Jeremiah 23:32 - Ohiatonhseratokénti

³² Sahtahónshatat tsi nahó꞉ten ne Í꞉i, ne Watiá꞉ner, káton! Khehiátkonhte thíken rotitokénhse ne ronhtró꞉ris ne rahonatetʼtshénseras ne ne titkáhere noʼnhówenhs. Ronhtró꞉ris kí꞉ken atetʼtshénsehras tánon shaʼkonatʼthaharakwáhtha naʼkonhkwetaʼshón꞉a ne ne oʼnhówenhs ó꞉ni tsi tehonahthaʼterénsharon. Iáh tiekhehiateniéton iáh ó꞉ni tekhenáhon ne iahónne, tánon kwáh iáh othènen tehotí꞉ien nashaʼkotiʼiénawahse nonhkweshón꞉a. Í꞉i, ne Watiá꞉ner, wakatáti.”

Jeremiah 23:32 ပူးပေါင်းရင်းမြစ်များ

Job Tánon ne Raoronhiakensera 13:4

Ók kí ní꞉se, í꞉se tesewateriwareniá꞉tha nonhó꞉wenhs; sewakwé꞉kon iáh othé꞉non tesewarihwásthas tsi sewatétiens í꞉ken.

Isaiah 3:12

Nakonkwetashón꞉ahs ratiksaokónhas ne ronwatiwisátha, tánon konnónkwe ronwanatkoráston. Ó akonkwetaʼshónhas, ne ietʼtsihénthenhse wahitsihiónhnien wahetsiiʼathaharáhkwahte, tánon watsetsiʼianitonhniáthen tsi sewahátatse.

Isaiah 9:15

né thotí꞉ions tánon ne ratisenhnowánens né nonhnóntsi í꞉ken, tánon ne rotiʼtokènse ne ronónha sakotiʼrihonhniénhnis noʼnhówens né notáson í꞉ken;

Jeremiah 23:13

Wakatkáthon ne rotitó꞉kense rahotiʼrihwaneraháktshera ne Samaria nónhwe: Baal raosénnakon tsi ronahthatíhon tánon wahonwanatʼthaharáhkwaʼthe nakonhkwetaʼshón꞉a.

Jeremiah 23:16

Ne Roiá꞉ner Roshastsʼtenserowáhnen wahshaʼkawénhase ne Jerusalemró꞉nons, “Tó꞉sa sewatahónshatat tsi nihónton ne rotitokénhse; né thitʼthatiráhtha ne tionháke ne iáh othènen tehioríhonte kararáh꞉tshera. Né ietʼtsirhorhiátha tsi nihonahnonhthonniónhon ók iáh nenhné tsi nahó꞉ten wáhken.

Jeremiah 23:25

Wakateriéntahre thíken rotitokénhse tsi nahoténsons rónenh tsi ronahthatíhon noʼnhówenh naksénnakon ó꞉ni rónton rahonatetʼtienseráhkonhs tekhehiáwi naʼkaterihwahnhotátsheras.

Jeremiah 23:31

Kwáh khèsons thíken rotitokénhse ne ronónha raotiwenhnaʼsónhas tsi rontró꞉ris tánon rónthon Í꞉i nónhwe nitiawénon.

Jeremiah 29:31

ne iahonwahnahteriwahniéhthaʼse ratikwékon ne ronwahnahnakerahkwáton ne ne Babylonia nónwe kí꞉ken ateriwahnhotátshera tsi nòkwah ne Shemaiah: “Í꞉i, ne Watiá꞉ner, enhiréwahthe ne Shemaiah ó꞉ni ratikwékon tsi nitotwahtsirínonh. Iáh í꞉i tieʼhihiateniéthon, ók éhtho ní꞉ioht tsi wahtsisehwahthárahse tsi shí꞉ken ní꞉ioht ne rotó꞉kense, tánon wahtsiʼtsiónnien nahontesehwéthaʼkwe noʼnhówenhs. Kwáh iáh othènen tahonshaʼhowahtsirahiénthake ne skátke ahisehwahnahkérehke. Kwáh iáh thahatkátho ne iohiáneres tsi nenhkhehiatiérahse nakonhkwetashón꞉a, tioríwah tsi wahshaʼkoró꞉ri nahionkwatkónten. Í꞉i, ne Watiá꞉ner, wakatáti.”

Jeremiah 7:8

“Satʼkátho, thóh nónhwe nisehniahésen ne kanikonhráhthon owenhnasónhas.

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.

Lamentations 3:37

Tsi nihononthonniontseróten ne Roiá꞉ner tiotkonʼónwe thóh nienʼiáwen:ne. Kwáh iáh ónkha thaiekwéni neh thènen nahiéʼiere tsít ne Roiá꞉ner éhʼtho nithonikonrhóten.

Zephaniah 3:4

Nahonkweʼtashón꞉as ne rotitokénhse, kwáh iáh othé꞉nen tehonsterístha, iotonhkweʼtákterons; nahotsihénstatsis rotihetkénhtons ne iotokéntis nahoʼténhsons; tehotihiákon ne kaianerénhsera.

Zechariah 10:2

Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.

Matthew 15:14

Roneronhatie; ne ȣahi ne tehatironȣekon, teieronȣekon sakonasharine: tokat teharonȣekon enhonenstsine ne teharonȣekon, tetsiaron ienniiatenne tsi teiontiakon.

2 Corinthians 1:17

Káton ken ísewehre iáh tewá꞉tons ne iaʼtaonkerihwaién꞉taʼse oh naká꞉tiere? Káton ken ne testiatié꞉ren ne ónhka ne khók ne ión꞉ton “Hen káton Iáh” kwáh ne khók ne aontahonwatiʼnikonhraié꞉rite ne akohrén꞉shon?

Deuteronomy 18:20

Ók nónhka ne rotokéhnse ná꞉rehreke aksén꞉nakon tsi ahateriwanó꞉ten nó꞉nen iáh tehiró꞉ri ne thóh nahá꞉iere, káti ó꞉nenk tsi enrenhé꞉iate, tánon káti ó꞉ni thóh nónhne nenhoià꞉tawen nónhka ne rotokénhse ahotisén꞉nakon ne ó꞉ia nihioʼokón꞉as tsi ahatá꞉ti.’

Revelation 19:20

Tánon ne katsinonhiowá꞉nen wahonwaié꞉na, tánon skátne ne iáh tehotiriwató꞉kens rothitokénse né꞉ne ronón꞉ha roʼtiioténʼen raohénton ne wenestanion tsi ne róston tsi nishakonikonraténhni tsi niiá꞉kon rotiiená꞉on ne rahohiatónkwa ne katsinonhiowá꞉nen tánon tsi niiá꞉kon ne konwashén꞉naien ne raohiatonhnishón꞉as. Tetsá꞉ron kí꞉ken iahonwatiiatónhti tiehonhnónhe thóh tsi kaʼniá꞉tare ne ótsire né꞉tho ne iotékha ne watenatentástha.