Jeremiah 26:21 - Ohiatonhseratokénti

²¹ Nónenh ne Ronnonhtí꞉io Jehoiakim tánon ne rahonkwetashón꞉a ne ronterí꞉ios ó꞉ni ne rohnaʼterihónton wahatiʼriwáhronke tsi niháwenh ne Uriah, ne ronnonhtí꞉io wahatheniénten nahononhwahrhiákon. Ók ne Uriah wahariwáhronke; sók kíʼ katerontseráhkon tsi wahatèko tánon Egypt nónhwe iahatekwáhsen.

Jeremiah 26:21 ပူးပေါင်းရင်းမြစ်များ

1 Kings 18:10

Né tsi nironnhehónwe ne Roiá꞉ner, Saní꞉io, Kerihwanírats nètho ronhnón꞉tio tsi iahiathisákon kwáh tsi niaʼtekanakerasehráke tsi ionhontsáte. Nónen ne rakóra ne tsi kanakerasehráien rót꞉rori tsi iáh rahonakerasehrákon thé꞉ses, ne Ahab enhorihwanónhtonhse ne rakóra naharihwánerate tsi iáh taieshahiatatʼtsénri.

2 Chronicles 16:10

Né kí꞉ken wakakwéni ne Asa tsi nió꞉re tsi wahonákwase ne rotokenséhakwe wahaténhnahne nahonwaronhkwahsanérenhke. Étho kíʼ shiʼkaháwi ne Asa tahatáshawenh nashakoteniakatsʼtátʼtie nonhkweʼshón꞉as.

2 Chronicles 24:21

Né Ronnontí꞉io Joash wahatiátaren nahonwateristaiénhase ne Zechariah, tánon ne kíʼ tsi nahaténhnahne ne ronnontí꞉io nonhkweʼshón꞉as wahonwanenhióhiake ne Zechariah thó atenhénrakon ne Ononsatokentiʼkówahne.

Psalms 119:109

Tiotkonhónwe ne tsi kónnhe iotʼteronhónwe nakíheʼie; ók iáh kíʼtewahkenikonrénhen ne saianerénhsera.

Proverbs 29:25

Iótteron tahsatateʼnikonhrhá꞉ren tsi nahò꞉ten ronnonhtónnions nakohrèn꞉shon ní꞉se sarihwà꞉ke, nok kiʼ tókaʼ tsheniahé꞉sen ne Roiá꞉ner skén꞉nen enhsanonhtonniónheke.

Jeremiah 26:10

Nónenh ne shaʼkotihenténseh ne Judah shaʼhatiʼriwáhronke tsi naháwenhne, waʼthotisteríhen tahonténti ne tsi thonónhsohte ne ronnonhtí꞉io tánon Ononhsatoʼkentikówahne niahónne iahonnitskwahrónnion ne áse tiotenhenrahkáronʼte.

Jeremiah 36:26

Ethóhʼne ne ronnonhtí꞉io wahónnhaʼne ne roiénha Jerahmeel, skátke ne Seraiah ne ne Azriel roiénha tanon ne Shelemiah né roʼníha ne ne Abdeel, nahiontiénah ó꞉ni ne rakhiatónnis Baruch. Ók kíʼ ne Roiá꞉ner sonkeniʼhiathashéthonʼkwe.

Jeremiah 38:4

Ethóhʼne ne ronahterihóntons ronnonhtí꞉ioʼke niaʼhónʼne tánon wahonníron, “Kí꞉ken rónkwe ónenhk tsi enhonwáhrhio. Kíʼ tsi ní꞉ioht tsi róhthareh teshaʼnikonhkonhrhiatʼténnis ne ronterí꞉ios kíʼ kénʼen kanatowáhnen, tánon thóh nishaʼkohiérahse tsi nihiákon iaʼtehiakothaténron ne kanatowáhnen. Iáh tehatheniéntha nashaʼkohiénawahse nonhkweshón꞉a; kwáh nek khók írehre nashaʼkokahréwahthe.”

Matthew 10:23

Kakiok nonȣe tkanataien entietsikenrenseronni, neh noia tetkanataien niionsaseȣe: aseken oriȣiio tsi kȣarori areko ok onȣentsiakȣekon tentiseȣenonton tsiniiore tentre ne Niio Roienha.

Matthew 10:28

Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

Matthew 10:39

Oni nenhononstaton tsi ronnhe, enhotonse; neh tanon enshatsenri nenhakateȣentetase.

Matthew 14:5

Akȣa thoianerasehakȣe nahatennhane ahonȣario; kenh ki tanon nonkati ieshatsaniskȣe ne tsi akȣekon ok nonkȣe tiakaȣetakonne tsi Rotokense ne Saȣatis.

St. Mark 6:19

Nese ȣahonni nʼHorodias tehahonnharikhonskȣe, neok oni aoskanektsera nahonȣario, nok iah tiieȣatonskȣe.