Jeremiah 23:20 - Ohiatonhseratokénti

²⁰ tánon iáh tahthakáthaʼne tsík akwékon éhtho nenháiere tsi nihoteʼnikonhrónni. Tsi nienwatennisehríheʼwe ne rahonkwetahshón꞉a kwáh enwehnéhake tsi enhotiʼnikonhraiéntaʼne.”

Jeremiah 23:20 ပူးပေါင်းရင်းမြစ်များ

Genesis 49:1

Eʼthó꞉ne ne Jacob iahshakó꞉nonke ne raonekenhteronʼtsheraʼshón꞉ʼa, tánon wahén꞉ron, “Teskwatià꞉taton, ne naón꞉ton akwahró꞉ri tsi nensewaià꞉tawen nenwenhniseraténionke tá꞉we.

1 Kings 8:47

sehiatahónshaʼtat ne sonhkwetaʼshón꞉as ne rahonaterénhnaient. Tó꞉ka thóh nónhwe nihiohontsáien nihónhnes tsi ensonhtatʼréwaʼthe tánon isèke ienhonterénhnaien, ratirihwanírats tsi nihotirihwáneren ó꞉ni tsi nihononhkwetákʼsenhskwe, sehiatahónshatat O Saiá꞉ner.

2 Kings 23:26

Ók kíʼ ne Roiá꞉ner ne tehiotenonianíton raʼonakwáhtshera tsi ók kéts꞉ko tsi nòkwah ne Judah né tsi nihotieránionkwe ne Ronnontí꞉iokwe Manasseh, tánon shé꞉kon kíʼ nón꞉wa nikaháwi iáh arèko tsatetsoienhtáhon.

2 Kings 23:27

Ne Roiá꞉ner wahénron, “Kwáh thóh nenhtiéraʼse ne Judah tsi kíʼ nitserá꞉se Israerʼró꞉nonke: Kwáh éh꞉ren enkheiatenháwite nonkweʼshón꞉as nakʼkénton ne Judah nón꞉we, tánon entʼkénron ne Jerusalem, né꞉ne kanatowanénhke ne wakerákwen, ó꞉ni noʼnonsatokentiʼkó꞉wa, né꞉ne thóh nón꞉we niwaʼtenátaien ne wá꞉ken thóh nón꞉we nenhiontsenhnaiénseʼke.”

Proverbs 21:30

Nón꞉kwe nakottokháhtshera, tekaʼnikonhrathé꞉tha, tánon kakaʼenionhtsherí꞉io—iáh oʼthé꞉nen thaiesaiaʼtakéhnha tókaʼ ne Roiá꞉ner iáh tethiáhnhes.

Isaiah 14:24

Né Sakoiá꞉ner ne ronterí꞉ios ratironhiakeró꞉nons kwáh roʼrihwaniráton: Kwáh tsi niʼwahtieronhnítsʼton, kwáh kí thóh nenhiáwenhne; tánon tsi niwahkanonhtonʼniónhon, káti kwáh kí enwahtóhetste:

Isaiah 55:11

Eʼká꞉ti nónhne nenhiáwenhne nakewénhna tsi nitkaiá꞉kens né tsiʼtshaʼkáronhte; iáh akonháke thaʼtahontáwe nowenhnós꞉kon akénhake, ók kwáh kí enkarihwakanónhni tsi niwakatenikonrónhni, tánon enhioterihwaténtiaʼse tsi kí nahó꞉ten aorihwá꞉ke tsi iekateniéton.

Jeremiah 4:28

Ne tsi ionwenhtsiáte kwáh enwahtsiónʼnion; ne tsi karonhiáte kwáh entsókarahwe. Ne Roiá꞉ner wahatháti tánon iáh thatahonshahotirihwahthénien. Ónenh rothenikonhríhson tánon iáh tahonshahákthaʼte.

Jeremiah 51:12

Sewahniataʼrahkétsko ne ionterihiostáhkwah tsi nòkwah ne Babylon! Shaʼietʼtsitsiokwahiésten ne ratiʼnikónhrahre tánon teietʼtsítas nahontenhnikonhráhren. Sewahtaʼtewenienhnénhtan nahisehwahnénhrenhte,” asèken ne Roiá꞉ner kwáh enharihwahiérihte tsi nihotenikonrónhni tsi nòhkwah ne Babylon.

Ezekiel 21:10

Ne kaiothiʼiékwen né naiakononhwahrhiákon, tekastarathéton ne tahióhiake tsi ní꞉ioht ne tahonhnineʼnekaráhwe. Iáh thahónton nahionthonhnarónhnion, asèken nakonhkwetashón꞉ʼa kwáh iahothénenh karíhwa tehonhnónhni tsi níkon khetokaténhni ó꞉ni kherewáhthon.

Ezekiel 21:5

Kwáh onhkwetakwékonh enhiakotheriéntarahne tsi Í꞉i, ne Watiá꞉ner, wahkasharóhtsion nakasahrekówa tánon iáh tahonsakatewehiénthon.

Zechariah 1:6

Nakenhatsherahó꞉kons ne rothitokenséhakwe nón꞉we nitsawè꞉nonh tsi tekhehiá꞉wi ne ietsisoʼthonkonhkén꞉en tsi kheró꞉ri tánon kheronkahtén꞉ni, ók iáh othé꞉nen karì꞉wa tehononhʼni tánon wahathironhiáken tsi niahá꞉wenhne. Ethò꞉ne shahontatré꞉wahte tánon wahathiriwahní꞉rahte tsi Í꞉i, ne Watiá꞉ner Wakeshatstenhserowá꞉nen, kherewáhthon tsi natehonhaténtʼtion tánon tsi niwahkatenikonrón꞉niʼne tsi niénhtiere.’”

Deuteronomy 4:30

Nó꞉nen tensewaʼnikónhraren tánon oriwakwé꞉kon tsi nensewahiatawénhseron, ethò꞉ne ki kwáh Roiá꞉ner nokwáh ientsí꞉sewe tánon entsisewawénhnaraʼkwe.