Jeremiah 22:3 - Ohiatonhseratokénti

³ “Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 22:3 ပူးပေါင်းရင်းမြစ်များ

2 Samuel 23:3

Ne raNí꞉io NIsraerʼronónke rotatíhon, Naosténra ne Israerʼronónke onkenhá꞉se: Ne ne tsi niká꞉ien sakokkoráston nonkweʼókons nahontakariwaiérike, tsi rokkoráston ne tsi rokweniénstha ne Ní꞉io,

2 Kings 24:4

tánon sén꞉ha ne aoríhwa tsi niʼiákon ne iáh othènen teiakoníkon tsi ionthatenonwariákon. Né Roiá꞉ner iáh tehothontháton nahonsahonikónrenhse ne Manasseh.

Job Tánon ne Raoronhiakensera 22:9

Ní꞉se washehiatékwahte ne ionaterè꞉ons kwáh raothitsanóskont tísken, kwáh ó꞉ni watesheiatonhnakáriate ne tehontonhnakáriaks.

Job Tánon ne Raoronhiakensera 24:9

“Kwáh ienhonwaiaʼthénhawe ne rakshá꞉ʼa ne ne ronwastarónktha roʼnisthénha, tánon ne enhontkaraién꞉taʼkwe ne iakothenténion.

Psalms 68:5

Né Rawenni꞉io, ne rahónha thóh rénhteron ne raononsatokentiʼkówaʼne, tánon rahónha tesakorihwásniese ne tehontonnakárhias ratiksaokónhas tánon tesakohiatoré꞉tase ne ionateréhons,

Psalms 82:4

Sasehniákent tsi nòkwah ne raotishaststénhseras ne ionkwetahét꞉kens.”

Psalms 94:21

Iesakonatsatónhtses ne tionkwetaiéris, tánon sakotinonhtánats ne iáh tehiakoníkon nahonhníheʼie.

Psalms 94:6

Sakotinonwaʼrhiákons ne ionateré꞉hons ó꞉ni ne ratiksaokónhas ne tehontonhnakárhias, tánon sakonaséhtha ne tihiakahontsáte ne onhtionhontsáke ratinákere,

Exodus 22:21

“Tó꞉sa sehiateweienʼnaksáten ne tiʼhononhontsátes; sewehiárak tsi íse ó꞉ni thitionhontsátesʼkwe ne Egypt nónwe.

Exodus 22:22

Tó꞉ka sehiateweiennaksáten ne ionateréhons ó꞉ni ne tehonthonnakárhias ratiksahokónhas.

Proverbs 23:10

Tóhsa nonwén꞉ton iahá꞉srek tsi karistí꞉seron nonhwéntsa tánon tóhsa nonwén꞉ton shéhkhwa raononhwéntsa ne ratiksaʼokón꞉ʼa tehonatonhnhakarí꞉ʼon.

Isaiah 1:23

Né ieshakoráshons iehonwatsatóntsies ne Ní꞉io tánon ne wahonteroserónhni ne ratinénskwas. Onkwetakwékon ne ienónhwes ne knahótenk tahionthaʼthetsikhetáhroʼse tánon ne ratiriwanóntons athatahwí꞉tsheras ahonwanawíhon. Kwáh iáh tethesakótines ne tehiontonhnakárias, tánon ne ionateréhons ahotirihwashónhas iáh rahotihénton tsewétha.

Isaiah 58:6

Iáh kén né kí꞉ken tèken naʼiakawenhtónhtieʼte ne wakerá꞉kwen: né꞉ne tahonsakenensterénhsi tsi nikáneren ne iáh tetkariwaiéri, nahonsahkinotarihshiónko ne waʼtientaniákta, nakheríhon ne iontaʼtwisátha ahonsaʼhionthatewenhní꞉ioʼne, tánon tentsiá꞉khon kwáh tsi níkon káien ne watientaniákta?

Isaiah 58:7

Iáh kén satahiseninatáraʼke ne iontonkáriaks, tánon tasehiaʼténhaf ne iáh teiakonónshoʼte ne iakóthen ne sanóns꞉kon; nó꞉nenh enséhken ne akonehóskonk thí꞉ken, sheʼhiathakwé꞉nion, tánon tó꞉sa sehiataséhthen né kwáh í꞉se sewathaʼténon?

