Jeremiah 23:6 - Ohiatonhseratokénti

⁶ Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 23:6 ပူးပေါင်းရင်းမြစ်များ

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

Psalms 45:5

Né saiénkwires kwáh í꞉ken tsi iohiotí꞉ies tehiakawerhiasawehéstha ne iesáhshons; nonkweshón꞉has tsi tesahshitakéron etʼrotiʼhiatsenénhen.

Exodus 9:26

Nahontonhontsàke ne Goshen, tsi nónhwe ne lsraeró꞉nons nihatinahkeréhnion, kwáh èhtho khók nónhwe iáh tehiowisónhtsion.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 32:1

Satkátho, ne ronnontí꞉io kwáh né enhatenonhtí꞉ioste ne karihwaʼkwahrihshióntshera; tánon ne ratiʼkoráshons kwáh ne enhontkóraste ne tkarihwaiérih.

Isaiah 32:18

Nakonkwetaʼshón꞉has ne enhiakotsenawástonke ne skénnonk tsi aienákereke, né꞉ne kwáh ioriwí꞉io tsi aieterón꞉take, tánon tsi nón꞉we ne sák thí꞉ken iothorihsenhtákwah iokwénhrare í꞉ken.

Isaiah 33:22

Asèken né꞉ne Roiá꞉ner nonkwá꞉wenk rarihwéntʼtha í꞉ken, né꞉ne Roiá꞉ner nonkwahkóra í꞉ken, né꞉ne Roiá꞉ner nón꞉kwah nontí꞉io ní꞉ken; kwáh rahónha enshonkwahiatanónsthaʼte.

Isaiah 33:5

Né Roiá꞉ner ronwasenhnaʼkaratáton, éhʼneken nón꞉we nihanákere; né wahaná꞉nontʼte ne Zion né tkarihwaiéri tánon karihwaʼkwarihshiónhtshera;

Isaiah 35:9

Iáh ne kénreks thóh nón꞉we takontináhkerehke, iáh ne ionatekwahtétsien kontírios thóh niakónhne; kwáh iáh thakonwatiʼiatatʼtsénhri né nón꞉we, ók né꞉ne tiontaneniakénton thóh thenhontekhahákwahke.

Isaiah 42:6

í꞉i ne Watiá꞉ner í꞉ken, kariwaʼkwahrishiontserákon tsi iekonhnáton, Iekonhiaténha tsi wakonhiaʼtsána tánon wakoniatiénawasʼte; Shonhàke nón꞉we nenhkónhni naterihwasehronniátshera né nonkwetaʼkwékon akorihwàke, né꞉ne akoswaʼthétshera nonkweʼshónhas,

Isaiah 45:17

Ók né Israel Roiá꞉ner né shaʼnónstaton né꞉ne tsi nénhwe enkénhake ne kaniakénsera; kwáh iáh taiesatéhaʼte khés ne taiesanitonʼniáthen né tse wakwé꞉kon tsi enkatátseʼke.

Isaiah 54:17

Iáh thaʼhóthen ne ionteriʼiostákwah ne kasahá꞉nion nahonteshatsiatónhti nahionhianerásthen, tánon kwáh sakʼthensehiónhni ne niaʼtewenhnásake ne tahontahatítaʼne naʼiesahnontánaʼke ne kariwenhthatsherákon. Né kí꞉ken ne raoʼnawenhkónwe ne raonhaʼtserashón꞉has ne Roiá꞉ner tánon né꞉ne raoʼnatesenhniétshera tsi nitsawénon nakonháke, rá꞉ton ne Roiá꞉ner.

