis 49:10

Ne Judah kwáh enhoienawaʼkónhake ne kanontiió꞉tshera aóʼnhia, Tánon ne tsi nienhathwatsi꞉rine tió꞉konte enhatikó꞉rake. Nonkwehshón꞉ʼahs ohwísta enhonwakariaʼkséhake tsi niwathwistaró꞉roks ne kanakerahserá꞉kon; kwáh tsi niió꞉re nonkwehshón꞉ʼa ráonha raonkweʼtaʼshón꞉ʼahs enhón꞉ton. Tánon teniontshaʼktón꞉sheke ne raohén꞉ton tsi nenhonwawennaráhkhwake.

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”

Matthew 27:37

Ehneken tsi rotenontsistate ȣahatisȣenkaranentakte eh kaiaton ȣatrori tsinahoten rostonton; ȣaton: neh kehiken ne Iesos Sitaeronon Ronȣanontiio.

Matthew 3:17

Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.

Matthew 2:2

Rontonne: kahnonȣe nihonakeraton ne Sitaeronon Ronȣanontiio ȣatonsere? Tionkȣatkathon ne rahotsistok tsi tkarakȣinekens; nese ȣaonni taiakȣe nasakȣaȣenniioste.

Jeremiah 50:44

“Kwáh thóh ní꞉ioht tsi éntke tsi ní꞉ioht ne kénreks thontakahrót꞉kaʼwe ne kwáh ioterahtó꞉hon ne Jordan nónhwe, iaʼtsiakonitiónkwahkwe ne teiotinakaronhtón꞉a ne tsi konhwahthiteronhtákwah kónhnes. Enkahtèkwahte ne Babylon ne ahonhónhtiake, tánon í꞉i enhihiataráhko nashaʼkohéntese kwáh tsi nenhtkenónhwehne. Ónhka ahiekwéni ne tahonthaʼhionkateniéntesʼthe? Ónhka áhienre nahionkenenhrót꞉thaʼse? Onhnahakorahsehró꞉ten ahakwéni tahátʼtasʼthe?

Jeremiah 49:19

Tsi ní꞉ioht ne kénreks thontaharókʼkaʼwe ne kwáh ioterahtó꞉hon ne kaniataratʼtóntie ne Jordan tsi nieʼiawénonh ne kahentí꞉io konwahtiʼterontákwah, kwáh èntʼke tánon enkhehiónnien ne Edomró꞉nons thentsawénhstsi enhontèko ne rahotiʼnakerahseráhkon. Ethòne enhihiataráhko ne rahnenhrahkweʼní꞉io nashaʼkokkórasʼte nonhkweshón꞉a. Ónhka aiekwéni ne ónhkak tahontahionkateniéntenste? Ónhka áienre nahionkenenhrótʼthaʼse? Nahakorahseróh꞉ten ahakwéni nahatsotátʼtshe tsi niwahkatenikonhríson?

Genesis 18:27

NʼAbraham waʼtharihwaʼserá꞉ko, “Toʼ í꞉i tekatáttahst ne taiakenihthá꞉ren ne Roiá꞉ner, ní꞉ʼi né khók noʼkèn꞉ra tánon ne waʼkenhrontákwen nitiaʼtó꞉ten.

Hebrews 1:3

Renésta tsi naʼteioswátʼte ne Rawenni꞉io raohiatanerakwátshera tánon kwáh teshiatiéren ne Rawenni꞉io tsi niʼrónnhe, ne tsi nihioshatstenserowánen ne raowennashón꞉ʼa ne iotsenawastánion tsi orihwakwé꞉kon. Sahariwaié꞉rite ne kaʼnikonrénhtsera tsi nihiakoriwáneren nokwetaʼkwékon, karonhiá꞉ke ionsahátien shaweientetákwen nokwáti ne Ní꞉io, ne Rohshatsʼtenserowáhnen.

Romans 8:34

Ónhka káti ónhte, ahiekwéni nahonwathiríwente? Kwáh iáh ónhka taiekwéni nahonwathiríwente, Kerístos Ié꞉sos rahónha neh rawenhéionʼne, tánon kíʼ áhre, tsi nikáien neh sonwakhétskwen tsi srónʼne tánon tsi raweientethákwen ne Rawenni꞉io ísrhes. Í꞉i onhkwariwáke tsi roniténthaʼse neh Rawenni꞉io rahohénton!

Luke 24:26

Iah kenh tateiotonȣentsiohonne neh niiot tsi haharonhiaken ne Keristos, nok ahonsahataȣeiate raoiatanerakȣatserakon?

Jeremiah 33:15

Nén nenhkaháwiʼke enhihiatharáhko ne ronnonhtí꞉io ne rohiánereh ne ne Táwit nónhwe nithotʼwahtsiríhnonh. Nètho ronnonhtí꞉io ne enhohióten ne tkarihwahiéri ó꞉ni ne kaiáneren ne tsi ionwenhtsiáte.