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 22:17

Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 26:16

Ethóhʼne ne sahkotiʼhéntenʼse ó꞉ni nonhkweshón꞉a wahonwenhnénhase ne rotikháres tánon ne rotitó꞉kense, “Kí꞉ken rónkwe tsi wahsonkwahtháraʼse ne ne raosénnakon ne Roiá꞉ner onhkwahNí꞉io; iáh thaʼtehiothonhontsióhon nahonwahnonhwahrhiákon.”

Jeremiah 5:28

nonhtiéren tsi ronahrésenhs ó꞉ni kwáh ioiánere tsi tehonskáhons. Iáh tiehiotókʼte tsi nihatiweiennákʼsens. Iáh tetheshakonáhwis ne tehionthonnahkárhias ne raothihianerénsehras khés nahonnénesʼthe ne tkarihwaiéri tsi nòkwa ne sahkotiwihsáhtha.

Jeremiah 7:23

Ók kíʼ kheró꞉ri nahionkewenhnaráhkwahke, né꞉ne Í꞉i Raotiní꞉io akénhake tánon ronnónha nahkonhkwetahshón꞉a. Tánon kheró꞉ri thóh ní꞉ioht tsi ronónhnhek tsi nikheró꞉ri, ne ne ahothihianerásthen ne rahothiriwahshón꞉a.

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

Lamentations 3:36

Nó꞉nen ne kariwakwarisóntsera kanikonráton ne teiehiatoretákwa, Roteriéntare.

Ezekiel 18:12

Shakonikonhraténhnis ne iakóten, ranénhskwas, ratienawástha nahó꞉ten ronatkarahienthá꞉kwenh ne shakoníhen. Hieréhtha ne iatehotiriwiʼióston tsi ronterenhnaienthákwa, rasénhnaiens ne ioteriwahtéhas kahiatonhnisónhas,

Ezekiel 18:7

Iáh tehanikonhráhtha iáh ó꞉ni ónhka teshakonénhskwas. Iesatʼkáwas nónhka thènenh iakokʼkarahienthá꞉kwen nahsakoníhenke; shakonónhtens ne ionhthonkárhiaks tánon shakówis natʼtsherónhniat ne iáh tehiakoktsheronhniakwáhien.

Ezekiel 22:7

Kwáh iáh tsi nítsion ne kanatowahnénhʼne sehwanáhkere teietʼtsikweniénstha ne iesaiénha. Sehnikonhrahténhnis ne thihononhontsátes tánon tesehiatotʼthakwénhnis ne ionateréhons ó꞉ni ne tehonthonhnakárhias ratitsahokónhas.

Ezekiel 45:9

Ne Ronnonhtí꞉io Roiá꞉ner wahénron, “Sóhtsi karíwes ónenh shiʼshariwanerenháties, í꞉se ne sewaró꞉ras ne Israerró꞉nonhke! Sehwátkaf tsi nisewateriʼioseranónhwe ó꞉ni tsi niʼietsironhiakéntha. Né sewahióten ne ioiánere ó꞉ni tkariwaiéri. Tó꞉sa shé꞉kon nonwénton saietʼtsihianakeráhkwat nakonkwetashón꞉ʼa ne rahononhontsáke. Í꞉i, ne Wakenontí꞉io Watiá꞉ner, konhró꞉ris kí꞉ken.

Joel 3:19

Ne Egypt iáh ónhka tahonsaienákereʼke tánon ne Edom ahonʼhontsióskon iahonwenhtsathénhake enwá꞉ton, tiorì꞉wa tsi nihonwatikarón꞉nis nonkweshón꞉as ne Judah, thóh raononhontsà꞉kes sakotinekwáh꞉ton ne iáh othé꞉non teiakoní꞉kon.

Leviticus 19:15

“Sewarihwatokénhak tánon sewarihwakwahrihshonhat nónen tenhsewahiató꞉rethe ne tsi teiehiatorethákwa; tó꞉sa teietʼtsihiaróton ne iakóten tó꞉ka ó꞉ni aietʼtshitshániʼke ne iakokwáhtshe.

