Jeremiah 23:17 - Ohiatonhseratokénti

¹⁷ Tsi nòkwah ne onhkweshón꞉a ne iáh tehonatʼthontháton ahonaʼthahonsahtátonʼke tsi nahó꞉ten wáhken, kwáh nék khók rónton kwáh akwékon tsienhioianeréhaʼke ne rahotiʼrihwáhke. Tánon onhkwetaʼkwékon tieshaʼkotiró꞉ris né iakononhtsistahníron nètho kariwahiesáhtshera tsi iáh nonhwénhton kén tsiahiakóhiereh.”

Jeremiah 23:17 ပူးပေါင်းရင်းမြစ်များ

2 Samuel 12:10

Nón꞉wa ne kariwaientákwen ne asarehkó꞉wa kwáh iáh nonwénton éhren taká꞉hawiton ne tsi sanonshó꞉te, asèken ní꞉se wasekʼkenron, tánon iashiá꞉tenhawe ne ró꞉nekwe Uriah ne Hitró꞉non neh setstenha ahonsón꞉ton.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Isaiah 57:21

Iáh tehotí꞉ien ne skénnon, rá꞉ton nakeʼNí꞉io, ne iakorihwáneren.

Jeremiah 13:10

Ki ronnonhkwetaʼhétkens iáh tehonatʼthontáton nahionkathahonsahtátonke. Shé꞉kon éhthoh nihotinonhtsistahníron ó꞉ni ronhnonkwetaʼhétken tsi nitiothónʼne, tánon konhwathisénnaien ó꞉ni tekonhwathiriwásnieʼse ne óiah niʼiohokón꞉a. Kwáh káti, éhthoh nenhothiʼiátawen tsi ní꞉ioht kí꞉ken niwaniatarésah ne ne kwáh iáh othènen tehtioiánere.

Jeremiah 18:12

Tsi tenhatiʼriwahsehráko, ‘Iáh, nonhtiéren tsi éhthoh nahiakwáhiereh? Kwáh iakwahkwékon thóh nienhióton tsi enhionkwahnonhtsistaníronʼke ó꞉ni enhiatsionkwetakʼsénhake tsi nentsiakwanónhwehne.’”

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Jeremiah 3:17

Nónenh nètho ienkáhewe, Jerusalem ne enkonhwahnahthónkwahke ‘Né ne Roiá꞉ner raonitskwáhra,’ tánon onhkwetahkwékon thóhʼnónhwe nenhonteró꞉rohke nahiontsénnaien. Thaʼnonhʼiahónenh éhtho tahonshahatiʼiéren ne tsi nihonerhiasahnírons ó꞉ni ronnerhiasátʼsens tsi nihiakoró꞉ris ne ronnerhiáne.

Jeremiah 4:10

Ethóhʼne wahkíron, “Sahnonhtí꞉io Saiá꞉ner, kwáh tohkénʼen tsi wahsehnikonhráhten nonhkweshón꞉a ne Jerusalem! Ísenh tsi skénnenh thenkénhake, ók asahrehkówah ronahásen tsi rothiniathakáhronthe.”

Jeremiah 5:12

Ne Roiá꞉ner rahonkwetahshón꞉a wahonwathonníhaʼse tánon wahonníron, “Kwáh séh iáh thènenh taháiere. Iáh thènenh tahonthahionkwatókʼthaʼse; iáh thahitewatʼkátho nateriʼiósehra tó꞉ka ó꞉ni ne athonkarhiákon.”

Jeremiah 6:14

Thóh nihonahthatiéren tsi shíken ní꞉ioht nahkonhkwetahshón꞉a nék khók ne tehonahtenákʼkonhs. ‘Akwékon tiehiohiánere,’ rónton, nónenh nahkwékon tiewahétken.

Jeremiah 7:24

Ók iáh ki tehonahʼtewenhnaráhkwen iáh ó꞉ni thènenh karíhwa tehonnónhni. Khé꞉kenk, né thóh nahathí꞉iere tsi nahakoró꞉ri ne werhiasáksenh ó꞉ni werhiasahníron rotí꞉ien, tánon sénha wahonnonhkwethahétkenʼne tsi ní꞉ioht nahothihiánerehke.

