Jeremiah 27:22 - Ohiatonhseratokénti

²² Babylonia nienhonwahtiʼhiaténhaʼwe tánon éhtho nónhwe ienhatiʼterónthake tsi nióre tenthekeriwásnieʼse. Ethóne tenthekhehiaténhaʼwe tánon ensehkhekwahtákwahse ne kénʼen nónhwe niwahtenáhtaien. Í꞉i, ne Watiá꞉ner, wakatáti.”

Jeremiah 27:22 ပူးပေါင်းရင်းမြစ်များ

2 Kings 25:13

Né Babyloniaró꞉nons waʼthatirihthánion ne otsínekwar nikaristótens kanawahathótons tánon ne otsínekwar nikaristhó꞉tens ionhniáton watnekaráhkwah Nononsatokentiʼkówaʼne kaiénthakwe, skát꞉ke ne otsínekwar nikaristóthen kanakowáʼnen, tánon akwé꞉kon notsínekwar nikaristótens Babylon nón꞉we niahatíhawe.

2 Chronicles 36:21

Tánon ká꞉ti tsi nihotʼró꞉ri ne Roiá꞉ner rahonháke ne rotokenhséhakwe Jeremiah akwé꞉kon kíʼ waʼkánaʼne: “Né tsi ionhontsáien káiase enwáton né꞉ne tsáta-niwá꞉sen niʼíoseráke, né niahonsakarihwaiérike ne tsaákhaton niʼioseráke ahotorihsénhtshera nohóntsa né꞉ne iáh tehatí꞉sereʼne.”

Ezra 1:11

Ne orihwakwé꞉kon né꞉ne 5,400 nowistanó꞉rons tánon ne kawistará꞉kens akeraʼsónhas tánon nó꞉ia nahorihoténhsons ne Sheshbazzar hionhsaháhawe nó꞉nen ne rahónha ó꞉ni nakorénhsons ne ronanakerá꞉kwenhne thontahonhtén꞉ti ne Babylon tánon Jerusalem nionhsahón꞉ne.

Ezra 7:19

Ó꞉nenk tsi enthé꞉tson ne Rawenni꞉io Jerusalem nón꞉we akwé꞉kon tsi nihionsthashón꞉as ne tiesá꞉wi nahónsthonke Nononhsatokentihkó꞉wane tsi nihionterén꞉naiens.

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Jeremiah 20:5

Kwáh enkheríhon ne tehontátsons nahatiʼnenhskwenháton akwékon natʼtsokowáhtsheras ne kénʼen kanatowáhnenh ó꞉ni enhathiʼiéna akwékon ne rahonawenhsónhas ó꞉ni ne rahotiʼientátsheras, iekaníhareh ne rotinonhtiʼiósons rahonawenhsónhas ne kanorónsons ne Judah nónhwe, tánon akwékon Babylonia nienhatíhaʼwe.

Jeremiah 27:21

“Sewathahónsatat tsi nahó꞉ten ne Í꞉i, ne Watiá꞉ner, ne kheʼNí꞉io ne Israerʼró꞉nons, káton tsi nòkwah ne atsokowáhtseras ne shé꞉kon iothaténron ne Ononhsatokentiʼkówahne ó꞉ni ne tsi ronónhshoʼte ne ronnonhtí꞉io ne Jerusalem nónhwe:

Jeremiah 27:7

Kwáh onhkwetahkwékon tsi enhonwahiótenhseh, tánon kwáh tenhonwahriwásnieseh ne roiénha ó꞉ni ne sahkoterehokónha tsi nióre ienkáhewe ne kwáh rahónha rahonkwetaʼshón꞉a enhonwahtiʼsénni. Ethóhʼne ne rahonkwetaʼshón꞉a né enshonwahtiʼhiótense ne kwáh thatiʼshástsʼtes onhkweshón꞉a ó꞉ni ne ratiʼshástsʼtes rohtinonhtí꞉ios.