Isaiah 7:14

Né ká꞉ti aoríhwa ne Roiá꞉ner rahonhatsíwa éntʼhion natenienhténtsera. Satkátho, ne kawí꞉non í꞉ken iowiraientásereh tánon enhionekenteronhtsheraiéntaʼne, tánon Immanuel enhonátonhkwe.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Jeremiah 29:11

Asèken oriwiʼiohónwe wahkateriénthaʼre tsi nikwahriwahsehronniénni norihwahsónhas, rá꞉ton ne Roiá꞉ner, ne noriwasónhas nahisehwahianerásten tánon iáh ne tèh ken ne kakaronniátshera, ne nahontakwáion tsi niaʼhawenonhátse ne ne kahrahrhátshera.

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Jeremiah 31:23

Ne Roiá꞉ner Roshastsʼtenserowáhnen, ne Sakoní꞉io ne Israerʼró꞉nons, ráton, “Nónen nonkweshón꞉a ieʼsheʼkhéteron ne raoʼnonhontsiátes, shé꞉kon ieʼsehwáhteratsʼte enshonní꞉ron ne Judah ahothonwenhtsiáke ó꞉ni nahonahthakónsons, ‘Aiáwens ne Roiá꞉ner ahaiathaʼtérisʼte ne Ononhtatokénti ne Jerusalem, ne iotokénti tsi nónhwe nihonónhsohthe.’

Jeremiah 32:37

Kwáh ensehkhehiatharó꞉rohke nonhkweshón꞉a ne tsík nonhwéhsons nónhwe iaʼtekhehiarehniáton ne naʼkenahkwahtsherákon ó꞉ni tsi niʼwahkatenahkwawenhráhti, kwáh kénʼen nónhwe niʼwahtenátaien naʼtenthekhehiaténhaʼwe tánon enkheríhon ne skénnenhk tsi ahatíteronthaʼke.

Jeremiah 33:15

Nén nenhkaháwiʼke enhihiatharáhko ne ronnonhtí꞉io ne rohiánereh ne ne Táwit nónhwe nithotʼwahtsiríhnonh. Nètho ronnonhtí꞉io ne enhohióten ne tkarihwahiéri ó꞉ni ne kaiáneren ne tsi ionwenhtsiáte.

Jeremiah 33:16

Nonhkweshón꞉a ne Judah nónhwe ó꞉ni ne Jerusalem kwáh enshatiʼniákenʼne tánon kwáh skénnenh tsi enshathináhkerehke. Ne kanahthowáhnenh ne enkonhwahnahtónkwahke ne ‘Roiá꞉ner Onkwahiathaʼkeʼnhátshera.’

Ezekiel 21:27

Ioriwaiesáhon, ioriwaiesáhon! Hén, ne Enkónhniate ne kanatowáhnen nakariwaié꞉sa. Ók iáh kíʼ kí꞉ken éhtho taiáwenhne tsi nióre énrahwe tsi nikáien rihiataráhkwen naharéwahthe ne kanatowáhnenh. Tsi kwáh rahónʼa entʼthíhion.

Ezekiel 28:26

Kwáh eh nónhwe kwáh skénhnonk enhatináhkerehke. Enhontenonhsonhniánion tánon onenharesónha enhathiʼiénhto. Kwáh ratikwékon ne tehonthonhontsanekʼkhánions enkheréwahte né꞉ne kakenronhniatsherákon tsi ronhwahnateweienhnatʼsaténhni, tánon ne Israel enkatokénston. Ethòne enhonahteriéntarahne tsi Í꞉i ne Watiá꞉ner raotiNí꞉io.”

Ezekiel 38:14

Káti ne Ronhnontí꞉io Roiá꞉ner iahakaténiete nahiró꞉ri ne Gog tsi nahó꞉ten rohrorhiánions: “Nónhwa tsi náhe nakonhkwetaʼshón꞉ʼa Israerʼró꞉nons kanonhsthatsherákon rathináhkere, kwáh thóh niénse;

Ezekiel 48:35

Ne tkakwékton tsi nihiónsons nashontasónhas ne kaiéri níkon ne skatísons ne kanatowánen 30,000 niwashì꞉take. Nahosénhna ne kanatowánen ne kénhen ienwatásahwen “Ne Roiá꞉ner Kénʼen Ires!”

