Jeremiah 22:5 - Ohiatonhseratokénti

⁵ Ók tó꞉ka iáh tashaʼtewénhnarahkwe naʼkerihwahtátʼtshera, kwáh sehriwahienteríhak tsi wahkathaʼteriwahniráhti nètho kénʼen rononhtí꞉io ronónhsohte tsi kwáh tenwahréhni tsi nenhkariwénhtahne. Í꞉i, ne Watiá꞉ner wakatáti.

Jeremiah 22:5 ပူးပေါင်းရင်းမြစ်များ

Genesis 22:16

tánon rá꞉ton, “Iatetià꞉ti wakerihwahnirá꞉ton, rá꞉ton ne Roiá꞉ner, tiorí꞉wa tsi kíʼ tho náshiehre, tánon iáh tehtshié꞉nen né tshièn꞉ʼa, nénskaʼk khók sanekenhteronʼtsherá꞉ien,

2 Chronicles 7:19

Ók kíʼ tó꞉ka ní꞉se tánon ne shonkweʼtashón꞉as iáh tahisewatewénhnarakwe ne kaianerénseras tánon ne karihwatátʼtsheras ne twá꞉wi tánon tikaniʼioserate wahetsisénhnaien,

2 Chronicles 7:21

“Nononsatokentiʼkówa kwáh í꞉ken tsi konwarihwakweʼniénstha, ók ethòne kíʼ tsi nihiákon né thóh nón꞉we nenhiontohéstaʼke enhiakorihwaneráko tánon enhierihwanónhton, ‘Onh niʼiohtʼtséren ne Roiá꞉ner kí꞉ken tsi èhtho naháiere né kénʼen ionhontsáien tánon Nononsatokentiʼkówa?’

2 Chronicles 7:22

Nonhkweʼshón꞉a tenhierihwasehráko, ‘Né aoríhwa tsi ronhwatewenhtéton ne Roiá꞉ner Raotiní꞉io, tsi nikáien ne tethesakoiatinekénʼen Egypt nón꞉we. Tánon né tonhsahonterihwasónhteren ne tikaniʼioseráte tánon wakonhwatisénhnaien. Né aoríhwa ne Roiá꞉ner tahá꞉hawe kí꞉ken kariwaiesátshera ne ronhnonháke.’”

Psalms 95:11

Wahkenakwénhenʼne ó꞉ni iorihwahníron wakarahrátsʼton: “Iáh nonwénton tiahatiráhtaʼne nonwentsáke tsi nónwe nikhehionhontsáwi nahonthoríhsen!”

Isaiah 1:20

Ók tó꞉ka ensaterahiátaʼkwe tánon enskatkónten, kwáh kí asarekówa ensanonwaríhakon; asèken ne Roiá꞉ner rotatíhon.

Jeremiah 12:7

Ne Roiá꞉ner ráton, “Wakatewénhteʼthe ne Israel; Wahkhekénron ne kehiataráhkwen nonhkweshón꞉a. Tatkhéhion nónhkwe ne kenorónkwah thóh raothishaststenserákon ne ronwathísons.

Jeremiah 17:27

Ók ónenk tsi enhionkewénhnarahkwe tánon enhatikwéniensʼte ne tsatákhaton nónhta ne tsi iawenhthatokénti. Kwáh iáh tehiówenhk ne thènenh ahathikaréni ne iorhiénatsthe ne tahonnhóhetsthe tsi iotenhenrahkáronthe ne Jerusalem né nenhwenhniseráhteke, asèken tó꞉ka éhtho nenhatíhiere, kwáh enkahté꞉kaʼthe ne tsi iotenhenrénton ne Jerusalem. Enwahtenonhkwentsahatónhake tsi rotinonhsóhtons ne rontinonhtí꞉ios ne Jerusalem, tánon kwáh iáh ónhka thahiekwéni nahiónswahthe.”

Jeremiah 26:4

Ne Roiá꞉ner wahakró꞉ri nakkeró꞉ri nonhkweshón꞉a, “Í꞉i ne Watiá꞉ner, né wáhken tsi ónenhk tsi ensehwatewénhnarahkwe tsi ne ensehwásehre ne karihonnienʼnhítshera tkwá꞉wi,

Jeremiah 39:8

Tsi nikaríwes, ne Babyloniaró꞉nons wahontenonhkwaʼtekthánion ne tsi rohnónhsohte ne ronnonhtí꞉io ó꞉ni tsi rohthinonhsóhtons nonhkweshón꞉ʼa tánon wahthonshontharihthánion ne tsi tekahnahthatátʼthonkwe ne Jerusalem.

Jeremiah 44:26

Ók kíʼ nónhwa sehwahthaʼhónshaʼtat tsi niʼwahkeriwahniʼráhton ne Í꞉i, ne Watiá꞉ner, tsi niwákʼson thóh nahoshastsʼtenseráhkon naksénhnakon ne sehwahkwékon ne Israerʼró꞉nons ne Egypt nónhwe nisewahnáhkere: Iáh shé꞉kon nonhwénhton tahonsehséwatsʼte naksénnha ne thènen ahisewahriwahníratsʼte nahisehwénhron, ‘Wakeriwahníraʼte tsi nòkwah ne ronnhehónwe Ronnonhtí꞉io Roiá꞉ner!’

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.

Matthew 23:38

Onen kati Ononsokon enȣaton tsi seȣanonsote.

Hebrews 3:18

Nónen ne Rawenni꞉io kwáh waharihwanírate tsi waharáhratsʼte, “Iáh nonwénton tiahontáwehiate tsi tiohontsáien ne kehiarahratsʼténni ienhontoríhsen” ónka shakotaráhkwenʼne? Ne tsi niháti ne ronwahtaróntion.

Hebrews 6:13

Ne Rawenni꞉io shahohrahrátsten ne Abraham, wahariwahnírahte tsi thóh nenháiere tsi nihorahrátsʼton. Tsi iáh nakóren éhʼtho teieshátsthe tsi ní꞉ioht ne raónha, raoshén꞉na wahrátsʼthe tsi waharihwahnírahte.

Hebrews 6:17

Tsi nihiákon naiehiéna tsi nihorahrátston, ne Rawenni꞉io kwáh tehothonwenhtión꞉nine né kwáh awehnéhake tsi iáh nonwénhton tatahonshaoterihwahthénien; káti thóh iaháiesthe ne raorihwahnirátʼtshera tsi nihorahrátston.