Jeremiah 25:3 - Ohiatonhseratokénti

³ “Ne ne tewáhsen-áhsen nihiosehráke, tkènne ne ne áhsenʼiawénhre shiʼiosehratátie nètho Josiah ne ne roʼníha Amon shiʼhononhtí꞉ioʼkwe ne Judah nónhwe ne ne tsi nióre ne kwáh nónhwa wenhnisehráte, ne Roiá꞉ner ratʼtharáni, tánon iáh nonhwénhton tewahkerihwanóronhse nakwahró꞉rike tsi nahó꞉ten ráwenh. Ók iáh othènen karíhhwah tetiónni.

Jeremiah 25:3 ပူးပေါင်းရင်းမြစ်များ

Genesis 22:3

Ká꞉ti Abraham síiohrhonʼkéhstsi wahatkétsko, wahohkwenià꞉ren ne raotshé꞉nen tewahónhtes, tánon iahshakoiaʼténhawe tehniiáhse ne kenʼnithotiión꞉ha raonkweʼtaʼshón꞉ʼa, tánon ne roièn꞉á Isaac; waʼthaientià꞉kon nahateká꞉tahkwe tsi enhatsaʼáhtahkwe ne ienhá꞉tate, tánon thóh nón꞉we niaʼhón꞉ne tsi nón꞉we ne Rawenni꞉io nihohró꞉ri niá꞉re.

1 Kings 22:3

Né Ahab washakorihwanónhtonhse ne rahonkwetaʼshón꞉as, “Onh nonhtséren tsi iáh othènen tethewahiéra nahonsetewaiéna ne Ramoth né Gilead nónhwe nahonshatsitewákwah ne ronhnonhtí꞉io ne Syrianʼhne? Í꞉i onhkwáhkwenk!”

2 Kings 17:13

Né Roiá꞉ner iehoteniéton ne rahonkwéʼta rarihwakaré꞉nies ó꞉ni ne rotó꞉kense nashakoronhkáten Nisraeʼró꞉nons tánon ne Judah: “Sewatsakwahríhsi tsi nisewaweienhnáksens tánon takwahwénhnarak, tsi thóh nón꞉we niwatá꞉rons ne kaianerenhserákons ne tekheiáwi ne sewasókʼtseras tánon tsi nitkwahwíʼons rahonháke nakenáhtseras ne rotiʼtó꞉kense.”

2 Chronicles 24:19

Né Roiá꞉ner iashakoteniethánion ne rotitokenhséhakwe nahonwanaronhkáten rahónha nòkwah niesónhne, ók kíʼ nonhkweʼshón꞉as iáh tehiakáweron nahionhtahónsathate.

2 Chronicles 34:1

Josiah shaté꞉kon satehahoserihiákon sahononhtí꞉ioʼne ne Judah, tánon tsi wahatkórasʼte ne Jerusalem né꞉ne ásenh-niwásenh énska niʼiohseráhkekwe.

2 Chronicles 34:3

Né shatekonháton shiʼioserathátse nètho Josiah shiʼononhtí꞉ioʼkwe shé꞉kon kwáh kénk nithó꞉hionkwe, né tahatháshawen nahosénhnaien ne Raoní꞉ioʼkwe ne rosotkénʼen Ronnontí꞉iokwe Táwit. Kaiérih nihiosehráke onakènʼke tahatháshawen naharihwáhthonhte ne kahiatonhnisónha tsi nón꞉we nikonhwatiʼsenhnaienthákwahkwe, né tsi kahiatarónhnions ne kaní꞉ioʼkwe Asherah, tánon akwé꞉kon nó꞉ia kahiatonhnishón꞉a.

2 Chronicles 34:8

Né shatekonháton shiʼioseratháse shiʼononhtí꞉iokwe, nó꞉nenh shiʼsahonshasehrónhni ó꞉ni Nononsatokenhtiʼkówa tsi iahontsiatsʼtsi tsi nikonhwasénhnaiensʼkwe ne kahiatonhnisónha, né Ronnonhtí꞉ioʼkwe Josiah ásenh niháti ronónhkwe iashakotórih nahonsahatinonhshasherónhni ne raʼhononsatokentiʼkówa ne Roiá꞉ner Rawenni꞉io í꞉ken: Shaphan né꞉ne ronikénʼen ne Azaliah, né Maaseiah né꞉ne rakórahkwe ne Jerusalem nón꞉we, tánon ne Joah né꞉ne ronikénʼen ne Joahaz, ronhkwetowánenhʼne.

2 Chronicles 36:15

Né Roiá꞉ner, né sako Ní꞉ioʼkwe ne sakotisotʼthonkonhkénʼen, iehokonhthá꞉kwenʼne ieshakoteniéthakwe ne rotiʼtokenhséhakwe nashakonaronhkáten né raʼonhkweʼshón꞉a, tsioríh꞉wa tsi tehotonhontsóniʼne nashakonónsthate ó꞉ni Nononsatokentiʼkówa.

