Jeremiah 23:5 - Ohiatonhseratokénti

⁵ Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 23:5 ပူးပေါင်းရင်းမြစ်များ

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

Psalms 45:4

Thóh sashaststenhserákon sahonwíser notiónkwa ne tsi sahtesénhnion asèken karihwakwarihshión꞉tshera aorihónniat tánon nahontásehne ne tkariwaiériʼ sahthóntak ne sehseweientethákwen nahisanatón꞉hase ne iorihwanerakwaténions kahioténhseras.

Psalms 80:15

né watenenharíhsehres né kwáh í꞉se sehseweienhteʼthákwen saiéntʼton.

Psalms 99:4

Roshaststenhserowaʼnenhkówa Ronnontí꞉iokowa, ranorónhkwa nahó꞉ten ne tkarihwaʼiéri í꞉ken, í꞉se thisá꞉ha ne karihwakwaʼrihshióntshera í꞉ken; thóh nisaiéren tsi nahóten ne tkarihwaʼiéri í꞉ken wáʼshenh ne karihwakwarihshiónhtshera Nisraeró꞉nonke nón꞉we

Isaiah 33:5

Né Roiá꞉ner ronwasenhnaʼkaratáton, éhʼneken nón꞉we nihanákere; né wahaná꞉nontʼte ne Zion né tkarihwaiéri tánon karihwaʼkwarihshiónhtshera;

Isaiah 4:2

Né éʼtho enwenhniseráteke ne raonhá꞉te ne Roiá꞉ner kwáh kí í꞉ken tsi enwatehiáron tánon enkowanénhake ó꞉ni enwatʼkatotseriʼióhake tánon enhiorihwanerakwáhtonhke, tánon tsi nahoténsons ne kaienthóseras watonhniátha nonhontsáke kwáh kí ne enhontenáieste tánon ne raotiʼiatanerakwátshera enkénhake niaʼtehonathaténron NʼIsraerʼronónke.

Isaiah 42:6

í꞉i ne Watiá꞉ner í꞉ken, kariwaʼkwahrishiontserákon tsi iekonhnáton, Iekonhiaténha tsi wakonhiaʼtsána tánon wakoniatiénawasʼte; Shonhàke nón꞉we nenhkónhni naterihwasehronniátshera né nonkwetaʼkwékon akorihwàke, né꞉ne akoswaʼthétshera nonkweʼshónhas,

Isaiah 45:24

Kwáh rahonháke khók ne Roiá꞉ner, nón꞉we nenhionkʼthá꞉rakwe, né꞉ne karihwaʼkwahrishióntshera tánon kashatsténhsersa; tshiehatiʼkwé꞉kon ne ronhwaná꞉kwase kwáh rahonhàke nentʼthón꞉ne tánon enhonwanatéhate.

Isaiah 52:13

Sewatʼkátho, nakenhá꞉tshera kwáh kí enhohʼianerásthen; kwáh enhonwasenhnakaráthaʼte tánon enhonwahiatakaʼráhtaʼte, tánon kwáh í꞉ken tsi èhʼneken enkénhake.

Isaiah 53:10

Kwáh kí ó꞉ni thóh nithoʼnikonhrihʼióhon ne Roiá꞉ner ne tahonensʼtsiá꞉ke tsi aharonhiáken. Né nó꞉nenh né enshón꞉niate ne tsi rónhnhe ne iàstate ne karihwáhneren aorihwáke, kwáh kí enshaʼkóken ne sakohiohʼokónhas, tánon kwáh kí enronnhé꞉sonhke; rahonháke kí thóh nenhthoʼnikonrihʼióhon ne Roiá꞉ner tsi enhoianerásthen.

Isaiah 53:2

Asèken wahatehiáron ne raohénton kwáh tsi ní꞉ioht ne kénk nitiohiónha kaientʼthó꞉tshera, tánon kwáh né꞉ne otèra watiótkaʼwe ne tsi iahonwenhtsiaʼthénke; iáh othènon tewatʼkatotserí꞉io khés naʼioraséhake tsi nihatʼkatotseró꞉then naʼtsitewatká꞉tho, iáh thaʼhóthen tsi nihatʼkatotseró꞉then né꞉ne atsiʼtewaská꞉neke.

Isaiah 9:5

Asèken akwé꞉kon ne raonhatashón꞉áhs ne ronterathaientáʼnionre ne ronterí꞉ios tánon akwèkon ne ahtseronniátsheras kawenónhni onekwensá꞉ke kwáh kí enwatsahá꞉tonke tsi ní꞉ioht noièn꞉te thóh otsirá꞉ke.

