Jeremiah 28:3 - Ohiatonhseratokénti

³ Nohénton ne tehiosehráke tenthékhaʼwe ne kénʼen nónhwe niwahtenátaien akwékon ne Ononhsatokentiʼkówa ahotsiokowáhtsheras ne ne ronnonhtí꞉io Nebuchadnezzar iehóha ne Babylonia.

Jeremiah 28:3 ပူးပေါင်းရင်းမြစ်များ

Genesis 47:28

Tánon ne Jacob tsá꞉ta-iawén꞉re niiohserá꞉ke Egypt nón꞉we nihanákerehkwe, tsi niió꞉re nénska tewenʼniáwe tánon kaié꞉ri niwáhsen-tsá꞉ta niiohserá꞉ke nihrónhnheskwe.

Genesis 47:9

Ne Jacob wahawènhahse ne Pharaoh, “Tsi niiohserá꞉ke nonhwentsà꞉ke sikónhnhe énska tewenʼniáwe áhsen niwáhsen niiohserá꞉ke; iáh tewé꞉so tánon iohserahní꞉ronhkwe tsi ní꞉ioht tsi kónhnhehkwe. Iáh tshié꞉was tsi niiohseró꞉tenʼskwe tsi nihonnónhnhehkwe ne khehsothokonʼkénhen tsi nikarí꞉wes rotinatenhá꞉wihskwe.”

2 Kings 24:13

tánon Babylonia akwé꞉kon niahatíhawe ne kanorón꞉sons ne Ononsatokentikó꞉waʼne ó꞉ni ne kanontiʼiotsherákon kaiéntaʼkwe. Tsi kíʼ nitotró꞉ri ne Roiá꞉ner nohénton, Ne Nebuchadnezzar akwé꞉kon waʼtharihthánion noʼwistá꞉rorons ionsthá꞉kwáh ne taionská꞉on né꞉ne Ronnontiʼiokénʼen Solomon rosahánion naʼiónstaʼke Nononsatokentiʼkó꞉wane.

2 Chronicles 36:10

Né saʼtsiokenhnón꞉ti, né Ronnontí꞉io Nebuchadnezzar Babyloniaró꞉nonke niaʼoiaténhawe ne Jehoiachin niaonó꞉ton tánon iahahá꞉sehron ne kanorónhsons Nononsatokentiʼkówaʼne. Ethóhʼne ne Nebuchadnezzar waʼhahónhnien ne Jehoiachin iathatekénhʼa Zedekiah naonontí꞉ioʼne ne Judah tánon ne Jerusalem.

2 Chronicles 36:7

Né Nebuchadnezzar iahahásehron ostónha ne kanorón꞉sons í꞉ken Nononsatokentiʼkówaʼne tánon tsi thoʼnónhshote ne raononhtiʼiotsherákon ne Babylon ionhsahá꞉ien.

Psalms 90:10

Nónkwe tót꞉khok niʼiakónnhes tsáta niwáhʼsen niʼioseráke, khés tó꞉ka nón꞉wa satèkon niwaʼsenhniʼioseráke, tó꞉ka eniakwasháststeke; eʼthóhʼsáne, akwékon né kháhas ne tahionhnikonhrá꞉ren tánon kanikonhraksénhtshera; ne tsi iakónnhe iostó꞉re waʼtohétstha, tánon kák tsehionkwénon.

Daniel 1:2

Ne Roiá꞉ner wahoríhon naʼhoié꞉na ne Ronnontí꞉io Jehoiakim tánon iaháhawe tóhkaraʼ ní꞉kon ne ohwistanó꞉ron ne ononhsatokenhtí꞉ke aʼówenk. Tóhka niʼ ó꞉ni nihá꞉ti wahshakoié꞉na tánon ionsahshakoiaʼténhawe tsi thonterennaientáhkhwa ne raoʼniioʼó꞉kon nón꞉we ne Babylon, tánon tsi ní꞉kon ronenhskwenhátie ne ohwistanoronʼshón꞉a, tsi rontahkweniaientáhkhwa ne ononhsatokenhtí꞉ke nón꞉we iahatakweniá꞉ien.