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Daniel 9:7

Í꞉se Saiá꞉ner ne kaiá꞉neren, ók nonkwatiaʼkéshon tió꞉konte ne ionkwaró꞉ron ne iáh teiotkwéniens. Ne ki ne kwáh eʼtho ní꞉ioht tsi niiátion ne Judah tánon ne Jerusalem nón꞉we niiakwanákere tánon ratikwé꞉kon ne Israerʼró꞉nons tsi niká꞉ien ne aktéshon nón꞉we tionhontsaké꞉rons iaʼtehsheiareniá꞉ton, aktatiéʼshón꞉ʼa ó꞉ni ahinónhshons niió꞉re, ne tsi iáh tehotirihwatokén꞉ne ne sonhá꞉ke.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Hosea 1:7

Nok ki enwatsientake ne kenténhron rononhà꞉ke nonkweshón꞉as ne Judah, tánon kwáh í꞉i ne Watiá꞉ner raotiní꞉io tsi enkenónstate; ók iáh ne thakáts꞉te nahénna, khés nasareʼkó꞉wa, khés nateriiósera, khés ne kosathénsa, khés ne rotishá꞉tens.”

Hosea 2:18

Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Obadiah 1:17

Ók tsi ionontáhere ne Zion ótiaʼkeʼs enhieʼniá꞉kenʼne, tánon kwáh enionatatokénhtiʼke. Tsi tahawatsiratátie ne Jacob tsi kwáh enhonawenkhón꞉weke nohóntsa.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zechariah 10:6

“Kwáh enkheshatsténhseron nonhkweshón꞉ʼa ne Judah nón꞉we; Kwáh ensehkheniá꞉kente ne Israerʼró꞉nons. Kwáh tenkhehiaró꞉ton tánon rahthikwé꞉kon thentekhehiaʼténhawe tsi nón꞉we nihothinonhsóhton. Kwáh thonenhʼhiotónhake tsi shí꞉ken ní꞉ioht ne iáh nonhwén꞉ton takhekenronhní꞉onhke. Í꞉i ne Watiá꞉ner ne Raotiní꞉io; kwáh tekheriwahserá꞉kwaʼse ne raonahterén꞉naient.

Zechariah 3:10

Nó꞉nen enwáhwe né꞉tho enhní꞉sera, kwáh tsi sewahiatáttion enhiettsihónkaron ne tesehwanonhshanéken nahontahón꞉ne tánon nahontónnharen ne skén꞉non ó꞉ni ne ioriwahní꞉ron, ne tehiowá꞉nenh ne onénhare ó꞉ni ne wisonkó꞉wahs karontaʼshón꞉as.”

Romans 3:22

Ne Rawenni꞉io neh sesakotakwarisháta neh tsi tonwethákwen ne Ié꞉sos Kerístos. Rawenni꞉io thoʼnihaiérha tsi niʼiákon tonwethákwen ne Kerístos, asèken iáh noʼiáh tehioháhaien onʼnakaiéren nonkwesónhas nahonsahotiʼianerásten tsi natehónthere ne Rawenni꞉io.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

2 Corinthians 5:21

Kerístos iáh nowén꞉ton tehorihwanéren! Nok ne Rawenni꞉io eh nontahó꞉tate tsi shí꞉ken ní꞉ioht ne ahorihwanéren, eh naontá꞉we ne Kerístos ahshonkwariʼwawá꞉se ne Rawenni꞉io ahshonkwaié꞉na.

Philippians 3:9

ó꞉ni nahonkateriéntarake tsiʼiakenikwékon. Kwá iáh tahónton nakathatónʼnien ne Rawenni꞉io nahatiéna ne neh áksere ne Mahís rahohianerénsera. Kwá nek khók aʼoríwa ne Rawenni꞉io wahatiéna ne tsi thiʼiethákwen ne Kerístos.