Jeremiah 8:11

Thóh nihonahthatiéren tsi shí꞉ken ní꞉ioht nakonhkwetahshón꞉a tsi ronatʼkarewahthánions nék khók ne tehonahtenátʼkonhs. ‘Akwékon skénnenk thíken,’ tsi rónton, kwáh séh iáh skénnenk tèken.

Jeremiah 9:14

Khékok, ronahtenontsistahniʼráton tánon konwahthiʼsénnaien ne kahiatonnishón꞉a ne Baal ne tsi nihonwatirihonniénni ne sahkothisotthokonkénʼen.

Lamentations 2:14

Ne sonkwetaʼsónhas ne iehathiriwákens kwáh nek khók iesaróriskwe nohnówens; Ne rahonateriwahnothátsera wehsanikonráhten neh tsi iáh teshotásion ne sariwaneraháktsera. Wesónnien nasanonthónnionwe iáh tateiotonwentióʼon nahonsasahtatréwaʼte.

Ezekiel 13:10

“Ne rotitó꞉kense shaʼkonattaharahkwáhtha nakonhkwetashón꞉ʼa tsi rónhton akwékon ioiánereh. Oriwihiohónwe noriwahkwékon tsi iáh tehioiánere! Nakonhkwetaʼsónhas tsi wahonshontónhni iáh tatehothinawasthaiésthon nonenhiasónhas, tánon ethòne ne rotitó꞉kenseh onàhken tahónhne tánon katenrahkeríthon tahathinékaroh.

Ezekiel 13:19

Wasekʼkénron rahothihénton nakonhkwetaʼshón꞉ʼa né nahontséhsenhne nahsèhna tohʼkàra niwahtshánahke tehiotikonhstónhres tánon tohʼkàra níkon kanáhtaro. Sehnonhwarhiaʼkónhkon nonhkweshón꞉ʼa ne꞉ne iáh tatehonahténhtion nahonhníheie, tánon wasehnónhstahte nonhkweshón꞉ʼa nahiakónhnheke ne꞉ne iáh tehiówenhk nahónhnheke. Káti sehnhowenhténhni nakonhkwetashón꞉ʼa, tánon taieséhthakwe.”

Ezekiel 13:22

“Tsi nishanhówenhs watesehhianikonhrhiátʼten ne tionkwetaiéris, tsi nikáien ne iáh tèkereh nakhekaréwahte. Tesehtástha ne iakonhkwetahétken nahónkʼkaʼwe ne kariwahétken tánon tsi ahathinónhsthate tsi ronónhnhes.

Amos 9:10

Ratikwé꞉kon ne rotirihwanérens nakonkweʼtashón꞉as asareʼkó꞉wa enhotirió꞉te, ónhka iónhton, “ne karihwáksen iáh kí thahionkwahsénhni khés natʼta ahontá꞉we tsi í꞉tewes.”

Micah 2:11

Tó꞉ka shí꞉ken onkát ne iakotharátses ne onowenhtós꞉kon í꞉ken, aiontón꞉heke, “Kwáh ienkerihwà꞉ke né꞉ne onenharataʼsehontsherákeri tánon ne ionekaní꞉ron,” raónha kíʼ iensakorihwákense ne rahonkweʼtashón꞉as!

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 3:5

Káti ráton ne Roiá꞉ner tsi nokwáh ne rotitokénhse ronónha waʼsakonathahará꞉kwahte nakonkweʼtashón꞉as; ne nó꞉nen thé꞉nen rotí꞉ien nahónhneke ronónha tehotihenré꞉tha ne “skén꞉nonk”; nó꞉nen ne iáh othé꞉non teotí꞉ien nahónhneke, ethò꞉ne enhonterí꞉io ne raónha.

Zephaniah 1:12

Tánon kwáh é꞉tho nenhkaháwike entiatísake ne Jerusalem iehasehrénhas énkatste, tánon kwáh enkheréwate nonhkweshón꞉as ne iontatón꞉ni ók thóh ratitskwáhere raotiriwanerathatʼtserakon, tsi nihiákon ne iónhton nakawériane, “Né Roiá꞉ner kwáh iáh thahóthen tahontaharihwaié꞉rihte khés ne thé꞉nen karihwahétken aohiò꞉then.”

