Jeremiah 23:12 - Ohiatonhseratokénti

¹² Tsi enhonthahíta kwáh tenhiahotsiskwáhthonke ó꞉ni tentiokaráhsehke; Thenkhehniotáhko tánon enhatihiatiéʼnènhne. Enthékhawe ne karihwahiesáhtsera ne rononháke; ne rahonatrewahtátshera tsi tawéʼse ne iakáhewe. Í꞉i, ne Watiá꞉ner, wakatáti.

Jeremiah 23:12 ပူးပေါင်းရင်းမြစ်များ

Job Tánon ne Raoronhiakensera 18:18

Ronwaiaʼtinekén꞉en ne tsi teioswáthe tsi tetiò꞉karas niehonwaiathénha, tánon ronwaiaʼtinekén꞉en ne tsi ionwenhtsá꞉te.

Psalms 35:6

Aiáwenhs tsi nón꞉we nenhonténhti tahiahotsiskwáhtonke tánon ahontahiokaráhsehke, né꞉ne Roiá꞉ner raoronhiakeró꞉non sakotorihátsie.

Psalms 73:18

Thóh nón꞉we nenhsehiát꞉kaʼwe tsi nón꞉we natehiahahotsískwat; tánon ienhsehiaténieʼte niatahonotsínete niahatihiáthenhne tsi ionitsʼthenhrhiákon ne karihwaiesáhtshera.

Psalms 82:5

Iáh teonatʼthokhatseráien iáh ó꞉ni teotinikonhraiéntas, thóh nón꞉we nihonathaíhtake ne iáh tetkarihwaiéri; iáh teionerákwat ne tsitʼkenskwáhere ne tsi ionwenhtsáte tsi iahówats.

Exodus 32:34

Wáhs kíʼ ó꞉nen, sehhéntes nonhkweshón꞉ʼa né tsi tewatenáhtaien tsi ní꞉ioht tsi konhró꞉ri. Sehiárak akeronhiaʼkerónonh enhiaʼhéntenhse, ók ienkáhewe nónen kwáh enkheréwathe kí꞉ken onhkweshón꞉ʼa tsi nihotiriwáneren.”

Proverbs 4:19

Né꞉ʼe raotiháha né꞉ʼe rotirihwanéren thóh naʼtetió꞉karas tsi ní꞉ioht nahsonthén꞉ne né꞉ʼe tenhatihraʼkwénhtaraʼne ne tsi iáh thahóntkahtho nahò꞉ten tahonahsì꞉tiaʼke.

Isaiah 8:22

khés ohontsáke thensontʼkáneren, ók nék khók kí enhiontʼkátho ne teionikónrharah tánon tetsiókaras, ne tetsiokaráston ne kanikonraronhiakénsera; tánon thóh ienhonwahtiʼiatón꞉ti tsi tetsokaraskówa.

Jeremiah 11:23

Watʼkwathákwen ne kawistáheks nahontakáhaʼwe ne kariwahiesáhtshera ronónhake ne Anathoth, tánon nónen énwahwe nètho kawistáheks, kwáh iáh ónhka tsiatahiotáhteʼre.”

Jeremiah 13:16

Ehʼtsisehwahkwéniensts ne Roiá꞉ner, sehwaNí꞉io, Nohénton nahontaháhaʼwe ne tetiókaras, tánon enthisahsihʼtiá꞉ke ne tsi ionnonhtahrónnions; nohénton ne kwáh ahonthahakárasʼthe ne ne kaswatʼthétshera saskanékskwe.

Jeremiah 48:44

Ónhka enhateniénten nahatékwahse ne kateronhkwáhtshera kwáh kíʼ oshón꞉wahkon ienhahiátenne, tánon nónhka tentʼthaʼrátʼten tenthaʼhiákenʼne ne oshón꞉wahkon kwáh tsi tewahnikáhrhare enhoiéna, tsoríhwa ne Roiá꞉ner tsi rokwahtáhkwen ne kawistáheks ne ne Moab ahotkaronhniátshera.

Jeremiah 50:27

Akwékon ó꞉ni ietsihiáthont nahotsenenhókonhs tsi natenhiotenonhianithónhake ne rahotirihwáhke, ó꞉ni! Kwáh ratikwékon ietsihiawénhtho! Asèken ónenh iakáhewe nahorewahtáhtshera.”

Jeremiah 8:12

Akonkwetashón꞉a, wesehwahtehénʼken tsioríwa tsi nesehwahtiéreh kí꞉ken ioteriwatehasónhas? Iáh, kwáh iáh thènenh tesehwahthehénʼen; akwékon iáh tesehwateriéntahre onhní꞉ioht ne onekwéntahra nahisehwahiató꞉tenʼne! Tánon káti éhtho ní꞉ioht tsi entisehwahiátenʼne tsi ní꞉ioht ne ronátiakes tsi thóh thihiaténʼen; Nónenh enkwahréwahte, thók niensewatókthase. Í꞉i, ne Watiá꞉ner, wakatáti.

Lamentations 2:20

Skenhénʼion, O Saiá꞉ner! Onnihiotiéren tsi thóh ní꞉ioht tsi takwarewátha? Ne tionatʼthonwísen ne ionékon ne rahothiʼieróntas ne iakothiʼienokónha ne ronwathinorónkwakwe! Rathitsihénstatsis tánon ne iehathiriwákens kwáh ononsatokentíken non nihonwanaséhtha!

Micah 7:4

Ne kwáh thotiiánere thóh nihatiiató꞉ten tsi ní꞉ioht nonionwá꞉ra, ne kwáh thotirihwató꞉ken tsi ne ní꞉ioht nohíkta wathenhenronhniáton. Nenhní꞉sehra ne raotirewathátshera ón꞉we; nón꞉wa ó꞉nen tiehotirihwaié꞉was.

John 12:35

Tontahenron ne Iesos; Sekon nikariȣessa teseȣasȣathetseraien: seȣatenti kati sekon ok nateseȣasȣathe, sotsi iotteron onȣa tontiseȣakaraȣe: aseken nasatakon rotentionhatie, iah ki tehoterientare kah ȣare.

Deuteronomy 32:35

Ne Roiá꞉ner kwáh se enshakarià꞉ke tánon enshakorewáthe; ienkáhewe nó꞉nen enhatihiatiénenhne; ne raonenhnísera táwe nahonnateraswáksenʼne.

1 Sawátis 2:11

Nók kíʼ tokáha ietʼthísons nakorénsons, asátakon kíʼ nón nítewes; thóh nón nihionkwatahitáke tánon iáh tehionkwateriéntare káh niahonkwenonhátie, neh wakarihónni tsi tetiókaras wationkwarónweke.

Jude 1:13

Né teshontiéren tsi ní꞉ioht ne ionontakwarontáties ne kaniatarakekówa, ne thitʼkahé꞉re natehén꞉sera tsi nihathiweiennótens thóh ní꞉ioht tsi iokethótha tsi ní꞉ioht nhoʼwahsʼtha. Thóh nihatiiatoten tsi ní꞉ioht ne otsísto thiioháwis, tsi nisakonatʼtaráh꞉kwenni ne Rawenni꞉io tsi non né kwáh tehtiokaraskówa.