Psalms 81:13

Ó tsi nikaská꞉neks nakonkwetaʼshón꞉has nahionkatahónsathaʼte, nètho nʼIsraerʼró꞉nons nahionkewénhnaraʼkwe!

Exodus 8:20

Ne Roiá꞉ner wahawénhase ne Mahís, “Iostoʼréha nʼoronhkèʼne ne enhiórenhne waáhs tánon iateʼtsataátken ne Ronhnonhtí꞉io tsi nenhénre ne kaniaʼtarahke, tánon sró꞉ri éhtho Roiá꞉ner tsi ráton, ‘Sehiát꞉kaf nʼakonkweʼtashón꞉ʼa, ne káti nahónton nahionkʼsénhnaien.

Isaiah 55:2

Nontiéren tsi né sewatʼwistatieshátha tsi nahó꞉ten né iáh kanatarotèken, tánon né satatsiothénston tsi nahó꞉ten ne iáh thaʼhiakawerientí꞉io? Kwáh ioianeré꞉hak tsi takwatahónsatat, tánon ne í꞉sewak tsi nahó꞉ten ne ioiánere, tánon né sathaterientiʼiósthen ne kwáh tkatʼkwí꞉io.

Jeremiah 1:2

Ne Roiá꞉ner wahothárahse ne Jeremiah né꞉ne asénhaton siʼiosehrathásene nètho Josiah né꞉ne Amon roʼníha né ronontí꞉iokwe ne Judah nónwe,

Jeremiah 11:7

Sahthontakhehiatínekenhwe ne sakothisotʼthonkonhkénʼen ne Egypt, Kwáh tohkénʼen tsi wahkheretiaron nahionkewénhnaraʼkwe, tánon iewakʼkontákwen tsi kheretsiárons nonhkweshón꞉ʼa shé꞉kon nónhwa kénʼen wenhniseráhte.

Jeremiah 19:15

nètho ne Roiá꞉ner Roshaststenserowáhnenh, ne ne Israerʼró꞉non sahkohʼNí꞉io, ráhwenh, “Entétkhaweh ne kén nónhwe kíʼ tsi kanahtowáhnenh tánon ó꞉ni ne aktatsesónhas kanahtaʼiénton akwékon ne karewahtátshera tsi ehʼnénhtiereh tsi niwáhken, tioríhwa tsi nisehwaʼnonhtsistaníron ó꞉ni kwáh iáh tesehwahthahónsahtats tsi nikáton.”

Jeremiah 22:21

Ne Roiá꞉ner wahiathárahse ne shiʼshahianerasténni, ók iáh tesatʼthontáhton nahishaʼthahonsahtátonʼke. Kwáh éhtho nishiérahkwe tsi náhe shiʼshónʼne; kwáh iáh nonhwénton tahʼtsiatahónshaʼthaʼte ne Roiá꞉ner.

Jeremiah 25:4

Kwáh iáh thaʼhisehwathahónshathaʼte iáh ó꞉ni karíhwah thahitiónni, shé꞉kon kíʼ ó꞉ni ne Roiá꞉ner iehokonhthákwen teshaʼkotheniétha ne raonhatsherasónha ne rotitokénse.

Jeremiah 26:5

tánon né tsi wesehwaʼtennikonhráhren ne raotiʼwenhnasónhas nakenhátsheras, ne rotiʼtokénse, tsi nikáien ne tiotkonhónwe iekhehiateniéthaʼkwe ne tionháke. Iáh nonhwénhton tesehwatewenhnaráhkwen tsi nihónenh.

Jeremiah 29:19

Ne kíʼ thóh nenhothihiáthawenh tioríwah tsi iáh tehonahʼtewenhnharáhkwen naʼteriwahnhothátshera tsi nihiorihwahtó꞉ken ieʼkhehiathenieténnisʼkwe rononháke ne akonhkwethasónhas ne rothitókense. Iáh tehonatʼthontháton nahonahthaʼhonsahtáthonʼke.

Jeremiah 32:33

Wahonkatswahthénien; ethosáne iewatkonhtáhkwen kherihonniénni, iáh kíʼ tahontahónsahthaʼte ó꞉ni nahatiʼweienthéthaʼne.

Jeremiah 35:14

Ne Jonadab sakoienʼokónha ronatewenhnaráhkwen tsi nihoriwahtáton ne tó꞉sa ahatinekírah notsítsa, tánon kwáh nónhwah ne kénʼen wenhnisehrahténions kwáh iáh ónhka tekahnekírah notsítsa. Ók kíʼ iewakʼkonthákwen tsi kwahtharáhni, tánon kíʼ iáh teskwahwenhnahráhkwen.

