Jeremiah 3:25 - Ohiatonhseratokénti

²⁵ Tehiothonwenhtióhon ahthehensehráhkonh ahiakwahtsiatiónnithe tánon nonhkwahtehénsehrah tsionkwahró꞉rot. Í꞉i tánon ne hiakisotʼthonkonhkénʼen kwáh tiotʼkonhónwe tsi iakwahrihwahnerahákskwe tsi nòkwah ne Roiá꞉ner onhkwahʼNí꞉io; kwáh iáh nonhwénhton tehionkwahtewenhnahráhkwen ne rahotsiawenhrahtiérahs.”

Jeremiah 3:25 ပူးပေါင်းရင်းမြစ်များ

Psalms 106:6

Hionkwahrihwáʼneren kwáh kíʼ tsi ní꞉ioht ne iakishotʼthonkonhkénʼen; tehionkwahterienhtawenhréhon, tánon hionkwahníkon.

Psalms 106:7

Né iakishotʼtonhkonhkénʼen, né Egypt siehónhnes, iáh karíhwa tehonónhni ne iorihwanerákwat tsi nisonhkwahtserá꞉se ne Rawenni꞉io; iáh teshoneiaráhon ne iawetowáʼnenh í꞉ken ne iorihwaʼtóken sanoronhkwáhtshera, ók waʼhonwaʼwenhnón꞉ti ne kwáh roshaststenhserowanenkówa né Red Sea nón꞉we.

Psalms 109:29

Aiáwens ne hiónksons né ahotiʼiatóronhke natehénsera; aiáwens né tahotiwaʼnénhke ne rahonatehénsera tsi ní꞉ioht natserónhnia.

Proverbs 13:18

Nónhka ne kwáh iáh thaʼtehonatonhontsó꞉ni nahatiweientéhtaʼne eniahkoténhton tánon eniontatéhate. Nónhka eniontahónhsatate ne aiakorihwakwarihshiónhake eniontatkwénienhste kiʼ.

Proverbs 5:13

Iáh tewakatahonhsatá꞉ton ne ionkerihonnién꞉ni. Iáh oʼthé꞉nen karí꞉wa tekheión꞉ni.

Isaiah 48:8

Iáh nonwénhton tesehwahrihwáronhke, iáh nonwénhton tesehwarihwaientérikwe, Tsi niʼtsiotásawen norihwakáion né sewahontakéshons iáh teiotenontónkwenhne. Asèken wakateriéntaraʼkwe ní꞉se tsi iáh tahiʼsewariwatokénhake, tánon kwáh shontesehwanákerate shiʼietsinatónkwah sehwarihwanón꞉we.

Isaiah 50:11

Ók sewakwé꞉kon kí sewahtekátha nó꞉tsire, sewaienthóntos tánon ne tesewatsiaʼtháton ne waʼtsiratónhkwas. Thóh sathénti notonkókon ne sátsire, tánon thóh tsi waʼtsiratónkwas ne satekàton! Né kí꞉ken ensèhna tsi nentká꞉tkaʼwe ne katsanáke: thóh ensatsatiónhnite ne karonhiakenserákon.

Jeremiah 11:13

Nonhkweshón꞉a ne Judah tóh níkons rothiniʼioseráiens tsi kíʼ níkon rotiʼnataiénton ne kanatowánenhs, tánon ne ienakeréhnion ne Jerusalem kwáh eh nihiawetatʼtsáni tsi rothikétskwen ne ietsienharáhkwa naʼkonwahtienkwaronniáten nètho iáh tehiotehensehráien ní꞉io Baal tsi kíʼ níkonhs tekanatokenháton ne kanatowánenh.

Jeremiah 12:13

Nakonkwetashón꞉a onátsa wahatiʼiéntʼtho, ók kahontátsen wahathiʼientʼtwáko; wahathironhiáke tsi wahothihióten, ók iáh kíʼ thènen tsatehionénon. Ne wakarihónni tsi niwakenakwénʼen ne raothiʼientʼthótsera kwáh wakaiésah.”

Jeremiah 14:20

Hionkwariwáhneren tsi nòkwa ní꞉se, Saiá꞉ner; kwáh hiakwariwahnírats ne hiatehiakwahiáti onhkwahriwahneraháktsheras tánon ó꞉ni ne hiakisotʼthonkonhkénʼens rahotiriwahneraháktsheras.

Jeremiah 14:7

“Nakonhkwetashón꞉꞉á í꞉i nòkwah tetthonséntthos, ‘Iáh werohhátien nonhkwahriwaʼnerahákʼtshera tsi ionkwahriwáhrhos, thakwahiénawas, Saiá꞉ner, tsi nishaʼrahrátsʼton. Wéso iorihwáhke kwatkarhathénion; ionkwahrihwáneren tsi nòkwah ní꞉se.

