Jeremiah 30:13 - Ohiatonhseratokénti

¹³ Kwáh iáh ónhka tetionkwéthaien ne tahetʼtsiriwásnieʼseh, iáh tekanonhkwahtsheráien tsi niʼsehwatsiaʼthakwahrákson, iáh tewahrahratʼtseráhien nahonsehsewahiewénhthaʼne.

Jeremiah 30:13 ပူးပေါင်းရင်းမြစ်များ

Job Tánon ne Raoronhiakensera 34:29

Nó꞉nen sák tishotatón꞉ni, ónhka aiekwé꞉ni naieriwaká꞉tate? Nó꞉nen rotkonshasé꞉ton, ónhka aiekwé꞉ni nahonwá꞉ken? Tó꞉ka ken ken tiokwakwé꞉kon akénhake khéhs tionkweʼtátions khók?—

Job Tánon ne Raoronhiakensera 5:18

Tiorì꞉wa tsi sakoronhiakéntha, ók ensheshakokentorónhnion; shakokarewátha, ók ne ratiánakes tsakoiewenthó꞉tha.

Psalms 106:23

Né káti aoríhwa wahén꞉ron kwáh kíʼ ensakótonʼte— tó꞉ka iáh ne Mahís, ne roiatará꞉kwen, thaʼtahontahotáhon né tahotiʼtharáhon ne Rawenni꞉io tánon nahó꞉re, ne tahonsahakarahténi ne raonakwátshera ne tó꞉sa asakononwaʼrhiákon.

Psalms 142:4

Satkáhtho ne tsi keweientetákwen tánon skenhénhion— kwáh iáh ónhka tehiontsénhteres; iáh kahnèka tetsotaténron kahnónhwe nakahtekwáhsen; iáh onhʼthènen tehonsterístha onhnahontsátawen.

Exodus 15:26

Wahénron, “Tó꞉ka kwáh tohʼkènʼen enskwahʼwén꞉narahkwe tsi thóh nenhsewáiere tsi nahó꞉ten íkere ne tkariwaiéri tánon ensewateweiénton nakeriwaʼtáʼtseras, Iáh kíʼ thènnenh thaʼkwahréwaʼhte ne kannrahʼtariné꞉tsheras tsi né niʼkhehiérahse ne Egyptró꞉nons. Í꞉i, ne Watiá꞉ner, tsi nikáien né tsi skwatsiéntha.”

Isaiah 1:6

Kwáh sasitókon tsi nió꞉re ne senonhtsíne, kwáh iáh okàneka tetsiothaténron ne iáh thahisatsiatakwaráshonke khéhs nahiotó꞉ke, ók shatsatakwarákʼshon tánon shatsiato tánon ionekwáhon tsi nisatkarehwátons; ók iáh tekanóhare, khés naieshakentórenke, iáh ó꞉ni teiesaienáron naionetskáon.

Isaiah 59:16

Wahatʼkátho tsi kwáh iáh ónhka, tánon wahorihwaneráko tsi kwáh iáh ónka teiakotsiaʼtóronh; sók kí rahónha raonénhtsa khók tsi wahatesénhnieʼte, tánon né꞉ne iaʼtehahiáti khók raoʼrihwakwahrihshióntshera wahotiénawasʼte.

Jeremiah 14:19

Saiá꞉ner kwáh kén oriwiʼiohónwe tsi sehkenronníhon ne Judah? Nonhtiéren tsi niséhsons ne Zionró꞉nons? Onhnonhtiéren tsi éhtho nióre tsi niwahétken tsi niʼskwakarewáhthon ne ne iáh tahiakwahkwéni ne ahonshahionkwaʼtewihrónnien? Skénʼnon hiakwésaks, ók iáh othènen teiawénhon ne aiohianeréhake; hionkwaskanéhʼkon ne ahonshaʼhiakwahiewénhtahne, ók khèkenk kahterontserahónwe.

Jeremiah 17:14

Saiá꞉ner, saskétsient tánon kwáh tohʼkénʼen tsi ensehwaʼkatakarítehke; sastiatháko tánon kwáh tohʼkénʼen tsi ensehwaʼkeniaʼkénʼen. Sonháʼa khók tekonhnonhweráhtons!

Jeremiah 30:17

Kwáh kíʼ shé꞉kon enskónhtsienthe; enskewirónni tsi niʼsatkarewáhton, iaweroʼhátien ne tesehwahtátʼtions rónton, ‘Zion kwáh ne kahkénron; iáh ónhka thaʼteskonhwahtheʼriéntahre.’ Í꞉i, ne Watiá꞉ner, wakatáti.”

Jeremiah 33:6

Ók ensketiénthe kí꞉ken kanhatowáhnenh ó꞉ni nahonkwetaʼshón꞉a tánon ensehkheiéritʼtse ne rahonahtakaritétshera. Kwáh enkhenhathonhase iawehtowáhnenh ne skénnenh ó꞉ni enhioriwí꞉ioʼke.

