Jeremiah 24:6 - Ohiatonhseratokénti

⁶ Kwáh enkheʼhiatennikonhrháren tánon thentekhehiaténhaʼwe ne kén nónhwe nihiohontsáien. Ensheʼkhekétsko tánon iáh tahonshaʼkhehiatiéskwen; ensehkhétheron tánon iáh tahthahonshaʼkehiáthaʼkwe.

Jeremiah 24:6 ပူးပေါင်းရင်းမြစ်များ

Genesis 44:21

Eʼthó꞉ne wahsheiènhahseʼ ne sahnhá꞉tsheraʼs, ‘Kén꞉ʼen nontatshiaʼténhaf akonhá꞉ke, ne ká꞉tiʼ naón꞉ton ahí꞉ken.’

2 Chronicles 16:9

Né Roiá꞉ner kwáh í꞉ken tsi ákta ranikónhrahre ne tsi ionhontsáte, teshakówis ne kashastsʼténhsera tsi niháti né kwáh toneriasaháton tsi rotirihwatóken ne rahonháke. Tehiotenonhwaroríhtonhte tsi nashá꞉tiere, tánon káti kénʼen ienwathásawen tsi kwáh kíʼ tiókonhte tsi ensaterí꞉ioke.”

Nehemiah 5:19

Taʼkweʼhiárat tánon tatiatatérist, akeʼNí꞉io, asè꞉ken akwé꞉kon ne ioiánere tsi nikhehiatiérase kí꞉ken onkweshón꞉a.

Psalms 34:15

Ne Roiá꞉ner né sahkonikonhrahráties ne tionkwetaiéris, tánon rotahónsate tsi natehonséntʼthos.

Psalms 44:2

Í꞉se kwáh sahtshanáke khók wásaste tsi waʼsehiatínekenhwe nonkweshón꞉has, ók í꞉se sheséhteron nonkweshón꞉has ne raʼononhontsáke; í꞉se waʼserihwahetkénten nonkweshónhas, í꞉se waʼsehiawí꞉hon ne ioiáneres athatahwí꞉tsheras ne shonkwetaʼshónhas;

Isaiah 14:1

Ók né Roiá꞉ner kwáh tenhoró꞉ton ne Jacob tánon shé꞉kon kí ne ensaiataráko ne Israel, tánon thóh ienseshakóteron ne rahononhontsáke; tánon ne thiʼhononhontsátes enhonwanatsátaraʼse tánon thóh enhotiʼiatanénhtake tsi rononshó꞉te ne Jacob.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Jeremiah 1:10

Nónhwa wenhnisehráhte tahkónhion ne kashaststénsera tsi nòhkwa nonhkweshón꞉ʼa ó꞉ni tsi kanahkerahsehrahkérons ne tahsatʼthokwahte ó꞉ni nahonthasahsenhte, nasehrihwahthonte tánon sahsehshastsʼtensehrahkénni, nahsónni tánon nahshiéntʼtho.”

Jeremiah 12:15

Ók nónenh ahéren enkhehiatenhawíton, kwáh ensekʼkhétenre; Kwáh tentekhehiaténhaʼwe ne skentiokwátʼtion ensekʼkhéteron ne rahononhontsáke ó꞉ni ne raothinakerahserákon.

Jeremiah 16:15

Khèkok, akonháke enhatiʼriwahníraʼte tsi ne ne konnhehónwe Ní꞉io tsi tethekhehiaténha ne Israerʼró꞉nons né othorekésons nónhwe tionhontsaiénton ó꞉ni ne aktésons nónhwe tkanakerahserahkérons tsi nonhwéson hiatekhehiareniá꞉ton. Kwáh tentekhehiaténhaʼwe tsi nónhwe ne kwáh ronónha raotinahkeráhsera, tsi nónhwe nihionhontsáien ne shaʼkothitsotʼthonkonkénʼen kehionhontsáwi. Í꞉i ne Watiá꞉ner, wahkatáti.”

Jeremiah 21:10

Iáh tewahkeriwahiéntahse ne tó꞉sa akenónhsthaʼte kíʼ kénʼen kanatowáhnenh, ók ne nakáthonte. Ók ne ne Babylonia rononhtí꞉io tentʼthónnion, tánon okenráhke enrónni tsi enhatenaténtahwe. Í꞉i, ne Watiá꞉ner, wakatáti.”

Jeremiah 23:3

Ensheʼkhehiataróhroʼke nakonhkwetaʼshón꞉a tsi nonhwésons niʼkanakerahsehrakérons iaʼtekhehiareʼniáton, tánon tenthekheʼhiaténhaʼwe tsi nónhwe nihonahnakeráhton. Wéso enhotiwirahiénthaʼne ó꞉ni enhonatiokowáhna.

