Jeremiah 27:3 - Ohiatonhseratokénti

³ Ethóhʼne ne Roiá꞉ner wahakró꞉ri ne iaʼkhehiateriwahniéten ne rontinonhtí꞉ios ne Edom, Moab, Ammon, Tyre, ó꞉ni ne Sidon ne iehatiriwénhaf ne sahkonatátiaʼse tsi nikáien ne Jerusalem thóh nènonh ne nahonwáhken ne ronnonhtí꞉io Zedekiah.

Jeremiah 27:3 ပူးပေါင်းရင်းမြစ်များ

2 Chronicles 36:13

Né Zedekiah waʼhonenhrót꞉thaʼse ne Ronnontí꞉io Nebuchadnezzar, né꞉ne thóh nontónhni tsi rorihwaniráhton Rawenni꞉io raosénhnakon tsi enhorihwatokénhake. Kwáh kíʼ wahatenonhtsistanírahte tsi iáh tehothontáton ne ahonsahotatrewáton tánon Roiá꞉ner nòkwahti niahonsahawénonke, né Sakoní꞉io Nisraeʼró꞉nons.

Isaiah 23:4

Satehénhsek, O Sidon, asèken ne kaniatarakhekówa hontáti, netekaniataranák꞉ton ne kaniatarakhekó꞉wa, watónhnions: “Iáh ó꞉ni tewakeronhiakénhen khéhs nakenákeratsʼte, iáh ó꞉ni tekheiehiáron ne kén nithotiʼiónhsa ronhnón꞉kwe khéhs nakheʼiehiáronhke ne kén nitsotiʼiónsas konhnón꞉kwe.”

Jeremiah 27:12

Wakíron kwáh ne sáhka ne ronnonhtí꞉io Zedekiah ne Judah nónhwe, “Sahtiaʼkwahrísi rahonháke ne ronnonhtí꞉io ne Babylonia. Tióhtens ó꞉ni ne rahonkwetaʼshón꞉a, tánon enshón꞉nheke.

Jeremiah 27:4

Ne Roiá꞉ner Roshastsʼtenseroʼwáhnen, ne ne shakoʼNí꞉io ne Israerʼró꞉nons, wahatró꞉ri nakhènahne nahonwahtiʼró꞉ri ne rontiʼnonhtí꞉ios nètho Roiá꞉ner tsi ráwenh:

Jeremiah 28:1

Ne sahoséhra, ne ne wískʼáhton siwenhníthaʼre ne kaieríhaton sihiosehratátsie nètho Zedekiah sihononhtí꞉io, Hananiah ne roʼníha ne ne Azzur, rotokénse ne ne tsi kanátaien ne Gibeon nónhwe nihanákere, Ononhsatokentiʼkowáhne nónhwe natiakenitháren. Rahotiʼhénton ne rotikháres ó꞉ni nonhkwesónha wahakró꞉ri

Ezekiel 29:18

“Rónhkwe iaiénha,” wahénron, “Ne Ronhnontí꞉io Nebuchadnezzar né Babylonia nónhwe tahathásahwen ne iahatsiathónti ne Tyre. Wahsakahónhnien ne rahonkwetashón꞉ʼa ronhterí꞉ios nahathíhawe ne hiorieniákʼstes kwáh onahʼónstha hónton ne rahthinonhtsíne tánon wahothinenhshokánion, ók iáh kíʼ ne Ronhnontí꞉io iáh ó꞉ni ne rahonkwetashón꞉ʼas ne ronhterí꞉ios thènenh tehothiʼientáhon tsi níkonh wahthonnikonhráhren.

Amos 1:9

Ne kí꞉ken aorí꞉wa ne Roiá꞉ner rá꞉ton: Aseʼken áhsen nieioterátston iorihwanére ne Tyre, tánon ne kaieríhaton, kwáh ki nenʼneʼeh iáh thaʼtaonsonkaterihwaténien ne kahrewahtáhtshera; tiorí꞉wa tsi kwáh ratinakerahserakwé꞉kon tsi iehonwanahtsakwaríhshion ne Edom nón꞉we, tánon iáh teshonné꞉iahre naterihwahseronniáhtshera ne ateró꞉sera rotíhson.