Jeremiah 29:10

“Ne Roiá꞉ner ráton, ‘Ne nónenh ne Babylonia ne tsáta niwáhsen niʼioserahke enwahtók꞉ten, Enkénesthe nakeriswahshón꞉a ne tionháke tánon enkenónhsthaʼte nakwahrahrátʼtshera ne tahonthakwahiaténhaʼwe ne tsi sehwehtherónton.

Jeremiah 32:5

Ne Zedekiah Babylonia nónhwe nienhonwahiaténhaʼwe, tánon thóh nónhwe ienhentherónthaʼke tsi nióre kén nienhíhiere. Shé꞉kon ó꞉ni nahonterí꞉io ne Chaldeans iáh kíʼ tahotherihwahténtsiaʼse, Í꞉I, ne Watiá꞉ner, wakatáti.”

Jeremiah 34:2

Ne Roiá꞉ner, ne shakoʼNí꞉io ne Israel, wahakró꞉ri ne iáke tánon nahiʼiénhaʼse ne Ronnonhtí꞉io Zedekiah ne Judah nónhwe, “Í꞉i, ne Watiá꞉ner, enhítatʼtse kí꞉ken kanatowáhnen ne Ronnonhtí꞉io ne Babylonia, tánon enhatenahténthaʼwe.

Jeremiah 34:3

Iáh thasehniékenʼne; kwáh enhieshaʼiéna tánon enieshaʼtiakwahrísi rahonháke. Énsken tentiaʼtatkonhshaʼkánerak tánon kwáh rahónʼa tensehnitháren; ethóne Babylonia nienhénse.

Jeremiah 34:5

Kwáh skénnonhk tsi enshíheʼie, tánon nonhkweshón꞉a tsi wahontsáhaʼte ne wenhnekeráhkon nónenh sahonwahtiʼhiatáta ne sehsotʼthonkonhkénʼen, né thontinonhtí꞉ioʼkwe nonénhton níse, kwáh thóh ní꞉ioht tsi enhóntsaʼhate ne wenhnekeráhkon ne shariwáhke. Enhiesatʼtiónnionʼse tánon enhonníron, ‘Nonhwahnonhtí꞉io rawenhéion!’ Í꞉i, ne Watiá꞉ner, wakatáti.”

Daniel 5:23

Wahsatathará꞉tate tsi nonkwá꞉ti ne Roiá꞉ner Rawenni꞉io ne karonhiá꞉ke thén꞉teron tánon táhsionʼte ne kátshe ó꞉ni ne akehraʼshón꞉a ne thotíha ne raononhsatokenhtiʼkowáhne. Í꞉se tánon ne sonkweʼtaʼshón꞉ʼa ne ratihsennowá꞉nens, sewaniákhons, sahskareʼó꞉kon, ne wésewatste tsi wesewahnekí꞉ra ne notsì꞉tsa ó꞉ni wesewahsénnaien ne kaiaʼtón꞉ni ne ionniá꞉ton ne ohwistanó꞉ron, kahwistará꞉ken, ne kahwistárhon ne otsì꞉nekwar nikaristó꞉ten, karístatsi, ó꞉iente, tánon ne onén꞉ia—kaiaʼtón꞉nis ne iáh tekontí꞉ken tánon iáh teionathón꞉te iáh ó꞉ni thé꞉nen teionaterién꞉tare. Nok iáh tehtskweniénhston ne Rawenni꞉io tsi niká꞉ien thoniarotárhon ne tsi sónnhe ó꞉ni tsi satónrie ó꞉ni kwáh tsi ní꞉ioht tsi satoriá꞉nerons.

Daniel 9:2

Ne shontontohseratiérenhte shihonontí꞉io, kateweienstháhkwe ne kahiatonhseratokénhti tánon onkeʼnikonrahién꞉taʼne ne tsáta niwáhsen niiohserá꞉ke nʼetho Jerusalem tsi nenkanatén꞉taʼne, entioianénhawe tsi nahò꞉ten ne Roiá꞉ner rohró꞉ri ne rotokenhséhakwe Jeremiah.