Jeremiah 24:8 - Ohiatonhseratokénti

⁸ “Ók ne ronnonhtí꞉io Zedekiah ne Judah nónhwe, tánon ne rontkorástha ne tehonwatsiatháton, tánon ne ronatsiaʼkhésons ne Jerusalem nónhwe tsi niháti ne kén nónhwe nihatiʼterónthaʼkwe tánon tsi niháti ne Egypt nónhwe thatinahkerénion—Í꞉i, ne Watiá꞉ner, kwáh rahtikwékon éhtho nenhʼkheiérahse tsi ní꞉ioht thíken wisonkówah sóhtsi hiohiátkens nahiónhiaʼke.

Jeremiah 24:8 ပူးပေါင်းရင်းမြစ်များ

1 Chronicles 3:15

Né Josiah kaiéri nihonekenteronhtsheraʼiéntaʼkwe: né꞉ne Johanan, Jehoiakim, Zedekiah, tánon ne Joahaz.

Jeremiah 13:7

Káti thóh nionsáhke, tánon nó꞉nen sonshaketsénri tsi nónhwe niwakasehthónʼne, wakatʼkátho tsi iohetkénʼen tánon iáh thènen tetsioiánere.

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 24:2

Ne tiotsierénton áthereh né ne kwáh wahí꞉ios ne wisonkówahs wahʼhihtárion, ne ne tiothihénton iohiaríhon; nó꞉ia áhthereh ne ne wahʼhihtárion ne wahʼhiáksens, sóhtsi wahhiáksen nahiónhiake,

Jeremiah 24:5

“Í꞉i, ne Watiá꞉ner, ne Israerʼró꞉nons kheʼNí꞉io, tetiató꞉ret nètho nonhkweʼshón꞉a ne Babylonia ieʼkhehiatheniéthon ne thesontiérens tsi ní꞉ioht kí꞉ken wahí꞉ios, tánon kwáh kanoronkwahtsherákon tsi enthekhehiatewehienthónhaʼse.

Jeremiah 37:10

Shé꞉kon ó꞉ni ne aietʼtsisénhni ne kahnenhrahkwéhkon ne Babyloniaró꞉nons ronterí꞉ios, ók káti nek khók iathahonshaʼhonahthaténronhke ne rohtiʼkarewáhthon, rahonahthosehráhkonh rahtiʼhiationhnítie, kwáh káti shé꞉konh tenhshaʼtítahne tánon okenhráhke enhonhnónhni tsi nenhonthenahténthaʼwe kí꞉ken kanahtowáhnenh.”

Jeremiah 37:17

Ishiʼnonhwéha ne Ronnonhtiio Zedekiah rohteriwahnieʼtonhátie niahonshaʼhiontiaténhaʼwe, tánon thóh nónhwe kahnónhskon ne kahnonhtiʼhiotsherákon kwáh onhkenonhwáhak khók íken waʼhakeriwahnónhtonseh, “Thé꞉nenh kén roʼteriwahnietonhátie ne Roiá꞉ner?” “Hén kwáh íken,” Wakʼkheriwahsehráhko, tánon hiakahthasóntheren, “Enhieshaʼtiakwahríshi rahonháke ne Ronnonhtí꞉io ne Babylonia nónhwe.”

Jeremiah 43:1

Iatkóhten kherorhiánionsʼkwe nonhkweshón꞉a kwáh oriwahkwékon tsi nihakró꞉ri ne Roiá꞉ner ronwahʼNí꞉io tsi nieʼhakahténieton nahkheró꞉ri.

Jeremiah 44:1

Ne Roiá꞉ner wahatʼthárahse ne rahotiʼrihwáhke ne Israerʼró꞉nons ne ne Egypt nónhwe nihatiʼnáhkere, ne ne tsi kanatowáhnenhs ne Migdol, Tahpanhes, ó꞉ni ne Memphis, tánon ne entieʼnhéson ne tsi kanahkerahseráhien.