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Amos 5:24

Khe khók, serí꞉hon ne tkarihwaié꞉ri tahontnáwenhte tsi ní꞉ioht ne kahionhatátie, tánon ne karihwakwarihshióntshera thóh ne nahiotónhake tsi ní꞉ioht ne kaniatarahtátie ne iáh nonhwénton tsewásthes.

Micah 3:11

Ne rahonhnonkweʼtashón꞉as ne ratirihwénhtha oʼwísta ronhwatikárhiakse ne nahatinikónhrate, ne ratitsihénstatsis ratikaráiens tsi sakotirihonhnién꞉nis, ne rotitokénhse tsi nishakotirihothashién꞉nis oʼwísta rotí꞉rare nahontahonhwénhnon; nek kíʼ sá꞉ka raonhà꞉ke ne Roiá꞉ner iehatihiatarákare tánon rón꞉ton, “Orihwiiohón꞉we ne Roiá꞉ner tsi tewakwé꞉kon! Iáh othé꞉nen ne karihwahetkénhsera tahionkwárane.”

Micah 6:8

Eʼtsisewahró꞉ri, O tiónkwe, tsi nahó꞉ten ne ioiá꞉nere í꞉ken. Tánon tsi thóh kiniiot ne Roiá꞉ner tsi sewarihwanonhtón꞉nis: Ne sewahiò꞉ten ne tkarihwaié꞉ri, tánon ne iorihwató꞉ken kanoronhkwáhtshera, tánon tsi tesewatekhá꞉hakwe sewanitentón꞉hak rahonhà꞉ke ne Ní꞉io.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 23:23

Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

Deuteronomy 10:18

Orihwí꞉io rón꞉nis ne tehontonhnaká꞉rias ó꞉ni ne ionaterè꞉ons ioiánere tsi takonhwatiriwásnieʼse; shakonorónhkwa ne thihononhontsá꞉tes ne skátke ratinákeres nonhtionhkweʼtashón꞉a, tánon shakonónhtens ó꞉ni shakotaʼkweniá꞉wis.

Deuteronomy 24:17

“Tó꞉sa shenikonhráhten ne tihononhontsá꞉tes ó꞉ni ne tehontonhnakárias tsi nahotihianerenseraiéntake; tánon tó꞉sa ienshá꞉we ne ioteréhons ahotsherón꞉niat nahontkaraiéntaʼkwe tsi enswístani.

Deuteronomy 24:7

“Tó꞉ka ónhkak tsi nítsion ne thaieʼtsihiatákwen ne Israerʼró꞉nons tánon naieʼtsihiatenaskonhniáthe tó꞉ka ó꞉ni iahonsaieʼtsihiatenhní꞉non nahonwatinaskonhniáthe, ó꞉nenk tsi eniesanonwarià꞉kon. Thóh ki neniá꞉wenhne ne sewentiókwa tsi étren énwete ne kariwahetkénhsera.

Deuteronomy 25:1

“Tó꞉ka shí꞉ken teʼnihiáse Israerʼró꞉nons tsi teiehiatoreʼtákhwa niaháne nahonateriwasehrón꞉nien tsi natehotiriwatí꞉ronhte, tánon saiá꞉ta wahé꞉nene iáh tehoníhkon ók ne saiáta roníkon nénhne.

Deuteronomy 27:19

“‘Rawenni꞉io shakorewátha nónhka enhonwatiʼnikonhráten ne thihononhontsá꞉tes, tehontonhnakárias, ó꞉ni ne ionateréhons ne raotiʼianerénhseras.’ “Tánon onkweʼtakwé꞉kon tenieriwaʼserá꞉ko, ‘É꞉tho niʼiá:wen!’

Ne꞉ne Sák Rohiaton 1:27

Tsi nahóten ne Rawenni꞉io ne Kaníhsera ráton ne kwáh aóskon ó꞉ni oriwí꞉io kariwiiostonhtsera, kén ní꞉ioht: teietʼtsiriwásnies ne tehonthonnakárhias ratitʼsahokónhas tánon ne ionateréhons tsi nihothironiáken tánon sewatatenónhstat tóhsa aisewahétʼkenten ne tsi ionwentsiáte.