Jeremiah 26:10 - Ohiatonhseratokénti

¹⁰ Nónenh ne shaʼkotihenténseh ne Judah shaʼhatiʼriwáhronke tsi naháwenhne, waʼthotisteríhen tahonténti ne tsi thonónhsohte ne ronnonhtí꞉io tánon Ononhsatoʼkentikówahne niahónne iahonnitskwahrónnion ne áse tiotenhenrahkáronʼte.

Jeremiah 26:10 ပူးပေါင်းရင်းမြစ်များ

2 Kings 15:35

Ók kíʼ ne ionkweʼtákʼsens tsi nonwé꞉sons ronterenhnaienthákwahkwe iáh ne tekarihwathónton, tánon nonkweʼshón꞉as iahontasónteren tsi konwanateskóntʼthakwe ne kontitshénens tánon rontsienkwahronhniáthakwe ne nón꞉we. Kwáh Jotham néʼe rotenhenrakáronhte nothoréʼke nòkwah Nononsatokentiʼkówaʼne.

2 Chronicles 27:3

Rahónha ne Jotham ró꞉son ne tsi iotenhenrakáronhte Nothoré꞉ke nòkwahti Nononsatotentiʼkówaʼne tánon kwáh éhtho tsi nahohióten ne kanatowanénhke tenanatanákʼton né tsi iokwénhrahre ne Jerusalem né꞉ne konhwanatónhkwah Ophel.

Jeremiah 20:2

wahaténnhane nahionkenonhwenhsehrárhio tánon wahtionkenéntsʼterenhke nhoronkwáhsa kanhotsioharáhke iahonkíteron ákta ne tsi tsiotenhenrahkáronte ne Benjamin ne ne ononhsatokentiʼkówahne.

Jeremiah 26:21

Nónenh ne Ronnonhtí꞉io Jehoiakim tánon ne rahonkwetashón꞉a ne ronterí꞉ios ó꞉ni ne rohnaʼterihónton wahatiʼriwáhronke tsi niháwenh ne Uriah, ne ronnonhtí꞉io wahatheniénten nahononhwahrhiákon. Ók ne Uriah wahariwáhronke; sók kíʼ katerontseráhkon tsi wahatèko tánon Egypt nónhwe iahatekwáhsen.

Jeremiah 26:24

Ók ne tsioríhwa tsi niʼthakatswahnónhne ne Ahikam ne roʼníha ne ne Shaphan, iáh tiehionkatkáhwen tsi nòkwah nonhkweshón꞉a tánon naʼhionkenonhwarhiákonʼke.

Jeremiah 34:10

Onhkwetahkwékon tánon ne sahkotiʼhéntenʼse wahathiriwahnónhwe nahonsahonwahnátkaʼwe ne rahtináskwas tánon tó꞉sa nonhwénhton ne shé꞉kon ahonsahonwahtiʼnaskónni. Sahonwahnátkaʼwe kíʼ,

Jeremiah 36:10

Ethóhʼne, tsi nikaríhwes nonhkweshón꞉a iaʼkothahonsáhteʼkwe, ne Baruch wahshaʼkowenhnahnhótʼtahse ne Jeremiah raoʼwenhnahókonhs ne tsi ronátʼthaien ne Gemariah ne roʼníha ne ne Shaphan, né shakohiatónni ne tsi tehiehiatorehtáhkwah. Kahnhotshoʼharáhke ne teiehiatorehtákwah nónhwe nihonákʼthaien ne ne ákta ne áse tsi ioʼtenhenrahkáhronʼte ne Ononsatokentiʼkówahne.

Jeremiah 36:25

Ethohʼsáne ne Elnathan, Delaiah, ó꞉ni ne Gemariah wahonwahniténthaʼse ne ronnonhtí꞉io ne tó꞉sa ahatʼtháhate ne kahiatónshera, iáh thènenh karíhwah teshaʼkahónhni.

Ezekiel 22:27

Ne kakorahsehráhkon ronahterihónton thóh nihatihiathótens tsi ní꞉ioht nokwáho ratiwahrahratiónkwas ne kárhio konhwáhrhio. Sakonahséhtha onhnahiáwenhne nahothikwátsene.

Ezekiel 22:6

Ratikwékon ne Israerʼró꞉nons sakotihéntenhse ne ratiniahésen ne raotishastsʼténsera tánon shakonahséhtha.