Zechariah 10:2

Nonhkweshón꞉ʼa ne shakotinikonríhsats ne kahiatón꞉nis tánon ne rontthiathonsehratkénses, ók tsi tehonwahthirihwasehrahkwén꞉nis ne nonhówenh ó꞉ni ononhwahrohríhtha. Ó꞉tiaʼkes tehierihwakʼthétha nateʼtsénhseras, ók kwáh ne khók nahieshanikonráhten; ne kaʼnikonranirákʼtshera teshakoná꞉wis iáh othé꞉nen tehiorihón꞉te. Káti nonhkweshón꞉ʼa tsi tehiakotawénhhre kwáh thóh ní꞉ioht tsi shí꞉ken ní꞉ioht ne teiotinakarontón꞉a ahionahtiathatónʼon. Rothiʼnikonrahronhiáken né tsi iáh tehononhkwè꞉thaien nahshakohén꞉thenhse.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Numbers 11:20

ók kíʼ sewenhníta nikaríhwes, tsi nióre ne tsi teshaʼhonthakáronhte tentkahiákenhne, tsi nióre ne kwáh ensonhnákʼshaʼte. Thóh kíʼ nenhiáwenhne tsioríhwa tsi watsʼkénron ne Roiá꞉ner né tsi rahónha kèn í꞉res tsi nónhwe nísehwes tánon rahónha waʼtserihwakátatʼtse né tsi tó꞉sa nonhwènhton tahontesehwaténhtionke ne Egypt.’”

Luke 10:16

Onka ehtsihseȣataonsatasts, rakataonsatasts; Nok ne ehtsiseȣaȣennonties, rakeȣennonties; nok ne rakeȣennonties roȣennonties ki ne takatennieton.

Deuteronomy 29:18

Iorihwihió꞉hak iáh ónhka ne rónhkwe tó꞉ka ó꞉ni ne iakónhkwe, kahwá꞉tsire, tó꞉ka ó꞉ni ne kentióhkwa ne kén꞉en rónhnete nón꞉wa wenhniserá꞉te nahonsahonwatkaraté꞉ni ne Roiá꞉ner Onhkwaní꞉io né꞉ne ahonshakonhwatiʼshén꞉naien nakorénhsons rahotinihioʼokón꞉as. Ne ki thóh nenhiá꞉wenhne tsi ní꞉ioht nó꞉tera ne tkánios tsi natehioterahiótsis ó꞉ni ne iakorhiótha iohnióte.

Deuteronomy 29:19

Kwáh iorihwihióhak iáh ónhka ne kén꞉en í꞉iete nón꞉wa wenhniserá꞉te ne iakoʼthón꞉te kí꞉ken karihwanirà꞉tsheras kariwatà꞉tsheras tánon ki shé꞉kon ahathateʼnikonhraní꞉rate tsi akwé꞉kon tienhiohiánereʼke ne rahonhà꞉ke, iawerohátien tsi tiehotenonhtsistaní꞉raton raónha tahathatenóntonhse. Né꞉tho kwáh sewakwé꞉kon ensewahiatáton, thóh nahioianeréhake tó꞉ka ó꞉ni ahonhetkénthake.

1 Thessalonians 4:8

Kwáh káti, nónka neniekénron kí꞉ken karihonniennítsheras iáh seh ónhkwe tahonwahkénron, nok Rawenni꞉io, tsi rahónha thiʼáwis ne Raonikonratokénti.

1 Samuel 2:30

Ne kiʼ aoríhwa ne Roiá꞉ner ne Sakoní꞉io Israerʼró꞉nons rorihowanáton: ‘Í꞉i wakará꞉ratsʼte nétho sawá꞉tsire tánon ne raotiwá꞉tsires ne seshotʼtonkonkénhen ienhontawehiá꞉thaʼke ó꞉ni thenthatiʼiakénhseʼke nakʼkhénton ne tsi nénhwe enkénhake’; ók nón꞉wa ne Roiá꞉ner waharihówahnate: ‘Ahí꞉non ít꞉ken tsi nó꞉kwah ní꞉i; asèken tsi niʼiá꞉kon nenhiontʼkwéniensʼte kwáh kiʼ ní꞉i enkekwéniensʼte, tánon tsi niʼiá꞉kon nenhiontʼkénron kwáh kiʼ thóh nenhotiʼiátawenh nahotiʼnontá꞉nake.