Jeremiah 23:13 - Ohiatonhseratokénti

¹³ Wakatkáthon ne rotitó꞉kense rahotiʼrihwaneraháktshera ne Samaria nónhwe: Baal raosénnakon tsi ronahthatíhon tánon wahonwanatʼthaharáhkwaʼthe nakonhkwetaʼshón꞉a.

Jeremiah 23:13 ပူးပေါင်းရင်းမြစ်များ

1 Kings 18:40

Né Elijah wahathénhnaʼne, “Ietsiʼiéna ne rothithó꞉kense ne Baal; tó꞉sa ónhka ietsiríhon nahonsahonthèko!” Nónhkweshón꞉as rathikwékon wahonwatiʼiéna, tánon ne Elijah iashakosárihne tsitʼkahionhathátse ne Kishon tánon washakononhwarhiákon.

2 Chronicles 33:9

Né Manasseh washakosárihne nonhkweʼshón꞉as né Judah tánon ne Jerusalem nón꞉we né sénha tsi nahóntsere ne karihwá꞉nerenh tsi né nihotiʼiéren nonhkweshón꞉ʼas tsi nikáien ne Roiá꞉ner sakohiatinekénʼen né tsi ionhontsáien tsi niahontʼthahíne ne raonhkweʼtaʼshón꞉as.

Isaiah 9:16

asèken tsi niʼiákon ne ronhnónha wahsakotihenthénse kí꞉ken onhkweshón꞉has tsi wahonwanathaharákwahte, tánon tsi niháti ne ronhnónha wahsakotihenthénse kwáh nék khók ne watesakonanitonniáthen.

Jeremiah 2:8

Ne rohkháres iáh othènenh tehoriwahnónhton, ‘Kahnónhwe níhres ne Roiá꞉ner?’ Ne kwáh Í꞉ih akonhkwéta ne rohkháres iáh tehatientéri; Ne ratiʼkoráhsons iáh tehionkewenhnahráhkwen; ne rohtitokénhse Baal rahosénnhakon tsi wahontháti tánon wahkonhwahsénnahien ne iáh othènenh tekariwástha kahiatónni.

Jeremiah 23:32

Sahtahónshatat tsi nahó꞉ten ne Í꞉i, ne Watiá꞉ner, káton! Khehiátkonhte thíken rotitokénhse ne ronhtró꞉ris ne rahonatetʼtshénseras ne ne titkáhere noʼnhówenhs. Ronhtró꞉ris kí꞉ken atetʼtshénsehras tánon shaʼkonatʼthaharakwáhtha naʼkonhkwetaʼshón꞉a ne ne oʼnhówenhs ó꞉ni tsi tehonahthaʼterénsharon. Iáh tiekhehiateniéton iáh ó꞉ni tekhenáhon ne iahónne, tánon kwáh iáh othènen tehotí꞉ien nashaʼkotiʼiénawahse nonhkweshón꞉a. Í꞉i, ne Watiá꞉ner, wakatáti.”

Jeremiah 36:2

“Hiahásko ne kahorohthaʼkwenónhni tánon thóh iásthon kwáh oriwahkwékon tsi nikonhró꞉ri tsi nòkwah ne Israel tánon ne Judah ó꞉ni rathiʼkwékonh tsi niaʼteiakahontsákes. Kwáh oriwahkwékon iásthon tsi nikonró꞉ri ne kwáh sonthontsiérenʼthe wahkonhthárahse, nónen ne Josiah shiʼhononhtí꞉io, tánon tsi nióre nònhwah.

Hosea 4:11

kanakwaieshátshera. Onenharákeris tánon nonékase onenharákeris ne iekáhas ne raotinikonhraienthátshera.

Hosea 4:12

Nakonkweʼtashón꞉as ne konwarihwanontón꞉nis ne kenk nikaiénta, tánon ne iótkon raonathénhnits ne tsakó꞉wis nowenhnaʼshón꞉as. Asè꞉ken tsi nihionikonró꞉ten ne kanakwaiesátshera ne iakothaharakwáhton, tánon kwáh ne sateiot ne kanakwaiesátshera, ronwaiatakikonrénhen ne raotiní꞉io.

Micah 1:5

Akwé꞉kon kí꞉ken ne wakarihón꞉ni ne raorihwaneraháktsheras ne Jacob tánon né꞉ne karihwaneraháktsheras ne tsi kanónshote Nisraeró꞉nonke. Onhnahó꞉ten ne raorihwaneraháktshera í꞉ken ne Jacob? Iáh ken né꞉ne Samaria teiorihwá꞉ke? Tánon nahó꞉ten nenhné꞉e nehé꞉neken iokwenrá꞉re í꞉ken ne Judah? Iáh ken né꞉ne Jerusalem tè꞉ken?