Jeremiah 3:4 - Ohiatonhseratokénti

⁴ Tánon nónhwa waskénhase, ‘Í꞉se ne tahkeníha, tánon tahkenorónkwahkwe kwáh ne shiketʼsáha.

Jeremiah 3:4 ပူးပေါင်းရင်းမြစ်များ

Psalms 119:9

Onhʼní꞉ioht tsi aiekwéni ne kenhnitiakohiónha ne tsi iakónnhe ne iáh tahiakononwaró꞉rihke? Ne nahiontenhnikonrá꞉ren tsi nitʼkáhas ne sawénhna.

Psalms 48:14

Nètho né꞉ne Rawenni꞉io í꞉ken, né nonhkwaNí꞉io í꞉ken tsi nienhénwe tánon tsi nénhwe enkénhake. Rahónha enshonkwaʼsárihne né꞉ne tsi nénhwe enkénhake.

Psalms 71:17

Ó Sewenní꞉io kwáh siʼkeksʼsáha teskerihonhniénhni, tánon shé꞉kon nikherohrhiánions nonkweshón꞉ha ne iorihwanerakwaténions tsi nisatieránion.

Psalms 71:5

Asèken í꞉se Saiá꞉ner nakarahrátʼtsera í꞉ken, tkonhietákwen Ó Saiá꞉ner kwáh shiʼtewatiónha nióre ahonsakaʼkéte.

Proverbs 1:4

Enkakwé꞉ni aiakorihónnion nónhka iáh teiakoterién꞉tare teniakohswathé꞉ten tánon eniakorihónnien ne kenʼnithotiién꞉sa nahotiʼnikonhrowanénhake.

Proverbs 2:17

roʼnikonhrhaʼtén꞉ni ne ró꞉ne, tánon tsoʼnikónhrhens tsi iorihwahnirá꞉ton shaʼóniake.

Jeremiah 2:2

nahkherihowahnáhten kí꞉ken ateriwahnothátshera onhkwetahkwékon ne Jerusalem nónhwe. “Kahiáre tsi nisariwatokénhne ne shitisaiónhakwe, tsi nió꞉re tsi takenoronkwáhkwe ne shontonhtsérente sashonkeniniá꞉ke; wasetʼnonteratsésons ne iahonwenhtsatʼténhake, thóh nonhóntsa né꞉tho areʼkok shikaiéntʼtho.

Jeremiah 2:27

Kwáh sewahkwékonh tsi enietʼtsihiatéhate—tsi nítion ne sehwáhton nètho karónta né tsi sehwahníha í꞉ken tánon nètho onénhia né ietsinisténha í꞉ken. Thóh kíʼ nenhiáwenhʼne tioríwa tsi tahkwahtʼtwasteniénhni tsi ní꞉ioht ne íh nòkwah nahontésehwe. Ók nónenh thènenh tesehwahnikónhrahre, enskwahriwahnónhtonse nahónthake nakwasniénonh.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 31:22

Tohʼnikaríhwes tsi tahsehrihóroʼke, iáh teʼthisehwetáhkwen tsiónkwe? Ne Roiá꞉ner knahótenk róh꞉son áse ó꞉ni ohianí꞉ioht ne tsi ionwenhtsiáte, eh nióre tsi ohianí꞉ioht né꞉ne iónkwe thóhnes ne rónkwe.”

Jeremiah 31:9

Nakonkwetahshón꞉a tsi enshón꞉neweh tenhonsentʼthósehke, roʼnahterennaʼienhthátie tsi niʼsehkheʼhiashá꞉rihne. Kwáh thóh nienʼkhehiaténhaʼwe tsi nónhwe ne watnekíne, tsi nónhwe ne iohahí꞉io ne ne iáh tahonthahonaʼshí꞉tsiaʼke. Thóh niwahkathatiéren tsi ní꞉ioht ne khehienhokónhas ne Israerʼró꞉nons, tánon ne Ephraim ne ne thaʼkowáhnenh rihién꞉a.”

Hosea 2:15

Tánon thóh nón꞉we kwáh éntkon nakaiéntho ne watenenharí꞉seres, tánon ne enkonhniáte nahonráhkwakon ne Achor nahiononhkarónhtake kararát꞉tshera. Thóh nón꞉we kwáh thenwakerihwaserá꞉kwahse tsi kí niiotónhne ne sitsiohiónha, ne sikahá꞉wiskwe nó꞉nen sathontakaiakénhne tsi ionhontsá꞉ien ne Egypt.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Malachi 2:14

Seriʼwanóntons, “Nontié꞉ren tsi iáh ó꞉nen teshaié꞉nas?” Ne tiorí꞉wa ne Roiá꞉ner tsi rorihwahnirá꞉ton tsi naʼtetsátere ní꞉se tánon ne satateniáktén꞉ni né sitisaión꞉ha, ne nahonhá꞉ke iáh tesarihwatokén꞉ne, eʼthó sá꞉ne tsi áonha ne titsatenróhon tánon ne tesení꞉teron í꞉ken aterihwahtseronniahtsherá꞉kon í꞉ken.