Jeremiah 2:17

Israerʼró꞉non kwáh iashatátʼkwahse! Tahkahtewenhthéton, ne Roiá꞉ner SahʼNí꞉io, tsi nikaríhwes konhiashá꞉rihneʼne tsi nihioháhes.

Jeremiah 2:19

Kwáh hiateshiáti sharihwahnerahátʼtshera tsi ensharéwahte, tánon tsi takatʼkahrahthénion ne ensharíhwenhte. Tánon kwáh ensehwehientéthaʼne tsi niwahétʼken ó꞉ni iáh tetʼkarihwahiéri nahionkatewénhthete, ne Roiá꞉ner sahNí꞉io, tánon iáh óhnenh tetsisharihwahtó꞉ken tsi nòkwahʼa ní꞉ih. Í꞉i, ne wahkenonhtí꞉io Watiá꞉ner Keshaststenseroʼwáhnenh, wahkahtáhti.”

Jeremiah 2:2

nahkherihowahnáhten kí꞉ken ateriwahnothátshera onhkwetahkwékon ne Jerusalem nónhwe. “Kahiáre tsi nisariwatokénhne ne shitisaiónhakwe, tsi nió꞉re tsi takenoronkwáhkwe ne shontonhtsérente sashonkeniniá꞉ke; wasetʼnonteratsésons ne iahonwenhtsatʼténhake, thóh nonhóntsa né꞉tho areʼkok shikaiéntʼtho.

Jeremiah 2:26

Ne Roiá꞉ner ráton, “Kwáh tsi ní꞉ioht ne rahnénhskwas tsi nenhonwahtéhate nónenh enhonwahiéna, káti kwáh sehwahkwékon ne Israeronónhke tsi enietʼtsihiatéhate— ne sehwahnonhtiʼiótsheras ó꞉ni ne ronahterihóntons, ne tionkwetahshón꞉a ne rothikháres ó꞉ni ne rothitó꞉kense.

Jeremiah 20:18

Onhnihiotiéren tsi wanenakeráhthon? Nék khók kén ne ahonkentoraséheʼke ó꞉ni ahonkenikonhrakʼsénhsehke, ne tsi iahonthókten ne tsi kónnhe na tehensehráhkon?

Jeremiah 22:21

Ne Roiá꞉ner wahiathárahse ne shiʼshahianerasténni, ók iáh tesatʼthontáhton nahishaʼthahonsahtátonʼke. Kwáh éhtho nishiérahkwe tsi náhe shiʼshónʼne; kwáh iáh nonhwénton tahʼtsiatahónshaʼthaʼte ne Roiá꞉ner.

Jeremiah 3:13

Nek khók sehrihwahnírat tsi sahníhkon tánon iáh thetiewenhnahráhkwen ne Roiá꞉ner sahNí꞉io. Sehrihwahnírat kwáh tsi niatekahrónthake ne áse nikahrontó꞉ten thisakʼkáhwenh ne sahnoronkwáhtshera tsi nòkwah ne káhnionk ní꞉ios ó꞉ni iáh tesahthewenhnahráhkwen nahkwatsiawenhrátsheras. Í꞉ih, ne Watiá꞉ner, wahkatháti.

Jeremiah 31:19

Ahèren hionkwéton ne sonháke, ók kwáh iostó꞉re hionkwéron ne éhtho niaʼhonsahiáʼkwe. Ne nónen saskwahréwahthe, kanikonhratsentsherákon tsi tahiakwahniárenʼne. Hionkwahtehénʼen tánon hionkwahtaʼsennaksʼshá꞉ton tsioríwah ne ne shiʼtionkwahʼiónha tionkwahrihwahnéren.’

Jeremiah 6:26

Ne Roiá꞉ner washá; kawenhase ne rahonkwetashón꞉ʼa, “Kahiare sehwatʼtseronniat tánon okenrahke sehwatʼkarhateniat. Sehwatʼtionnion kwáh kahkasehró꞉wahnenh tesehwasentʼtho thóh nahiothon tsi shiken ní꞉ioht ne enskat khók iakowiraienthakwe, tsioríhwa nonhka tahre nahiathonte tentsiawenhtsi ienhiatiathonti.

Jeremiah 7:19

Ók Í꞉i onhtèken ne kwáh ahiontʼkahrewahthe? Iáh, ronónhak khók rontatkarewáhtha ó꞉ni ronthatehátha.

