Jeremiah 26:24 - Ohiatonhseratokénti

²⁴ Ók ne tsioríhwa tsi niʼthakatswahnónhne ne Ahikam ne roʼníha ne ne Shaphan, iáh tiehionkatkáhwen tsi nòkwah nonhkweshón꞉a tánon naʼhionkenonhwarhiákonʼke.

Jeremiah 26:24 ပူးပေါင်းရင်းမြစ်များ

1 Kings 18:4

tánon nó꞉nen ne Jezebel sihononhwarhiákonsʼkwe ne Roiá꞉ner rahonkwéta rothokenséhaʼkwe, né Obadiah enskatewenhniáwe niháti iashakohiathénhawe, osthenrokónhsons waʼsakohiathasethánion tekenhtsókwahkes washakotsiokónhni wísks-niwásenh nihá꞉ti ne skenhtsiókwah, tánon waʼshakonónhthen ó꞉ni wasakonekánonhte.)

2 Kings 25:22

Ne Ronnontí꞉iokwe Nebuchadnezzar ne Babyloniaró꞉nonke Gedaliah wahokórasthe, né꞉ne roienkénʼen ne Ahikam tánon ne rosotkénʼen ne Shaphan, ne rakórahkwe ne Judah nón꞉we, tánon rahónʼa wahorihónten nasakotenhnikonhráhren tsi nihá꞉ti ne iáh Babyloniaró꞉nonke tsehonwatiʼiaténha.

2 Chronicles 34:20

tánon ne ronnontí꞉io wahorihónten ne Hilkiah, ó꞉ni ne Ahikam né nenhʼné꞉e ne Shaphan roiénha, ó꞉ni ne Abdon né nenhʼné꞉e ne Micah roiénha, né Shaphan né nénhʼne ne tehiehiatorehthákwah sakohiatónhnis, tánon ne Asaiah, né꞉ne ronnontí꞉io raonhátshera í꞉ken:

Jeremiah 29:3

Elasah tahíhion ne kahiatónsehra ne roʼníha ne ne Shaphan ó꞉ni ne Gemariah ne ne roʼníha ne Hilkiah, tsi nikáien ne ronnonhtí꞉io Zedekiah ne Judah iehotenietenhni rahonháke ne ronnonhtí꞉io Nebuchadnezzar ne Babylonia nónhwe. Wáhton:

Jeremiah 36:10

Ethóhʼne, tsi nikaríhwes nonhkweshón꞉a iaʼkothahonsáhteʼkwe, ne Baruch wahshaʼkowenhnahnhótʼtahse ne Jeremiah raoʼwenhnahókonhs ne tsi ronátʼthaien ne Gemariah ne roʼníha ne ne Shaphan, né shakohiatónni ne tsi tehiehiatorehtáhkwah. Kahnhotshoʼharáhke ne teiehiatorehtákwah nónhwe nihonákʼthaien ne ne ákta ne áse tsi ioʼtenhenrahkáhronʼte ne Ononsatokentiʼkówahne.

Jeremiah 36:11

Micaiah, ne roʼníha ne ne Gemariah tánon Shaphan né rosótʼtha, tsi wahothóntheʼne waʼhawennahnhóten ne Baruch tsi niháwenh ne Roiá꞉ner.

Jeremiah 36:12

Ethóhʼne ronnonhtí꞉io tsi thohnonhshó꞉te niaháre, tsi thaʼhiatónkwah ne shaʼkohiatónni, ratikwékon ne ronahterihóntons ronatʼkenníson. Elishama, né shaʼkohiatónni ne teiehiatorehtákwah, Delaiah ne roʼníha ne ne Shemaiah, Elnathan ne roʼníha ne ne Achbor, Gemariah ne roʼníha ne ne Shaphan, Zedekiah ne roʼníha ne ne Hananiah, tánon ne ronáhtiaʼkes ne ronahterihónton thóh kíʼ nònhne rónnesʼkwe.

Jeremiah 36:19

Ethóhʼne wahonwahró꞉ri, “Í꞉se tánon ne Jeremiah ahówenhk nahitsathasehthána. Tó꞉sa ónhka iakoterentáranh tsi nónhwe nísehnes.”

Jeremiah 36:26

Ethóhʼne ne ronnonhtí꞉io wahónnhaʼne ne roiénha Jerahmeel, skátke ne Seraiah ne ne Azriel roiénha tanon ne Shelemiah né roʼníha ne ne Abdeel, nahiontiénah ó꞉ni ne rakhiatónnis Baruch. Ók kíʼ ne Roiá꞉ner sonkeniʼhiathashéthonʼkwe.

Jeremiah 39:14

thahiontsiatínekenhwe nahotenhénrahkon ne tsi kanonhtiʼiotsheráien. Tánon Gedaliah né shaʼhonwahrihónten nahonshaʼhakatenhnikonhráhren, ne roʼníha ne ne Ahikam ó꞉ni ne rosótʼtha ne ne Shaphan, rahónha oriwí꞉io enrónhni tsi kwáh skénnenhk tsi iénskewe. Tánon káti thóh nónhwe nahkahtserónhniaʼte skátke nonhkweshón꞉a.

Ezekiel 8:11

Tsáta niwáhsen niháti ne ohénton iehonnéton ne Israerʼró꞉nonhke thóh rónhneskwe, thóh rahiatáhre ne Jaazaniah ne roníha ne꞉ne Shaphan. Ne shatihiatátʼtions ne ratíhawe ne kaienkwahráhkon ionhtekathákwah, tánon ioienkwahrakethothonhátse ne kaienkwahrákon.

Acts 23:10

Tsi tehothiriwatironte ónen sénha wahkatsirowána, neh rahnenrakweʼní꞉io wahóteronne nontiérenk ne Kór ahonwahiataratiónko. Sók kíʼ wasakónahne ne ronterí꞉ios kanénrakon nienʼhón꞉ne, ienshonʼwén꞉nok ne Kór, tánon ahtenhénrakon nieʼsonwahiaténhaf.

Acts 27:43

Nók ne rasennowánen rérahkwe nahonónstate ne Kór, sók kíʼ watesakótaste ne thóh nahatí꞉iere. Kék khók, wasakónaʼne nónka iakokwénion ne tahiontateniáwake tsi iahionrárho iatehionnitiónkwak awènke tánon tehiontateniáwak tsi iehionrá꞉rho;

Revelation 12:16

Ók tsi ionwenhtsá꞉te wahosnié꞉non ne iónkwe; watewatskárawe tánon iahontneʼkanekwáne né꞉tho iononwaronhtsétha thonekawéron tsi rasaká꞉ronhte.