Jeremiah 25:34 - Ohiatonhseratokénti

³⁴ Tesehwahsénttho, i꞉se ne ientʼtsihéntenʼse, i꞉se ne ietʼtsinikónhrahre naʼkonkwetahshón꞉a, iorahkareníhak tsi tesehwahséntho! Sewatʼtsiónnion ó꞉ni okenráhke sehwahtesehréson. Ónenh iakáheʼwe nahietʼtsinonhwahrhiákon, tánon thóh ní꞉ioht tsi enhiettsihiátsoʼwe tsi ní꞉ioht ne teiotinakarontónʼa ráhtsinn.

Jeremiah 25:34 ပူးပေါင်းရင်းမြစ်များ

2 Chronicles 36:10

Né saʼtsiokenhnón꞉ti, né Ronnontí꞉io Nebuchadnezzar Babyloniaró꞉nonke niaʼoiaténhawe ne Jehoiachin niaonó꞉ton tánon iahahá꞉sehron ne kanorónhsons Nononsatokentiʼkówaʼne. Ethóhʼne ne Nebuchadnezzar waʼhahónhnien ne Jehoiachin iathatekénhʼa Zedekiah naonontí꞉ioʼne ne Judah tánon ne Jerusalem.

Psalms 2:9

Kwáh thenséhiake karísthatsi enshathenhnitseronhniáthakwe né꞉ne tehioristhónton tsi iehiótʼte, kénk níwas tsi tesheiatʼthókwat tsi ní꞉ioht ne otára kátshe.”

Isaiah 10:12

Nó꞉nen ne Roiá꞉ner enhá꞉sa akwékon ne raoʼiothénsera ne tsi ionónte ne Zion ó꞉ni thóh nón꞉we ne Jerusalem, kwáh kí enhoréhwate ne ratatkowahnátha tsi natehothaʼterénhsaron ne ronnontí꞉io ne Assyria tánon tsi nihothatóhare tsi nihanáʼie.

Isaiah 2:16

kwáh ó꞉ni enhanónwahien iekaníhare ne kwáh tkahoniowá꞉nens ne Tarshish nón꞉we, tánon ne kwáh tsioràse kahoniowánens.

Isaiah 30:14

Tsi natkaríhne kwáh thóh ní꞉ioht kwáh né꞉ne raʼtsetónhni rahót꞉tse tsi natewaʼtetʼtshetóko kwáh iáh othènon tekáien nathaniténron. Kénk níwas skakéron iáh tahonsónhton nahonsaieʼniáhese né karístakon aietsirahrá꞉ko, khés ne áhionste naʼienekotsénhtaʼkwe.

Isaiah 33:1

Áh, í꞉se ne sehiatónhtha, ní꞉se iateshiá꞉ti khók iáh teiesatónhton; í꞉se nènska ne satonkwetátʼteron, iáh ónhka ní꞉se teiesathenhnínon! Nó꞉nen ensát꞉kaʼwe tsi sehiathón꞉tha, kwáh kí thó꞉ne ní꞉se eniesathón꞉te; tánon nó꞉nen ensát꞉kaʼwe tsi né saterihwahthéntsaton naʼsehiathenhnínon, kwáh kí thó꞉ne ní꞉se entsesathenhnínon.

Isaiah 34:6

Né Roiá꞉ner raosharehkówa; kwáh ionekwenhsarón꞉nion, né iawerónhnion ne iorénhsen, né꞉ne raotinekwénhsa ne teiotinakarontónhas owirasónhas tánon ne kaiatákeras, né iawerónh꞉nion ne ioréhsens raotistiéseris ne teotinakaronhtón꞉has owirasónhas. Asèken ne Roiá꞉ner rateskóntane ne Bozrah nón꞉we, né꞉ne teiotenonhianíton tsi nenhionthatenonwarhiakónhnion ne tsi ionhontsáien ne Edom.

Isaiah 34:7

Né karakónha teonákares skát꞉ne tsi enhatihiatiénenhne, tánon ne kenhnithohiónha teonákares skát꞉ne ne raʼshátstes raʼtítsinn. Né raononhontsákes kwáh thenhiahonkótonhke nonekwénsa, tánon ne raonakénras tsi nihiokenhrá꞉resen.