Jeremiah 35:15

Iewakʼkhonthákwenh ieʼkhehiathó꞉res tionháke nahkhenhátsheras ne rothitó꞉kenʼse, tánon ietʼtsiró꞉ri naʼisehwahtiakwahríshi tsi niʼsehwahweienʼnáksens tánon ne sehwahióhten ne tkariwahiéri. Ietʼtsiretiarónhon ne tó꞉sa aietʼtsisénhnaien ne thiʼkaniʼioserahténions, ne ne iaʼisehwahkónthaʼkwe thóh nónhwe naʼisehwenhterónthaʼke tsi ionhwénhtsaien ne tkwáhwi ó꞉ni ne ietʼtsisotʼthonkonkénʼen. Ók kíʼ iáh teʼskwahthahonsahtáton iáh ó꞉ni karíhwah tetionníhon.

Jeremiah 36:1

Ne kaieríhaton shiʼiohseratátie nètho Jehoiakim né roʼníha ne ne Josiah rahónʼa shiʼhonontí꞉io ne Judah nónhwe, ne Roiá꞉ner wahakénhaʼse,

Jeremiah 36:2

“Hiahásko ne kahorohthaʼkwenónhni tánon thóh iásthon kwáh oriwahkwékon tsi nikonhró꞉ri tsi nòkwah ne Israel tánon ne Judah ó꞉ni rathiʼkwékonh tsi niaʼteiakahontsákes. Kwáh oriwahkwékon iásthon tsi nikonró꞉ri ne kwáh sonthontsiérenʼthe wahkonhthárahse, nónen ne Josiah shiʼhononhtí꞉io, tánon tsi nióre nònhwah.

Jeremiah 44:4

Iewatʼkhontáhkwenh ieʼkhehiateniéthaʼkwe nahkenhatsherahókons ne rotitokénʼse, ronónha ietʼtsiró꞉ri ne tó꞉sa éhtho nahisehwá꞉iereh kí꞉ken tehioriwahnónhiani ne íksons.

Jeremiah 7:13

Oriwahkwékon kí꞉ken wahsheriwahneráhatʼthe, tánon ethohʼsáne tethewahkatʼnahnéten tsi konhtharáhni, iáh tesatʼthontháton nahishatahonshatháton. Iáh thateshá꞉rihwahsehrahkwen shiá꞉konnahton.

Jeremiah 7:25

Ne tewenhnisehráhthekwe ne ietʼtsisotʼthonkonhkénʼen shontahathihiákenʼne ne Egypt tsi nióre nónhwa wenhnisehráte kwáh tiókonthe tsi iekhehiateniéthakwe nakenahtsheraókons, ne rothitó꞉kense.

Ezekiel 33:4

Tó꞉ka ónhka enhiakotʼthónteʼne ók iáh thènenh karíwah thahiakónhni tánon ne tehontátʼtsions wahónʼnhewe tánon wahonwahnonhwahrhiákon, ethòne kíʼi rahónʼha enthohtérahse tsi wahrénheʼie.

Zechariah 1:4

Tó꞉sa shaieʼtsiiénrenk ne ietsisoʼthonkonhkén꞉en. Wahón꞉nise tsi náhe ne rothitokenséhakwe teshakoná꞉wi nahkateriwahnhothátshera, shakothiró꞉riskwe ne tó꞉sa kariwáksen tsi ní꞉ioht tsi ahonónhnheke, tó꞉sa ne kariwanerahaktsherá꞉kon akénhake tsi ahonnónhnheke. Ók iáh ki tehionkathahonshá꞉tahton khés nahionkewenhnaráhkwen.

St. Mark 1:35

Nok, sekon ok tetiokaras ȣahatkestsko, tsinonȣe shatitken niiahare eh iahaterennaien.

John 8:2

Nok akȣa neok satontahentarenho sekon Ononsatokentikoȣane saraȣe akȣekon ok nonkȣeokon ȣahonȣaiatorenne; nok ȣahatien oni Sasakotati.

John 8:47

Onka Niio raonkȣeta ihken, rataonsatasts ki ne Niio raoȣenna, nok nise iah teseȣataonsatasts, neki tsi iah Niio tehaonkȣeta tehken nise.

2 Timothy 4:2

saterihwanóten naʼteriwahnotátsera, naʼsatsniénon nakarihowahnáton (tóhkaʼ kén ónen iehióhe tsi nikaháwi tóhkaʼ kén ó꞉ni iáh), iasenikonrénhaf, serehtiáron, ó꞉ni sehnikonranírat, tsi nen sanikonkátsʼteke tsi enserihónnien.