Jeremiah 46:11

Egyptró꞉nons wáhs Gilead niahásehwe tánon sewaʼnonhkwahtsheʼrisákʼkha! O iáh tekanhakwahienteri Egypt akoiénha; kwáh iáh thahóten tahkahkwéhni nahonsehsáhtienʼthe.

Jeremiah 6:7

Tsi ní꞉ioht ne ionáhwehrohʼte tiókonte ionekaien ne kanekí꞉io, thóh káti ní꞉ioht ne Jerusalem tiókonte áse iahonnihátie nahorihwahetkénsehra. Wakátʼthonte aterihiósehra ó꞉ni kariwahiesáhtshera ne tsi kanahthowáhnen; kanhratharinétsheras tánon iontkarewahthánions nék khók katʼkáthos.

Jeremiah 8:22

Iáh kén thènenh tetkanonhkwaʼtseráien ne Gilead nónhwe? Iáh kén tethonatetsientsheráien? Nonhtiéren, káti, nakonhkwetaʼshón꞉a tsi iáh teshonwathitiénton?

Lamentations 2:13

O Jerusalem, tekanóron Jerusalem, onʼnahóten akíron? Onʼní꞉ioht tsi akonnikonranírate? Iáh àrok wenton nónkak éhʼtho nióre tsi teiakoronʼiakénhen. Ne sakaronniátsera kwá iáh othénen tekáneren tsi ní꞉ioht ne kaniatarakeʼkówa; kwáh iáh othénen tehióien nahiorahratseraiéntake.

Ezekiel 22:30

Wahihiatíshake nónhkak nahónton ahasonhtónhni, ónhka nahakwéni ne thóh nónhwe natahátahne tsi nónhwe nihioshontsenénhen tánon nahontahá꞉ne nonhwénhtsa nónenh nakenahkwáhtshera thóhwa ahkariwénhtho, ók iáh kíʼ ónhka tehihiatatʼtsénhrion.

Ezekiel 30:21

“Rónhkwe iaiénha, wahthinénhtiahke ne Ronhnontí꞉io ne Egypt. Iáh ónhka tehonwahkentó꞉reh iáh ó꞉ni ónhka tehonwahnenhtsháneren né nahónton nahonsakawirónhni tánon iathakaiérihke tsi nakashástsʼtheke ne shé꞉kon ahonshahatʼtháwa nasarehkówa.

Hosea 14:4

Kwáh ensehkhetsénthe tsi níhia tehotirihwató꞉ken; Kwáh iáh othé꞉nen thatakeninerénhke tsi enkhenorónhkwe, asè꞉ken nakenakwáhtshera tetsiotʼton ne rononhà꞉ke.

Hosea 6:1

“Káts, ánion Roiá꞉ner nokwáh nietsí꞉tewe; asè꞉ken rahónha seh ne shonkwahiataratiónkwen, tánon rahónha kí nensehshonkwahtsénte; rahónha shonkwakarewá꞉ton, tánon rahónha kí ensheshonkwahkentó꞉ren.

Nahum 3:19

Kwáh iáh tekanonhkwahtserá꞉ien tsi nisatkarewathánion, tsi nisatkarewá꞉ton iáh tehió꞉ien naiesatsiénte. Ratikwé꞉kon nenhatirihwaʼrón꞉ke tsi nisaiatawénhen tenhieshá꞉saroke tsi nenhontsienhnónhni. Asè꞉ken ónhka ken nonwénhton tsakoniakénʼen ne iáh tsehiotʼot꞉te tsi nisehniakáts꞉te?

Deuteronomy 32:39

“‘Í꞉i, tánon akonhatsí꞉wa kók, ne Wakení꞉io; iáh ónhka nakò꞉ren ne Ní꞉io narónhneke. Khenonhwarià꞉kons tánon tekhehiá꞉wis natónnhets, khekarewátha tánon sehkhetsiéntha, tánon iáh ónhka thaiekwé꞉ni nahiehiotháthe tsi nakátiere.

1 Tiér 2:24

Rahonhatsíwa ne Kerístos rotketáthon nonkwariwanerahákʼtseras tsi tetkaiásonte, neh nahónton naitewenhéiate ne kariwáneren tánon neh nónwe naisetiónnheke ne tkariwaiéri. Neh tsi nihotʼkarewatánion neh tsiʼsatiénton.

1 Sawátis 2:1

Neh kíʼ ne iakwaiáthonse, kwaienʼokónha, nekáti ne tóhsa aihsewariwánerake; nók kíʼ thóka ónkak aieriwánerake, ionkwáien nónkak ronwaniténtase ne kanísera nonkwariwáke—neh꞉ne Ié꞉sos Kerístos, neh꞉ne rotokénti.