Jeremiah 29:10

“Ne Roiá꞉ner ráton, ‘Ne nónenh ne Babylonia ne tsáta niwáhsen niʼioserahke enwahtók꞉ten, Enkénesthe nakeriswahshón꞉a ne tionháke tánon enkenónhsthaʼte nakwahrahrátʼtshera ne tahonthakwahiaténhaʼwe ne tsi sehwehtherónton.

Jeremiah 31:28

Tánon kwáh tsi ní꞉ioht tsi wahtsioténʼen tsi tekhehiatákwen, tánon tekhehiaténton, naʼkheshastsʼtenseráhkwen, nakhehiáthonte, tánon nakhetsiokwahrísi, káti enwahtsióten nahonshakhéteron ó꞉ni ne thahonsakʼkhétasʼthe.

Jeremiah 31:4

Shé꞉kon énska iesehwáhteratsʼthe nahonshakwahriwahsehrónnien. Shé꞉kon énska iesehwáhteratsʼte tentsisehwáhkwe ne ienahkwahétʼtha tánon kwáh athonnahrahkwahʼtsherákon tsi tenʼtsisehwahniónniaʼkwe.

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 32:41

Kwáh akatʼtsennionniatseráhkon tsi nenhkhehiatsiérahse ne iohiáneres, tánon kwáh iehiokonhtákwen tsi enkhétheron ne kén nónhwe nihionhóntsaien.

Jeremiah 33:7

Kwáh enkhehiónnenh ne Judah ó꞉ni ne Israerʼró꞉nons nahothihianerásten, tánon kwáh ensehkhekwahthákwahse tsi nitsiotónʼne.

Jeremiah 33:9

Tánon kí꞉ken kanatowáhnenh Jerusalem nakonháke né enkonhwahiátʼtseke atonnharáhtshera, kahnonhwehrahtóntshera ó꞉ni ne kahiatanerahkwáhtshera rahotihénton rahtikwékon nonhkweshón꞉a ne tsi ionwenhtsiáte kwáh rohnónha enhónronʼke akwékon ne ioiáneres tsi nikheʼhiatiérahse; káti kwáh enhonhateroniénten ó꞉ni enhotiʼhiatísonkwe tsioríwah akwékon tsi nihiohiáneres ó꞉ni akwékon ne kahkwahséhtseras tekhehiatʼkahwénhni.”

Jeremiah 39:12

“Wáhs tánon tsiatishákʼka ne Jeremiah tánon kwáh ioianeréhak tsi thaʼtsiatewehienthónhas. Tó꞉sa thènenh skarèhwat, ók thóh náhtiere tsi nahthehothonwenhtsóni.”

Jeremiah 42:10

‘Tó꞉ka ehnishaʼnikonhróh꞉ten nahsehnáhkerehke kíʼ kénʼen ionhwénhtsaien, ethóhʼne kíʼ enskonhkétsko tánon iáh thaʼtahonthakonhiátenʼte; enskónhteron tánon iáh thaʼtahonshaʼkonhiátahkwe. Ne kahkahronhniátshera ne tkonhawiténhni kwáh íken tsi kowáhnen onhkenikonhráksahte.

Ezekiel 36:24

Kwáh enskonhiatarohró꞉ke tsi nónhwe ne niatehiakahontsakes nihienákeres ó꞉ni ne kanakerásehras tánon tentʼkonhiaténhawe ne shonhontsáke nónhwe nenhsehshiterónhtahke.

Amos 9:14

Kwáh ensekhekwahtákwase ne raonateraswiióhseras nakonkweʼtashón꞉as Israerʼró꞉nons, tánon enshontenatonhniánions ne iorihwenhtáhserons kanatowá꞉nens tánon thóh nón꞉we nenhatinákereʼke; enhontʼthetonhniánion nonhnénharas tánon ne enhontnekonhniátakwe tsi enhatinekí꞉ra, tánon enhonʼthetonhniánions tánon ne enhón꞉neke ne kahikshón꞉a.

Deuteronomy 11:12

Ne Roiá꞉ner sewaNí꞉io tehásnie ki ionhontsá꞉ien tánon rahnikónhrare tsi nihióseres.

1 Tiér 3:12

Asèken ne Roiá꞉ner sakonikónrare ne iakoiáneren tánon ratahónsatats ne rahonaterénnaiens; nók akteʼnokwáti tentáthane nónka nehne iakohióte ne kariwáksen.”