Jeremiah 18:22

Kén tiokwáksen iasehiaténiet nahathinenhskwenháton tsi ratiterónton ne ne kwáh iáh othènen tahonthontró꞉ri; sehiónʼnien katerontsherákon tsi tehonséntʼtho. Hionksonhionnénhni né iatiáʼtenne tánon hionkaterísthaʼien nahiontiénha.

Jeremiah 22:28

Wakíron, “Ne ronnonhtí꞉io Jehoiachin thóh kén nihohiatawénhon tsi ní꞉ioht ne tehiotsetaríhon ne íhseh iewáhtion tánon iáh ónhka thaʼtehiakothonwenhtsióni? Né ken aoríhwa ne rahónʼa tánon ne sahkoienʼokónha ronwahʼnahnakerahkwáhton ne tsi tiohontsáien ne kwáh iáh othènen tehathiʼientéri?”

Jeremiah 23:1

Tsi naʼtenhiotenonhianitónhake ne Roiá꞉ner rahorewahthátshera roʼnónhake ne ratikóras rohnónha shaʼkonathóntha naʼkonkwetaʼshón꞉a ó꞉ni teshaʼkonarehniátha. Ne teshontiérens ne sahkotinónhna ne teiotinakarontónha tánon sahkonathóntha nakitsenenhókonhs!

Jeremiah 25:12

Nenhwahtóhetsthe kwáh enkheréwahthe ne Babyloniaró꞉nons tánon ne raothinonhtiʼiótsheras ne enkarihónni ne raotiriwahneraháktshera. Kwáh enkerihwénhthoh nètho kanahkeráhsehra tánon thóh enkaiénthake enkaiésha tsi nénhwe.

Jeremiah 25:36

Tionhsèhnah tánon tesehwahséntʼthos tsi niʼsehwahronhiáken tioríhwah ne Roiá꞉ner raoʼnahkwahtsherákon tsi rohriwahtónton ne sehwenhtiókwah tánon ne skénnonhk thiʼkénʼne ne sehwahnakeráhsehra káiase iothónhon.

Jeremiah 27:7

Kwáh onhkwetahkwékon tsi enhonwahiótenhseh, tánon kwáh tenhonwahriwásnieseh ne roiénha ó꞉ni ne sahkoterehokónha tsi nióre ienkáhewe ne kwáh rahónha rahonkwetaʼshón꞉a enhonwahtiʼsénni. Ethóhʼne ne rahonkwetaʼshón꞉a né enshonwahtiʼhiótense ne kwáh thatiʼshástsʼtes onhkweshón꞉a ó꞉ni ne ratiʼshástsʼtes rohtinonhtí꞉ios.

Jeremiah 3:19

Ne Roiá꞉ner ráton, “Israel, tewahkathonwenhtióni nakonhiatiénawasthe tsi ní꞉ioht ne í꞉ih aketshá꞉tha akénhake tánon entkónhhion ne ionwenhtsí꞉io, né꞉ne kwáh tiowenhtsí꞉io ne onhwenhtsiakwékon. Tánon wáhkereh Rákeni enskenahthónkwahke tánon tó꞉sa shé꞉konh nonhwénhton ahéreh ahonsáhsehte tsi nónhwe níkes.

Jeremiah 48:26

“Snekáʼtast, tsioríwa tsi wahatatʼkowánasʼthe tsi nòkwah ne Roiá꞉ner; ne káti ne Moab kwáh thóh enhatesehréhson tsi nónhwe nihotstíkonh, tánon rahónʼa ó꞉ni nonhkweshón꞉a tenhonwahiéron.

Jeremiah 48:38

Tehionsentʼthóhsehron tánon kanikonhraksénhtshera enkariónhnionʼke ne tsi rotiʼnonhsóhtons ne Moabró꞉nons ó꞉ni kwáh tsi níkonh tekanahtokénhaton. Asèken tewakríhton ne Moab tsi ní꞉ioht ne kátʼtse ne iáh ónhka tahtehiakothonwenhtsióni.

