Jeremiah 23:4 - Ohiatonhseratokénti

⁴ Enkheʼhiatarahkwenʼháton ne ratikóras nashaʼkonatennikonhráren. Naʼkonkwetashón꞉a iáh ónenh tahonshaʼhotiterónsehke iáh ó꞉ni tahontahonátonnhe, tánon iáh shé꞉kon tahonsatkheréwahʼte. Tánon iáh ne shahiáta tahotiathaʼtónhake. Í꞉i, ne Watiá꞉ner, wakatáti.”

Jeremiah 23:4 ပူးပေါင်းရင်းမြစ်များ

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Jeremiah 31:10

Ne Roiá꞉ner ráton, “Tionhontsiakeró꞉nonhs, tahkwathahónsatat tánon sehwahteriwahnóton naʼkewenhnahókon nahínonʼnióre tionhontsaʼkérons. Tekhehiarehniá꞉ton naʼkonkwetahshón꞉a, ók kíʼ ensheʼkhehiatarórohke tánon enkheʼhiatennekónrahre tsi ní꞉ioht ne teiotinahkarontónʼa shakó꞉nonhne tsi shaʼkonikónhrahre ne rahotshenenhókon.

Jeremiah 33:26

Tánon kwáh tsi nihioriwí꞉io tsi kíʼ ehʼniwahtiéren, káti kwáh iáh nonhwénhton tsiaʼkhehiatewénhtheʼte tsi nienhatwahtsiríʼne ne Jacob ó꞉ni ne akhenhátshera Táwit raowáhtsireh. Kwáh sahiáta enhihiatharáhko ne Táwit raowáhtsireh nahshaʼkotkórasʼthe ne Abraham raowáhtsireh, ó꞉ni ne Isaac, tánon ne Jacob. Kwáh enkheténrahke naʼkonhkwetaʼshón꞉a tánon enkhehiónnien ne shé꞉kon ahonsahotiʼhianerásten.”

Ezekiel 36:11

Kwáh enkhehiónhnien nonhkweshón꞉as ó꞉ni ne konhthitshénenhs nahionatiokowáhna. Sénha í꞉se ensewenhtiokowahkénhke tsi nitiothónhne, tánon wéso ensewahwirahiéntahne. Kwáh enkwahríhon thóh nónhwe nahisewahnáhkereke tsi nisewahrenhnáhonhne, tánon kwáh sénha enhkwahkwasétsten tsi nitiotónhne. Ethòne ensewahteriéntarahne tsi Í꞉i ne Watiá꞉ner.

Leviticus 26:9

Kwáh enkwahiatatérisʼte tánon wéso enkwaksatawíhon; kwáh enkatiénawasʼte naterihwaseronhniátshera ne wát꞉son tsi natetewátere.

Micah 4:4

Ók ratikwé꞉kon aonenhró꞉kon enhóntien tsi watenenharí꞉seres tánon ne tionnionwarontonhakó꞉wa, tánon iáh ónhka tahonwatiʼterón꞉kwen; asè꞉ken né꞉ne Roiá꞉ner Sakoronhiakeró꞉nons kí꞉ken rothatí꞉hon.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Numbers 31:49

tánon hiahonwaróri, “Shénshion, wahakhiʼhiásehte ne ratisóh꞉tar tsi í꞉i tsiakiniarotáronhne tánon iáh ne saiáta tetiothonʼkwétokʼte.

John 17:12

Tsinikariȣes iakȣakȣekonhatieskȣe nonkȣene, sasennakon kheiatanonstatonhatieskȣe; kheiatanonstaton ne takonkȣetaȣi; iah oni nenskat tehaȣenheion, neok ne kaiatatonsera roienha neh naontaȣe akaierine tsinikaiaton.

John 18:9

Neh ȣaonni eh nahaȣenne nakaierine tsini haȣen; iah enskatha teȣakatonkȣetatonni tsinikon takonkȣetaȣi.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.