Isaiah 63:1

“Ónhka né kí꞉ken tsi néntʼre né Edom nón꞉we, thóh nón꞉we Bozrah né rotseronniáton né onekwénhtara ionekwenhtarón꞉nion? Ónhka né kí꞉ken tsi niʼioràse tsi rotserónh꞉ni, Thóh nón꞉we nihothahítake né tsi naʼteiotenonhnianíton ne raoʼshatsʼtenhserákon?” “Kwáh seh Í꞉i, wakerihowanatonhátie ne atesenhniétshera, kashatsʼtenhserowánen nahiakonónsthate.”

Psalms 89:29

Né rahonhnontiʼiótshera kwáh kíʼ ienhiotʼkontákwenh enkenhake tsi kíʼ ní꞉ioht ne tsi karonhiáte, tsi nienhatwaʼtsiríhne tsókonhte kíʼ ronón꞉ha enhotinontí꞉ioʼke.

Nehemiah 7:2

eʼthó꞉ne tahí꞉ion ne iatiathateʼkénha Hanani, tánon Hananiah, ne rakó꞉rahkwe ne tsi ronón꞉shote ne ronnontí꞉io, nahontahaniarohtaró꞉ke ne Jerusalem; asè꞉ken rotonkwetakwahrí꞉shionkwe rónkwe tánon rotsá꞉niskwe ne Rawenni꞉io sénha tsi ní꞉ioht ne iakotiohkowá꞉nen.

Ezra 2:2

Ne shakothihéntenhse né꞉ne Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum, tánon ne Baanah. Ne kí꞉ken ne kentaraʼshón꞉as Nisraerró꞉nonhke, skát꞉ke tsi nihá꞉ti ne skenhtharatʼtsons ne thethoné꞉non ne ronanahkerá꞉kwenhne:

Genesis 18:32

Sahén꞉ron ne Abraham, “Tóhsa saná꞉kwen, Saiá꞉ner, shé꞉kon tsorí꞉wa í꞉kehre aonsakí꞉ron. Oh neʼ ní꞉ioht tóka oié꞉ri khók nihá꞉ti enhonwatiiaʼtatshén꞉ri?” Wahén꞉ron ne Roiá꞉ner, “Iáh thakherihwáhtonʼte ne kanatowá꞉nen tóka oié꞉ri nihá꞉ti enkheiaʼtatshén꞉ri.”

Genesis 18:30

Eʼthó꞉ne wahén꞉ron ne Abraham, “Ahsathontátsheke tóhsa saná꞉khwen, Saiá꞉ner, ók shé꞉kon enhskatá꞉ti. Oh nenʼne neniá꞉wenʼne tóka áhsen niwáhsen khók nenionkweʼtakéhake iáh tehotinhí꞉kon?” Wahén꞉ron ne Roiá꞉ner, “Iáh thóh thátiere tóka ahsen niwáhsen nenhatíhake enkheiaʼtatshénri.”

Numbers 16:40

Né káti kí꞉ken nahonwanaronhkáten NʼIsraerʼró꞉nons né꞉ne tsi niháti ne iáh Aaron nónhwe thitonatwatsiríhnon ónenk tsi ientsienharákwahke ní꞉tsien nahonwatsahátaʼse ne kanetanóron ne Roiá꞉ner. Ók tó꞉ka iáh, nonhtiérenk kíʼ enhonwanátonte tsi kíʼ ní꞉ioht ne Korah tánon ne rahonkwetashón꞉ʼas. Akwékon kí꞉ken thóh naháwenhne tsi kíʼ nihoríhonhte ne Roiá꞉ner ne Eleazar rahonháke ne Mahís.

Exodus 3:5

Ne Rawenni꞉io wahénron, “Tó꞉sa sénha ákta nenhté꞉seh. Teʼsarahtáhsi, tsiorí꞉wa tsi ioʼhontsaʼtoʼkénti tsi nónhwe nisehràhte.

Deuteronomy 17:15

Iorihwihióhak ne rónhkwe entsisewahiaʼtará꞉ko nahatenonhtí꞉iosthe ne ki tsi niká꞉ien ne Roiá꞉ner rohiatarákwen. Ó꞉nenk tsi ne shesewanekwénhsa akénhake; tó꞉sa ne thihahontsá꞉te ne atsisewanonhtí꞉ioste.

Psalms 65:4

Iakotáskats tsi nihiákon ne sehiatará꞉kwen tánon tesehiaténha ákta né niahontáwehiaʼte ne sanonsatokentiʼkówaʼne ne taiesanonweráton tánon naiesahsénhnaien, ne kahiathateríhtseras nonkweshón꞉ha iehiénas ne sanonsatokentiʼkówaʼne nónwe nitewètha, né꞉ne kaiatateríhtseras teskwáwis thóh kanónskon ne Sanonsatokentiʼkówaʼne.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.