Jeremiah 22:6 - Ohiatonhseratokénti

⁶ “Ne hiatetsiáti, ne Judah tsi rotiʼnónhsohte ne kanonhtiʼiótshera tsi kwáh eh niʼwatkathotsherí꞉io tsi kíʼ ní꞉ioht tsi ionwenhtsiáien ne Gilead ó꞉ni tsi Iononhtahrónnions ne Lebanon; ók né kíʼ enkónhniaʼte ne iáh othènen tahonsahkariwasthátonʼke tsi nónhwe ne iáh ónhka tahienákerehke.

Jeremiah 22:6 ပူးပေါင်းရင်းမြစ်များ

Genesis 37:25

Eʼthó꞉ne wahóntien ne tahontská꞉hon; tánon tsi wahontahrakétsko wahshakotí꞉ken rotinenhrí꞉ni Ishmaelró꞉nons Gilead nón꞉we nontahonenonhátie, tahatikwekonhátie ne raotitshenenʼó꞉konʼs iotiniaʼkwáhere iotihrieʼnakéhte ne iohnehtotkhá꞉ʼon, tánon ne kanonhkwaʼtsheranó꞉ron wenserákonʼonʼs, tánon ne wenienanó꞉ron iontatiaʼtohkáhstha, ronathahitáhkhe tsi niahotihawihátse ne Egypt nón꞉we.

Psalms 107:34

né kwáh tiohontsí꞉ios kwáh kíʼ káiase ienhwáʼton né entioróhroʼke ne iotenatentásta tánon tsioiótsis, tsioríhwa né nón꞉we nihatinákere tsi nihonhnonkwetahétʼkens.

Song of Songs 4:1

Ah, tsi nisatʼkathotserí꞉io, konhnonrónkwah, ah, tsi nisatʼkathotserí꞉io; ne skarákes kwáh ne ne orìte nonákens ne tsi sataharó꞉ron. Ne sanónwis kwáh ne ne ronatiokowanens kaiatákeras, Roʼnanontatsnentonhátie tsi ionontakáʼrenre ne Gilead.

Song of Songs 5:15

Ne raʼshinákes kwáh ne neh kaʼnawahatótons ne kanenhiaʼnóron íken, tsi karahte owistanoron íken. Tsi nihatkatotseró꞉ten kwáh ne neh tekaiestáshion onentahkwentétsera ne Lebanon, Tsi írahte tsi nihotʼkwéniens.

Isaiah 27:10

Asèken ne tekanatanaktonhkwe nek khok iatetsó꞉thatenhron, nètho ratinakerekwe ró꞉nanahkerakwen tánon ronatewenteton, kwáh né꞉ne iahonwenhtsiát꞉thenhake í꞉ken; thóh nón꞉we ne tionhnonskwahrons owí꞉ras nikontihontats, thóh kontenaskwahiens, tánon enkontinahtoskaronhko nahonhatasonhas.

Isaiah 37:24

Sanhá꞉tshera nón꞉we nontá꞉we tsi thatsiéron ne Roiá꞉ner, tánon í꞉sen, “Né tsi wé꞉so wakeserethá꞉ien nó꞉tionkwas Iewakenontaráhon né kwáh tiotenontatón꞉nions, né kwáh ahí꞉non ít꞉ken ne Lebanon; Wakerontsenénhton ne kwáh tkaronhtésons nonenhtaʼkwenhtétshera, ne kwáh tkaʼronhtí꞉ioskwe ne cypress; Iewáko né kwáh ahí꞉non ítʼken ne tiótʼte, né kwáh ioteratóhon.

Isaiah 6:11

Eʼthó꞉ne wakíron, “Tóh nikaríhwes kíʼ thóh naiotónnhake, Ó Saiá꞉ner?” Tánon wahénron: “Tsi nió꞉re ne kanatowánens éhʼtake enkaiéntane iotkaronníhon kwáh iáh ónhka tahonsaienákereke, tánon ne tsi kanonsó꞉tons iáh ónhka taieterónhtake, tánon ne tsi ionhontsáien kwáh enkaieshah;

Jeremiah 21:11

Ne Roiá꞉ner wahatró꞉ri ne iátsien kí꞉ken ateriwahnotátshera tsi thohnónhsohte ne rononhtí꞉io ne Judah nónhwe, ne ne tahawahtsitahtátie ne Táwit: “Satahónshatat tsi nahó꞉ten ne Í꞉i, ne Watiá꞉ner, káhton. Oriwí꞉io shón꞉ni kwáh niaʼtewenhnisehráhke akahioténʼen ne tkariwahiéri. Tahietʼtsíʼnhe tsi nikáien ne iaʼkohtenikonhrahténnis éhren tsi sehwahiatenháwit ne sahkoniʼkonhrahténnis. Tó꞉ka iáh thóh tahisewáhiereh, tsi niʼsehwahtiérah ne kariwahétken entiónni naʼkenahkwáhtshera enhiótehke tsi ní꞉ioht nótsire né꞉ne iáh tahónton ahonswátʼthon.