Jeremiah 50:27

Akwékon ó꞉ni ietsihiáthont nahotsenenhókonhs tsi natenhiotenonhianithónhake ne rahotirihwáhke, ó꞉ni! Kwáh ratikwékon ietsihiawénhtho! Asèken ónenh iakáhewe nahorewahtáhtshera.”

Jeremiah 6:26

Ne Roiá꞉ner washá; kawenhase ne rahonkwetashón꞉ʼa, “Kahiare sehwatʼtseronniat tánon okenrahke sehwatʼkarhateniat. Sehwatʼtionnion kwáh kahkasehró꞉wahnenh tesehwasentʼtho thóh nahiothon tsi shiken ní꞉ioht ne enskat khók iakowiraienthakwe, tsioríhwa nonhka tahre nahiathonte tentsiawenhtsi ienhiatiathonti.

Lamentations 4:21

Sewahiéson, tiónkwe ne Edom ó꞉ni Uz; sewahtsennonníhat tsi nikaríwes sewakwénion. Sewaienásere non ní꞉se ne kahkaronniátsera; í꞉se ó꞉ni tensewahiaténthonkwe tsi nisewathéhens tsi sewanotstóskon.

Ezekiel 34:20

“Káti ónenh, Í꞉i, ne Wakenonhtí꞉io Watiá꞉ner, kwahró꞉ris tsi kwáh tenkwahiató꞉rehthe tsi nahtesehwáhtere ne konhtishástsʼtes teiotinakaronhtónha ó꞉ni ne iotitsihióhas teiotinahkaronhtónha.

Daniel 11:8

Egypt iensháhawe ne káiaʼtonnihshón꞉ʼa né ne raotiní꞉io ronatatonniaʼtén꞉ni tánon tsi nahoténshon ne ohwistanó꞉ron tánon kahwistarà꞉ken ionniá꞉ton ne róntstha tsi konwahsénnaiens ne raotiní꞉io. Né ne tóhka niiohserá꞉ke iotohétston skén꞉nen thí꞉kenʼne.

Hosea 8:8

Ne Israel iekonwatsatanekwáhnon; ón꞉nen ská꞉ne ratinákere ne tihononhontsá꞉tes kwáh iáh othé꞉nen tehatiriwástha tsi ní꞉ioht ne ohtsetós꞉kon.

Amos 5:11

É꞉tho káti né tsi ietsiratátses ne iakóthen tánon ietsinénhskwas ne raotinátsias, né sewatenonhsonhniáton ne kwáh tsoiánere kanenhiaserón꞉ni, ók iáh kí thóh tahisewenhterónhtake; ne sewahientʼthóhserons ne kwáh tkanenharí꞉ios, ók iáh kí tahisewanekí꞉ra ne onenharákeri.

Zechariah 10:3

Ne Roiá꞉ner ráton, “Khenáhkwase né꞉tho thihononhontsá꞉tes tsi rohnónha tsieshakotihiaʼthakwehní꞉io nakonhkweʼtahshón꞉ʼa, tánon kwáh enkheré꞉wahte. Nonhkweshón꞉ʼa ne Judah Í꞉i akonhkweʼtashón꞉ʼas, tánon í꞉ih ne Watiá꞉ner Wakeshatstenhserowá꞉nen, enkhehiatenhnikónhraren. Kwáh rohnónha enkénhake ne konhthiʼshátses koshá꞉tens né꞉ne iakoshaténhstas tsi wahterí꞉io.

Zechariah 11:3

Ne ratikoráhsons tiatehotihenréhtha tsi nihotinikonhráksens; ne rahonaʼtsenhnionniá꞉tshera iototʼtáhon! Shatahónsahtat tsi nihionahthatenahkón꞉ni ne kénreks; tsi konthiʼterónhtakwe ne kahráhkon ákta ne Jordan karihwahthón꞉ton!

Ne꞉ne Sák Rohiaton 5:5

Tsi sónnhekwe ne kén owentsiáke kwáh titkárakwe ne hiotkwéniens ó꞉ni atenikonrhoriátsera. Wahsathatarésensʼte ne tsi tewenʼniserónte neniesanonwarià꞉khon.