Jeremiah 8:14

“Onh niʼiotiéren tsi iáh othènenh thetewahtiérah?” Ne Rawenni꞉io rahonkwetaʼshón꞉a wahatiriwahnónhton. “Ánion, tsi tetʼkanáhthanen ne wathahenró꞉the nosténra ne tsitkanahtó꞉wahnenh nienhiakwáhtatkhe tánon thóh nónhwe ienhiakwénheie. Ne Roiá꞉ner onhkwahNí꞉io sonkwahriwénhton nahiakwénheie; teshonkwáhwi ne iakorhiótha ahiakwahnekírah, tsioríhwa tsi ionkwahriwáhneren tsi nòkwah ne rahonháke.

Jeremiah 9:18

Nonhkweshón꞉a wahonníron, “Teietsisteríhat tánon tehionkhiriwáhkwas ne iontatsatathahástha, tsi nióre ne iakwahkarákes tentkhakasehrárahʼne, tánon ne iakwatkaroʼrókstha kwáh ionahnáwen tsi natehiakwahséntʼthos.”

Lamentations 5:16

Iáh thènen tetiothaténron tsi nahóten ne iakwanónweskwe. Ionkwariwáneren, tánon ó꞉nen hionkhirewáthon.

Lamentations 5:7

Hiakhishothahokonkén:en rothiriwáneren, nók ó꞉nen ronatohétston, tánon ó꞉nen í:ih hionkwaronhiáken ne rahothiriwaneraháktsheras.

Ezekiel 2:3

“Rónhkwe iaiénha,” wahénron, “Wakonhiatenietáhne tsi tatitáhrahien ne Israel, nonhkweshón꞉ʼa ionhkewenhnónhties. Ne shakothisotʼthonkonhkénʼen kwáh tsi tiotásahwe tsi ionhkewenhnónhtion, tánon shé꞉kon nihonahthonkwetatʼsháton tsi nòkwah ní꞉ih nónhwa niwenhnisherahthénions.

Ezekiel 36:32

Israel, tewahkatonwenhtióhni nahisateriéntarahne tsi nikatieráhnion kí꞉ken iáh í꞉se teseriwáhke. Tewahkatonhwenhtióhni nahsatʼtó꞉ken natehénsehra ó꞉ni ne kakenronhniátshera tsi nihsatieráhnions. Í꞉i, ne Wakenonhtí꞉io Watiá꞉ner wakatáti.”

Ezekiel 44:13

Iáh tehotiriwahien nahiontiotenhse ne tsi ró꞉thikhares í꞉ken tó꞉ka ó꞉ni nákta niahonʼne nahó꞉ten ne iotokénti nakeriwahke tó꞉ka ó꞉ni niahontháwehiate ne Kwáh Tsionakthatokénti nónhwe. Né kí꞉ken ne kharewahthátshera í꞉ken ne ioteriwahtehasónhas tsi nihonahtseráhnion.

Ezekiel 7:18

Káhiare enhontierónhniate tánon kwáh enhothihiatishónkwaʼke. Ne rathinonhtsínes kwáh akwékon enhonwathinónhkare, tánon kwáh rathikwékon tsi enhonwanatéhate.

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

Hosea 9:10

Kwáh tsi ní꞉ioht ne karakónha onénhare, thóh ní꞉ioht tiatatʼtsénhron Nisrael. Tsi ní꞉ioht ne tontiérenhte onhiári ne tionhnionwarontonhakó꞉wa, ne tontiérenhte ionhianihiónten, khéken ne sesothonkonhkén꞉en. Baal-peor nón꞉we niahónhne, tánon ne wahonterenhnaiéntakwe tsi nahò꞉ten ne atehénsera í꞉ken, tánon thóh ní꞉ioht tsi wathontatsatatiónste kwáh tsi ní꞉ioht tsi nahò꞉ten ratinón꞉wes.

Zephaniah 1:17

Tánon kwáh entekháwe ne kaʼnikonhraronhiákenhse nonhkwè꞉ne tánon thóh ní꞉ioht tsi enhonhnésehke tsi ní꞉ioht ne tehieronhwékon ne tiorì꞉wa tsi rotirihwanéren tsi nokwáh ne Roiá꞉ner. Tánon ne raotinekwénhsa entewawerónhtake tsi ní꞉ioht nokénhra tánon ne raotikaróstha thóh nenhióton tsi ní꞉ioht nóta.

Romans 6:21

Kwáh oriwihioʼónwe iáh thènen tesewaienáhon onhnahóten nahioʼiánereke tsi naʼohrihoténsons nónwa tsi sewatéhens? Kenhéion iewathihénthos neh naohrihoténsons!

Judges 2:2

Kwáh tó꞉sa thènen sewatsianerenhserónhni kí꞉ken ronhnónhkwe né kénʼen ionhontsáien ratinákere. Ónenk tsi entsisewarísi ne rahonáwenk ietsienharákwahs.’ Ók iáh kíʼ éhtho tesewaiéren tsi nikwahró꞉ri. Khék ó꞉ia nesewáiere!