Jeremiah 21:14

Ók enkonhréhwaʼthe ne tsi nisahtiéren. Enʼkatenonhkwahtékʼthe tsi sahnónhsohthe, tánon nótsireh akwékon enwátʼtsahaʼte nakthatsieshón꞉a. Í꞉i, ne Watiá꞉ner, wakatati.”

Jeremiah 22:24

Ne Roiá꞉ner wahawénhaʼse ne ronnonhtí꞉io Jehoiachin, ne roiénha ne ronnonhtí꞉io Jehoiakim ne Judah nónhwe, “Kwáh tsi niʼioriwí꞉io tsi Í꞉i ne konnhehónwe Ní꞉io, shé꞉kon ó꞉ni nísek khók nawenésthonke tsi akaierónnike naʼnisnonhsahwiʼtsheráhke ne keweienteʼthákwen nakatianáhti, kwáh kíʼ ienkónhrehke

Jeremiah 26:18

“Nonenh ne Hezekiah sihononhtí꞉io ne Judah, ne rotó꞉kense Micah ne ne Moresheth nónhwe onhkwetahkwékon wahshaʼkoró꞉ri nètho Roiá꞉ner Roshastsʼtenserowáhnen ráwenh, ‘Ne Zion kwáh ki enkatenrahratʼton kwáh né꞉ne kahentà꞉ke; Jerusalem kwáh enhiosthoʼkotónke tsi nihioriwentà꞉on, tánon nononsatokentiʼkó꞉wa iononhtáhere karákon neh enwá꞉ton.’

Jeremiah 4:20

Ne kakahronniátshera tiókonhte ó꞉ia tsiononhtheráhtse; kwáh kanahkerahsehrahkwékonh tsi iorihwenhtáhon. Thonthaiawénhstsi nonhkwahtóhsehra wahkariwénhthaʼne; tánon ne iohniatarénton kenkníwahs tsi ontehrahtiónko.

Jeremiah 4:7

Tsi ní꞉ioht ne kénreks tsi nonhtahiaweʼnonhátie tsi nónhwe niwahthasehthákwa, ne shakorihwahthóntha nonhkweshón꞉ʼa wahahiákenʼne. Táhreh nahathónthe ne Judah. Ne kanahthowáhnenhs ne Judah kwáh íken tsi enkarihwénhthonke, tánon iáh ónhka étho nónhwe tahonsahienáhkerehke.

Jeremiah 50:12

ók ne kwáh sewahnahtowáhnenhs kwáh enkonhwahtéhaʼte. Ne Babylonia ne ne kwáh iáh tahonthaʼkahsenhnowáhnenhke tsi nihiohóntsa; ienwástatʼthe tánon iáh tahionekaiénthaʼke ne iahonwenhtsiat꞉thénhake.

Jeremiah 7:34

Nonhwénhtsia kwáh karáhkon enwáhthon. Ne tsi kanahthowáhnenhs ne Judah ó꞉ni ne kanahthakónhsons ne Jerusalem entiáhke tsi nihiotʼtsiaró꞉kwen ne atʼtiennonhniátshera ó꞉ni ne atonnharáhtsheras tánon tsi nihionwéhsen tsi nihiontʼtsiarokwáhtha ne wahténniothe kakʼkwáhere.

Jeremiah 8:22

Iáh kén thènenh tetkanonhkwaʼtseráien ne Gilead nónhwe? Iáh kén tethonatetsientsheráien? Nonhtiéren, káti, nakonhkwetaʼshón꞉a tsi iáh teshonwathitiénton?

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.

Zechariah 11:1

Teshanonhónti, Lebanon, ne nahónton nótsire ahontsáhate ne sahronthashónha nonenhtakwenthétshera!

Numbers 32:1

Né rahotiʼtsiókwahs ne Reuben tánon ne Gad wèso ronhtiʼnaskwahiénthakwe. Nónen shahiatʼkátho tsi nenhiotihiaʼnerásten ne khontiʼtshénenhs ne tsi ionhontsáien ne Jazer tánon ne Gilead,

Deuteronomy 3:25

Takerí꞉hon ne Takeniaʼtarí꞉hiake ne Jordan, Saiá꞉ner, tánon nakatká꞉tho ne iohontsí꞉io ní꞉se nakaniatará꞉ti, ne watkaʼtotsherí꞉ios iononhtaʼrón꞉nion ó꞉ni ne Lebanon Iononhtaʼrón꞉nions.’