Jeremiah 28:6 - Ohiatonhseratokénti

⁶ “Ioneráhkwaht! Aiáwens ne Roiá꞉ner kwáh kí꞉ken éhtho nenháiereh! Kwáh kaskáneks tsi niesharihwáhken kwáh orihwí꞉io aónton tánon tahonthaháhaʼwe akwékon ne Babylonia nón꞉we ne Ononhsatokentiʼkówa ahotsiokowáhtseras ó꞉ni onhkwetahkwékon ne iehonwahtihiaténha nahonwatiʼnhóton.

Jeremiah 28:6 ပူးပေါင်းရင်းမြစ်များ

1 Kings 1:36

“Kwáh thóh nenhiáwenhne,” tsi watharihwaʼsehráko ne Benaiah, “tánon aiáwens ne Roiá꞉ner Saní꞉io aharihwaníratsʼthe!

1 Chronicles 16:36

Tehonwaʼnonhweráton ne Roiá꞉ner, né꞉ne sakoní꞉io í꞉ken nʼIsraerʼró꞉nons, né꞉ne tsi nienhénwe tánon tsi nénhwe enkénhake. Tánon onhkweʼtakwé꞉kon ahiaiéron, “Éhʼtho niʼiáwenh.” Tehonwaʼnonhweráton ne Roiá꞉ner!

Psalms 106:48

Tehonwaʼnonhweráton ne Roiá꞉ner, né꞉ne sakoní꞉io í꞉ken nʼIsraerʼró꞉nons, né꞉ne tsi nienhénwe tánon tsi nénhwe enkénhake. Tánon onhkweʼtakwé꞉kon ahiaiéron, “Éhʼtho niʼiáwenh.” Tehonwaʼnonhweráton ne Roiá꞉ner!

Psalms 41:13

Tehonwaʼnonweráton ne Roiá꞉ner, né꞉ne Raotiʼní꞉io í꞉ken NʼIsraerʼró꞉non, né꞉ne tsi nénhwe enkénhake. Éhʼtho Naʼiáwenhne.

Psalms 72:19

Tehiontenonweráton tsi nihosenhnanerákwat né꞉ne tsi nénhwe enkénhake; wakaterénhnaien ne raohiatanerakwáhtshera ne akananón꞉hake nohontsakwékon. Éhʼtho naiáwenhne tánon éhʼtho naiáwenhne.

Psalms 89:52

Tehonwaʼnonweráton ne Roiá꞉ner né꞉ne tsi nénhwe enkénhake. Eʼthohʼnenhiáwenhne eʼthohʼnenhiáwenhne.

Jeremiah 11:5

Ethóhʼne enkwé꞉ienste tsi nikhehiarahratsʼténni ne sakotisotʼthonkonkénʼen tsi entekhéhion ne ionhontsáresen ó꞉ni ne iohontsí꞉io tsi ónen ne ratíhawe.” Wakíron, “Hen, Saiá꞉ner.”

Jeremiah 17:16

Ók, Saiá꞉ner, Iáh nonhwénhton thaʼtehionkeniʼriwahkenáhon nahsehkarónni; iáh nonhwénhton tewahkaskanékon né thènen tahotinikonhráhren. Saiá꞉ner, sahteriéntahre thíʼken; sahteriénthare tsi nahó꞉ten wáhken.

Jeremiah 18:20

Ne karihwahétken ne kén ne ahokarhiátshera ne iohiánereh? Ethohʼsáne rohtisonhiónni nakerihwáhke né hiatiátenʼne. Sehʼhiáranh tsi ní꞉ioht tsi iewahkénon ne sonháke nahkhehiatátsaʼse, ne ne tó꞉sa kanahkwahtsherákon tsi kén niahséhʼiereh.

Jeremiah 28:3

Nohénton ne tehiosehráke tenthékhaʼwe ne kénʼen nónhwe niwahtenátaien akwékon ne Ononhsatokentiʼkówa ahotsiokowáhtsheras ne ne ronnonhtí꞉io Nebuchadnezzar iehóha ne Babylonia.

Zechariah 6:10

Wahèn꞉ron, “Hiahásaf nahthatahwí꞉tsheras tsi nithonatkawáhnion ne ronwahthinahkerahkwáhthons Heldai, Tobijah, tánon ne Jedaiah, tánon ó꞉nenk thóh iaháseh tsi thóh nónhsohte ne Josiah ne roiénha ne Zephaniah. Rathikwé꞉kon sóhthi ne Babylonia tsi rohnahnakerahkwénʼne.

Numbers 5:22

Aiáwens kí꞉ken onékanos senekwénhtakon niáwe tánon ne akarihónhni naʼsatenekwénto tánon ne sheniʼtshake nahonkʼtóhkerihke.” Ne iónhkwe tsi tenhkarihwasehráko, “Waʼkerihwanónhwene; aiáwenhs ne Roiá꞉ner thóh nihá꞉ier.”

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Matthew 6:13

Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

1 Corinthians 14:16

Nónen tentienonwehráhton ne Rawenni꞉io kwáh nék khók iéken ne satónnhets, onh ní꞉ioht tsi aiekwéni ne thiʼkénhak nónkwe né skátʼke sewatʼkenníson nahiaiéron “Éhʼtho niʼiáwen” ne shaʼterennaientatsheráhkon ne kanonwehrahthóntshera? Kwáh iáh tahóten tehonahteriéntare tsi nahóten sáhton.

2 Corinthians 1:20

Kerístos akwé꞉kon “Hen” niehé꞉ken tsi ní꞉kon rohrharátston ne Rawenni꞉io. Ne aorì꞉wa raónha ne Kerístos sonkwahró꞉ris “Eh tho neniá꞉wen.” Nok ní꞉ʼi entewèn꞉ron tho raoiaʼtanehrakwáhtshera ne Rawenni꞉io.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 19:4

Tánon ne tewáhsen-nihá꞉ti ratiretsá꞉rons tánon ne rononhénion wahatiiatsenénhne tánon wahonwashén꞉naien Ní꞉io raón꞉ha renskó꞉te nanitskwá꞉rane, rontón꞉nions, “Eʼtho naiá꞉wenhne. Teonwanonwerá꞉ton Ní꞉io!”

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 5:14

Tánon ne kaié꞉ri nihá꞉ti ne rononhénion kárhios wahonhní꞉ron, “É꞉tho niiá꞉wenh!” Tánon ne ratiretsárons wahatiiatiénenhne tánon waonwashén꞉naien.