Isaiah 9:6

Asèken raksáha ronakeráton nonkwariwàke, Roskenrakéta owiráha tionkhiʼiáwi! Ne kahshatsténsera ranenhsáke nón꞉we nikáhere; tánon ne ronhwasénhnawi Roiatanerákwah Ratsenhaieskówa, Roshatstenhserowánen Ní꞉io, né꞉ne tsi nènhwe Kanhísera enkénhake, rahónha Ronwakowánen ne skénnen í꞉ken.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Jeremiah 22:15

Sénha onhtèken ne ahishón꞉nien nahsehnonhtiʼiotsheriʼióhake tó꞉ka ne ashaʼaʼthatenonhshonniáten ne onenhtakwenthétshera, sénha ne ahiotkwenienstónhake tsi ní꞉ioht ne otsiakhésons? Ne ianíha kwáh íken tsi ionwéhsenʼne tsi ní꞉ioht tsi rónnheʼkwe. Kwáh íken tsi tkariwaiérikwe ó꞉ni ioiánerekwe, tánon kwáh íken tsi wahohianerásthen ne kwáh tsík nahó꞉ten kén niaʼháiere.

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 22:30

“Kí꞉ken rónkwe ronwahrewáhton nahóthonseh ne shaʼkohiohokónha, ne ne rónkwe ne kwáh iáh nonhwénhton tahohianerásten. Kwáh iáh thaʼhawahtsirahiénthaʼke ónhka enhiontkórasʼte ne Judah ne ne Táwit tahonshaʼhonatʼthákwen. Í꞉i, ne Watiá꞉ner, wakatáti.”

Jeremiah 23:6

Ne nónen enhonontí꞉ioʼke, nonhkweshón꞉a ne Judah kwáh enshontatewenhní꞉ioʼke, tánon nonhkweshón꞉a ne Israerʼró꞉nons skénnon tsi enshonnónhnheke. Ne enhonwanahtónkwahke ‘Ne Roiá꞉ner nonhkwahiathaʼkenhátshera.’

Jeremiah 29:11

Asèken oriwiʼiohónwe wahkateriénthaʼre tsi nikwahriwahsehronniénni norihwahsónhas, rá꞉ton ne Roiá꞉ner, ne noriwasónhas nahisehwahianerásten tánon iáh ne tèh ken ne kakaronniátshera, ne nahontakwáion tsi niaʼhawenonhátse ne ne kahrahrhátshera.

Jeremiah 30:3

asèken táhwe ne kawistháheks nónen ensehkheriwahsehrónnien nakonkwetaʼshón꞉a, ne Israerʼró꞉nons tánon ne Judahró꞉nons. Kwáh iensehkhéteron ne tsi tiohontsáien ne shaʼkotisotʼthonkonkénʼen khehionhontsáwi, tánon shé꞉kon enshontiénahwasʼthe. Í꞉i, ne Watiá꞉ner, wakatáti.”

Jeremiah 30:9

Khèʼkók, ʼÍ꞉i enhiontiótenʼse, ne Roiá꞉ner raotiʼNí꞉io, tánon éhthoh nonhniʼthawénonh ne Táwit rahwahtsírahke, tsi nikáien enhinonhtí꞉iosʼte.

Jeremiah 31:27

“Í꞉i, ne Watiá꞉ner, káton táhwe tsi nikawistáheks nónenh ne tsi ionwenhtsiáien ne Israel ó꞉ni ne Judah ne enkhenanónhtsʼthaʼkwe nonhkweshón꞉a ó꞉ni ne katshénenhs.

Ezekiel 21:27

Ioriwaiesáhon, ioriwaiesáhon! Hén, ne Enkónhniate ne kanatowáhnen nakariwaié꞉sa. Ók iáh kíʼ kí꞉ken éhtho taiáwenhne tsi nióre énrahwe tsi nikáien rihiataráhkwen naharéwahthe ne kanatowáhnenh. Tsi kwáh rahónʼa entʼthíhion.

Ezekiel 34:16

“Kwáh enkhehiathisháke tsi nikónhti ne ionahtsiathatónhon, tenhthekhehiaténhawe tsi nikáien ne kenktiehioné꞉nonh, enkhekenthó꞉ren ne iotikarewáhthon, tánon ensheʼkhétsenthe ne iotinonhwákʼtani; ók tsi nikónhti ne ionarésenhs ó꞉ni konhtishástsʼtes kwáh nènhʼne enkhehiáthonthe, tioríhwa Í꞉i ne ranónhne thóh nihahiéra ne tkariwahiéri.

