Jeremiah 28:11 - Ohiatonhseratokénti

¹¹ tánon rahothihénton ronhkweshón꞉a tsi nahenrónnion, “Ne Roiá꞉ner ráwenh thóh kíʼ ní꞉ioht tsi tenhárihthe ne atientaniákstha nètho ronnonhtí꞉io Nebuchadnezzar róhere ne ieniarahkéson nonhkweshón꞉a; tánon thóh kíʼ kén nenháiere nohénton ne iakáhewe ne tehiosehráhke.” Ethóhʼne éhren sáhkeʼthe.

Jeremiah 28:11 ပူးပေါင်းရင်းမြစ်များ

1 Kings 13:18

Ethòne né rosthénha ne Bethel nithawénon wahawénhase, “Íh, ó꞉ni, wakʼthókense kwáh tsi ní꞉ioht níse, tánon tsi nahathénhnhaʼne ne Roiá꞉ner ne raronhiakeró꞉non wahatróri nahonsétene tánon akonhiateweiénhton tsi enkonhnakthóthaʼse.” Ók né rosthénha wahanówenhthe.

1 Kings 22:6

Sók kíʼ ne Ahab iashakonónhkʼkon ne rotitó꞉kense, ká꞉nonh né kaiéri tewenhniáwe niháti, tánon washakorihwanónhthonhse, “Iakhehiatsatónhti onhtèken ne Ramoth, khés ne iáh?” “Iasheʼhiatsiathónhti,” wathatirihwaseráko. “Ne Roiá꞉ner énthion natesenhniétsera.”

2 Chronicles 18:10

Saiáta né꞉ne Zedekiah né roʼníha né꞉ne Chenaanah, karístatsi nahó꞉ten wahatenakarónhniaʼte tánon wahawénhase ne Ahab, “Kénh kíʼ nahó꞉ten ne Roiá꞉ner ráton, ‘Né kí꞉ken énshaste tsi enhsewaterí꞉io ne Syriaró꞉nons tánon kwáh í꞉ken tsi enshesénhni.’”

Proverbs 14:7

É꞉ren í꞉set tsi nón꞉we nihón꞉neʼs ne tehonatenonhwarorí꞉tonte iáh oʼthé꞉nen tehotí꞉ien nahò꞉ten aiesarihónnien.

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

Jeremiah 23:17

Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 28:15

Ethóhʼne wahiró꞉ri kí꞉ken ne Hananiah, tánon iahátiesʼte, “Satahónsahtat, Hananiah! Ne Roiá꞉ner iáh tiehiató꞉rion, tánon wasehʼhiónnien kí꞉ken onhkweshón꞉a nahonthaiakéthaʼkwe noʼnhówenh.

Jeremiah 29:9

Ietsiʼhianhowenhténnis ne Í꞉i aksénnakon. Iáh Íh tieʼkeiateniéton, Í꞉i, ne Watiá꞉ner, Keshastsʼtensherowáhnenh, wakatáti.’

Ezekiel 13:7

Ietʼtsiró꞉ri: Thí꞉ken sewahtashataráhnis tsi sewatkáthos iáh oriwí꞉io tèken, tánon tsi iesewahriwáhkens kwáh ohnhówenh í꞉ken. Sehwáhton né nakewenhnahókonhs, ók iáh kíʼ í꞉se tekwahtaráhni!”