Jeremiah 23:26 - Ohiatonhseratokénti

²⁶ Thóh nikaríhwes shé꞉kon kí꞉ken rotitokénhse nashakonatʼthaharáhkwahthe nonhkweshón꞉a ne tsi nihonatkaríson noʼnhówenh?

Jeremiah 23:26 ပူးပေါင်းရင်းမြစ်များ

Psalms 4:2

Í꞉se ne tiónkwe tóh nikaríwes nakerenhsarónh꞉tshera atehénsera ahitiónhniate? Tóh nikaríhwes ahisewanorónhkwahke ne iáh othènen tekarihwásthas, tánon né ahisewéshake nahó꞉tens nonhó꞉wenhs? Selah

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Jeremiah 13:27

Iáken ètho nishaieráhnion tsi nahoténsons ne rahriwáhshons. Iáken tsi sehnonhteratiésons ne iatehothihiánere niʼiohokónhas ne tsi ionniarónnions ó꞉ni ne tsi kahenthakérons, tsi ní꞉ioht ne rónkwe shakoskáneks ne thehianonhsahnéken ró꞉ne tó꞉ka ó꞉ni tsi ní꞉ioht ne ranaskónhni ráhsehres ne onètien. Tiónkwe ne Jerusalem, sehwarihwaieshá꞉on! Tóh nióre né kwáh tahonthetionkwetaʼhiérihke?

Jeremiah 14:14

Nonk ne Roiá꞉ner wathariwahsehráko, “Ne rothitó꞉kense akʼsénnakon tsi ronnhowenhtánions; iáh tiekehiateniéton, iáh ó꞉ni thènen tetetkhehiáwi nakhenáhonke, iáh ó꞉ni ne tiowénhna thènen tetkheró꞉ri. Tsi nihonatkháton naʼtettsensehrákon tsi nihatitharáhkwah iáh akonháke nónh tetiawéhnon; tsi nihontró꞉ris kwáh iáh othènen tekariwástha tsi nihonahʼnonhthonniónhon.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 4:14

Jerusalem, sehnóhareh ne karihwahétken ne serhiáne, ne nahionthónʼon ahonshasehniákenʼne. Tohʼnikaríwes tiotkonhónwe ne enshaʼnonhthonniónsehke ne karihwaneraháktsheras?

Hosea 8:5

Í꞉k shóns tí꞉ken owistanó꞉ron tionhnónskwahron Sahiatón꞉ni O Samaria. Tsió꞉tets nakenakwáhtshera tsi nokwáh ní꞉se. Thóh nikarì꞉wes iatahatikwé꞉ni ne thé꞉nen ahontonhníhien?

Acts 13:10

tánon wahénron, “I꞉se iaiénha nótkon! Í꞉se neh seriwásons tsi nahoténson ne ioʼianere. Kwáh tiatanánon tsi nahóten ne kariwáksens taseiéron, tánon tiókonte satheniéntha nonówen asónni ne Roiá꞉ner rahoriwakwarishióntseras!

2 Timothy 4:3

Asèken ienkáhewe nónen nónkwe iáh tahonsahionthahónsataʼthe ne oriwihioʼónwe karihonniennítsera, onk neh enhatísere ne kwáh iatehatihiáti rahonaskanéktseras ó꞉ni sénha ensakotihiataróhroke ne sakotirihonniénnis ronónha ensakotirórih tsi nahóten ne kwáh rontihontarónkwani nahonatʼthón꞉tene.

2 Tiér 1:21

Asèken iáh nonwénton ne iekariwáken nateriwanotátsera ne ónkwe ehnaiakonontonniónʼon, nók kíʼ nónkwe Ronikonriʼióston tesakoniarotarónʼne tsi nahonteriwanóten tsi nontáwe ne Niʼió꞉ne.