Jeremiah 29:3 - Ohiatonhseratokénti

³ Elasah tahíhion ne kahiatónsehra ne roʼníha ne ne Shaphan ó꞉ni ne Gemariah ne ne roʼníha ne Hilkiah, tsi nikáien ne ronnonhtí꞉io Zedekiah ne Judah iehotenietenhni rahonháke ne ronnonhtí꞉io Nebuchadnezzar ne Babylonia nónhwe. Wáhton:

Jeremiah 29:3 ပူးပေါင်းရင်းမြစ်များ

2 Kings 18:18

Ethòne ó꞉nen iahonwénhnonke ne Ronnontiio Hezekiah, tánon náhsen niháti ne rahonkweʼtashón꞉as ratisenhnowánens thóh niahónhne iathonwanáterate: Eliakim né꞉ne roiénha ne Hilkiah, rahónha ne ranikonráhrakwe ne tsi kanontiʼiotseráien; ne Shebna, né꞉ne sakohiatónhnisʼkwe ne tsi teiehiatorethákwah; tánon ne Joah né꞉ne roienkenén ne Asaph, rahónha nènhne ranikonhrárahkwe ne kahiathonserasónhas.

2 Kings 22:12

tánon taʼhá꞉wen ne iononteraʼtsétaʼne kaiatónhsera ne Hilkiah né꞉ne ratsihenstowánen í꞉ken, í꞉se ne Ahikam iaiénha ne Shaphan, í꞉se ne Achbor né iaiénha ne Micaiah, í꞉se ne Asaiah, né ronontí꞉io tiaʼterihwatsʼterísthaʼse:

2 Kings 22:8

Ne Shaphan iaháien ne Ronontí꞉io raoiatónhsera tsi thénteron ne Hilkiah, tánon kíʼ ne Hilkiah wahoʼró꞉ri ne Shaphan tsi waʼhatʼtsénhri ne kaiatónhsera ne Rawenni꞉io raoianerénhsera í꞉ken thó ononsatokentiʼkó꞉waʼne. Ne Hilkiah tahá꞉wen ne kaiatónhsera, tánon ne Shaphan waʼhawenhnaʼnóten.

1 Chronicles 2:39

Né Azariah né꞉ne roiénha ne Helez. Né Helez né꞉ne ieshoiénha ne Eleasah.

1 Chronicles 6:13

Né Shallum né꞉ne ieshoiénha ne Hilkiah. Ók ne Hilkiah né꞉ne ieshoiénha ne Azariah.

2 Chronicles 34:20

tánon ne ronnontí꞉io wahorihónten ne Hilkiah, ó꞉ni ne Ahikam né nenhʼné꞉e ne Shaphan roiénha, ó꞉ni ne Abdon né nenhʼné꞉e ne Micah roiénha, né Shaphan né nénhʼne ne tehiehiatorehthákwah sakohiatónhnis, tánon ne Asaiah, né꞉ne ronnontí꞉io raonhátshera í꞉ken:

Jeremiah 26:22

Ne Ronnonhtí꞉io Jehoiakim, tsi ne naháwenhne, Elnathan iahoténieʼthe ne roʼníha ne ne Achbor tánon thòkaʼ niháti ahonshaʼhonwenknónhksa ne Uriah ne Egypt nónhwe.

Jeremiah 26:24

Ók ne tsioríhwa tsi niʼthakatswahnónhne ne Ahikam ne roʼníha ne ne Shaphan, iáh tiehionkatkáhwen tsi nòkwah nonhkweshón꞉a tánon naʼhionkenonhwarhiákonʼke.

Jeremiah 36:25

Ethohʼsáne ne Elnathan, Delaiah, ó꞉ni ne Gemariah wahonwahniténthaʼse ne ronnonhtí꞉io ne tó꞉sa ahatʼtháhate ne kahiatónshera, iáh thènenh karíhwah teshaʼkahónhni.

Jeremiah 39:14

thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Ezekiel 8:11

Tsáta niwáhsen niháti ne ohénton iehonnéton ne Israerʼró꞉nonhke thóh rónhneskwe, thóh rahiatáhre ne Jaazaniah ne roníha ne꞉ne Shaphan. Ne shatihiatátʼtions ne ratíhawe ne kaienkwahráhkon ionhtekathákwah, tánon ioienkwahrakethothonhátse ne kaienkwahrákon.