Ezekiel 34:29

Entekhéhion ne kwáh tsiohontsí꞉ios tánon ientsiástsi ne athonkarhiákon ne tsi ionhwenhtsáte. Ne aktésons tkanakerahserahkérons iáh ónenh tahonsahonwatiʼkenrensehrónhni.

Ezekiel 45:8

Kí꞉ken iokwénhrare raónha raówenk enkénhake ne rotkoráston tsi ionhontsáien ne Israerró꞉nonhke, ne káti ne tó꞉sa ónenh ahonshasakoronhiákente nonhkweshón꞉ʼa, ók enshakoríhon tsi kanakerahseráien né ahonawenhkhónweke ne rathitáraien ne Israerró꞉nonhke.

Daniel 9:24

“Tsá꞉ta niiorì꞉wake ne tsá꞉ta niwáhsen niiohserá꞉ke nikarí꞉wes ne Rawenni꞉io roteʼnienténhston ensehshakohnerénhsi ne sonkweʼtaʼshón꞉ʼa tánon ne sanatatokénhti tsi nihotirihwané꞉ren tánon tsi nihonnonkweʼtahétken. Enskaʼnikonrhén꞉en ne karihwané꞉ren tánon enskakwatákwen ne karihwakwarihshóntshera tsi nén꞉we, eʼtho naontá꞉we ne atetshénhsera tánon ne iekarí꞉waken né naiá꞉wenʼne, ó꞉ni ne ononhsatokenhtiʼkó꞉wa enskarihwatokénhston.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Amos 9:11

Ne thóh entewenhniserá꞉teke kwáh kí ensetkétsko ne tsi rotaskwahkárenhre ne Táwit ne iorieniénhen, tánon ensetkwahtáko tsi natehiorí꞉hon, tánon ensetkétsko ne iorihwenhtáhserons, tánon enskenonsónhni kwáh tsi nitsotónhne ne wahón꞉nise tkénhne;

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Zechariah 3:8

Shatahónshatat káti Joshua, i꞉se ne tsihenstowá꞉nen: ki shatahónshatat, i꞉se tánon ne sewahtenroshón꞉a ne kén꞉en skátke sehwenhtskó꞉ton, i꞉se ne tiónkwe ioiánere ne thé꞉nen iahisehwariwáhken: Enhihiathotáhsi nakhenhátshera, né꞉ne Onénhra ronwáhiats!

Zechariah 9:9

Sewatonhnhá꞉ren, sewatonhnhá꞉ren, tiónkwe ne Zion! Tesehwahén꞉ret naʼtsenhnonhniá꞉tshera ne Jerusalem nón꞉we! Iasehwatʼkáto, ne tsi Sewahnonhtí꞉io tiohá꞉ke nonhtahawenonhátie! Tsi táhre tekahrensáhron tánon rotʼkwenionhátie, ók eʼtà꞉ke rotahtón꞉ni tánon tewahòn꞉tes rohshaténtie— nitsioʼnaskwahiónha, né꞉ne tewahòn꞉tes akohiénʼa.

Matthew 2:2

Rontonne: kahnonȣe nihonakeraton ne Sitaeronon Ronȣanontiio ȣatonsere? Tionkȣatkathon ne rahotsistok tsi tkarakȣinekens; nese ȣaonni taiakȣe nasakȣaȣenniioste.

John 1:45

Nok ne Philip Nathanael ionsahokon nok ȣahenron: Onen nii sakȣaken neh rotonhon tsi roiaton ne Moïs, oni ne Rotitokensehakȣe ronȣatroriaton: nehne Iesos Nazaretronon Sose Roienha,

John 1:49

Nathanael tontahoȣennaȣeron, nok ȣahenron: Saianer! ise ne Niio Iaienha, ise iesanontiio nʼIsraerhaka.

1 Corinthians 1:30

Nók Rawenni꞉io tahiaiaténhawe ne taitiateriwahshónteren ne Kerístos Ié꞉sos, tánon Rawenni꞉io wahahónnien ne Kerístos rahónha nonkwahnikonrowahnhátshera akénhake. Rahónha shaʼshonkwarihwahserónnien tsi natetewáhtere ne Rawenni꞉io; Rawenni꞉io rahonkwetatókenti weteʼwáhton ó꞉ni setewahtatewenhní꞉ioʼne.

Hebrews 8:8

Nók ne Rawenni꞉io shakorihwatʼtsénriase ne rahonkwetaʼsónhas nónen enhénron, “Táh꞉we nenníseras, ráhton ne Roiá꞉ner, nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.