Jeremiah 26:16 - Ohiatonhseratokénti

¹⁶ Ethóhʼne ne sahkotiʼhéntenʼse ó꞉ni nonhkweshón꞉a wahonwenhnénhase ne rotikháres tánon ne rotitó꞉kense, “Kí꞉ken rónkwe tsi wahsonkwahtháraʼse ne ne raosénnakon ne Roiá꞉ner onhkwahNí꞉io; iáh thaʼtehiothonhontsióhon nahonwahnonhwahrhiákon.”

Jeremiah 26:16 ပူးပေါင်းရင်းမြစ်များ

Esther 4:14

Tóka iáh thé꞉nen thahsì꞉ron ón꞉wa nikahá꞉wi karonhià꞉ke ki néntewe ne kaiaʼtakehnháhtshera raotirihwà꞉ke ne Sitaeró꞉non, tánon enhatiʼniá꞉kenʼne, ók ní꞉se enshí꞉heie tánon iaʼníha raohwá꞉tsire enhonwanáhtonʼte. Ónhka ó꞉ni iakoterién꞉tare—tóka nón꞉wa ne waʼkarihón꞉ni tsi wesanontí꞉ioʼne!”

Psalms 94:16

Ónhka tehotáhon nakerihwáke tsi nòkwah ne ionkwetahetkenʼokónhas? Ónhka thethátas nakerihwáke nahasniénon tsi nòkwah ne ronhnonkwetaʼhetkenokónhas?

Proverbs 16:7

Nó꞉nen entsheʼnikonhraié꞉rite Roiá꞉ner, enhskwé꞉ni ne iesáhswenhs ahsheiatenroʼserónnion.

Jeremiah 26:11

Ethóhʼne ne rothikháres ó꞉ni ne rotitó꞉kense wahonwénhnenhse ne ohénton iehonnhéton ó꞉ni nonhkweshón꞉a, “Kí꞉ken rónhkwe tehoténtion nahonwaʼnonhwahrhiákon tioríhwa tsi wahatkónten nonhkwanáta. Kwáh tsi tesehwahonthaʼkáronthe watsisehwatʼthónteʼne.”

Jeremiah 34:10

Onhkwetahkwékon tánon ne sahkotiʼhéntenʼse wahathiriwahnónhwe nahonsahonwahnátkaʼwe ne rahtináskwas tánon tó꞉sa nonhwénhton ne shé꞉kon ahonsahonwahtiʼnaskónni. Sahonwahnátkaʼwe kíʼ,

Jeremiah 36:19

Ethóhʼne wahonwahró꞉ri, “Í꞉se tánon ne Jeremiah ahówenhk nahitsathasehthána. Tó꞉sa ónhka iakoterentáranh tsi nónhwe nísehnes.”

Jeremiah 36:25

Ethohʼsáne ne Elnathan, Delaiah, ó꞉ni ne Gemariah wahonwahniténthaʼse ne ronnonhtí꞉io ne tó꞉sa ahatʼtháhate ne kahiatónshera, iáh thènenh karíhwah teshaʼkahónhni.

Jeremiah 37:15

Kwáh íken tsi hionkenáhkwahse tánon wahonténnhane nahionkenonhwenhsehráhrhio tánon nahionkhenhóton tsi rohnónhshoʼthe ne Jonathan, né shaʼkohiatónhni ne tsi tehiehiathohrehtákwah, né tsi rohnónhshoʼthe hionthaʼtenhotónkwah rohnonhniáthon.

Matthew 27:54

Kenh kaien ne Sotar-koȣa oni tsinihati ronȣanennhakȣe ne Iesos, ȣahontkatto ȣatiaonȣentsishonkȣe tsi oni nikon ontotasionko, ȣahonateronhienten nok ȣahonniron: Oriȣiio tsi Niio Roienha kenhne kehiken.

Luke 23:41

Ehse nii nateiontiatenstson; aseken ehki niionkeninnhikon; nok nerahonha iah othenon tehostonton.

Luke 23:47

Tsinahaȣenne tsi ȣahatkatho ne Sotarkoȣa, ȣahonenton ne Niio, nok ȣahenron: oriȣiio tsi thoriȣaierikȣe ne kenh ronkȣekenha.

Acts 23:29

Wakeriwatʼtsénri tsi kwáh iáh thènen tehoiéren tsi natahoténtion narenheie tóhkaʼ ó꞉ni nahatenóthon; tsi ronwariwáhroskwe neh ronwariwanontonniónniskwe ne rahothiʼianerénsera.

Acts 23:9

Takaristʼstowanénsere, tánon kíʼ ótiakes ne kaianerénsera sakotirihonniénʼni nene Pharisees raotiʼtiokwákon nonnihathiʼiátare wathatítaʼne tánon kwáh íken tsi iosátsthe tsi waʼthonthiriwarénho: “Kwa iáh ne tsoríhwa tehiakwariwatʼtsénries neh thènen ahoníkon kí꞉ken rónkwe! Tóhka ó꞉ni knakasastenseroten tóhkaʼ ó꞉ni kwa thoʼkenske raronhiakeronon watʼnitharen!”

Acts 25:25

Nók iáh thènen tewaketʼtsénrion tsi natahoténtion narénheie. Tánon tsi raónha wahoriwanóntonse ne Rakorakówa, iatewakeriwaiéntase ne iahihiaténiete.