Jeremiah 29:9 - Ohiatonhseratokénti

⁹ Ietsiʼhianhowenhténnis ne Í꞉i aksénnakon. Iáh Íh tieʼkeiateniéton, Í꞉i, ne Watiá꞉ner, Keshastsʼtensherowáhnenh, wakatáti.’

Jeremiah 29:9 ပူးပေါင်းရင်းမြစ်များ

Jeremiah 23:21

Ne Roiá꞉ner wahénron, “Iáh í꞉i tiekhehiatheniéton kí꞉ken rotiʼtokénhse, ók iawerohʼhátien tsík sénhak iahónne. Iáh othènen theʼtekhehiáwi naʼteriwahnhotátshera, ók shé꞉konʼkiʼ aksénnakon tsi wahontáti.

Jeremiah 27:14

Tó꞉sa ietʼtsihiathahónsahtat ne rotitokénse ne ietʼtsiró꞉ris ne tó꞉sa asehwatsakwahrísi ne rahonháke. Ietʼtsinikonhrahténnis.

Jeremiah 27:15

Rahonhatsíwah ne Roiá꞉ner ráwenh tsi iáh rahónha tetheshaʼkotheniéthon tánon raoʼsénnakon tsi iehtsiʼhianowenhtaniónnis. Tánon káti kwáh entsiʼsehwahiatínekenʼwe, tánon enietʼtsinonhwahrhiakónnion, i꞉se tánon ne rotitokénhse tsi niʼhietsihianowenhtaniónnis.”

Jeremiah 29:21

“Ne Roiá꞉ner Roshastsʼtenseroʼwáhnenh, ne sahkoʼNí꞉io ne Israerʼró꞉nons, tsi nihotharáhkwen ne Ahab ne roʼníha ne ne Kolaiah ó꞉ni ne Zedekiah ne roʼníha ne ne Maaseiah, ne tsi niʼtsisehwahnhowenhténnis ne raosénnhakon. Ráhwenh tsi enshakoʼtsiakwahrísi thóh rahoshastsʼtenserákon ne ronnonhtí꞉io Nebuchadnezzar ne ne Babylonia nónhwe, kwáh tsi tesehwahkánereh rahonʼa enshakononhwahrhiákon.

Jeremiah 29:23

Ne ki tsi nenhotiʼhiáthawenh tsioríhwa tsi nihotiʼníkonh ne tehiotenonhianíthon karihwáhnerens—ronahtenahkwahieshá꞉ton tánon ronahnhowenhthánions raosénnakon ne Roiá꞉ner. Ne kí꞉ken ne iotkónhthe tsi nihonikonhró꞉ten ne Roiá꞉ner; rotheriénthare tsi nihonahtiéren, tánon rahonʼá shaʼkóken. Ne Roiá꞉ner rothatíhon.”

Jeremiah 29:31

ne iahonwahnahteriwahniéhthaʼse ratikwékon ne ronwahnahnakerahkwáton ne ne Babylonia nónwe kí꞉ken ateriwahnhotátshera tsi nòkwah ne Shemaiah: “Í꞉i, ne Watiá꞉ner, enhiréwahthe ne Shemaiah ó꞉ni ratikwékon tsi nitotwahtsirínonh. Iáh í꞉i tieʼhihiateniéthon, ók éhtho ní꞉ioht tsi wahtsisehwahthárahse tsi shí꞉ken ní꞉ioht ne rotó꞉kense, tánon wahtsiʼtsiónnien nahontesehwéthaʼkwe noʼnhówenhs. Kwáh iáh othènen tahonshaʼhowahtsirahiénthake ne skátke ahisehwahnahkérehke. Kwáh iáh thahatkátho ne iohiáneres tsi nenhkhehiatiérahse nakonhkwetashón꞉a, tioríwah tsi wahshaʼkoró꞉ri nahionkwatkónten. Í꞉i, ne Watiá꞉ner, wakatáti.”

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.