Jeremiah 22:23 - Ohiatonhseratokénti

²³ Thishaʼteráhkare tsi niʼieshaʼhiatahnónhsthaton tsi naʼtekónteres ne onenthakwéntes né thóhʼthíha ne Lebanon nónhwe; ók tsi niʼkenthenthetseroʼwáhnenh nónenh ne karonhiakénsehra tenshaʼkwáhte, ne karonhiakénsehra thóh nenhiotónhake tsi ní꞉ioht ne iónhkwe iowirahientáhsehre!

Jeremiah 22:23 ပူးပေါင်းရင်းမြစ်များ

Jeremiah 21:13

I꞉se, Jerusalem, thóh tsiskwáhere éhneken nahonráhkwahkons, tsi ní꞉ioht ne oststénrah iehiokéhthoʼte ne kahentáhke. Ók entiaterí꞉io. Sáhton iáh ónhka tahiekwéni ne iahieshatiathónti tó꞉ka ó꞉ni iaʼthahonnhótʼkaweh ne tsi sahtenhénroʼthe.

Jeremiah 22:6

“Ne hiatetsiáti, ne Judah tsi rotiʼnónhsohte ne kanonhtiʼiótshera tsi kwáh eh niʼwatkathotsherí꞉io tsi kíʼ ní꞉ioht tsi ionwenhtsiáien ne Gilead ó꞉ni tsi Iononhtahrónnions ne Lebanon; ók né kíʼ enkónhniaʼte ne iáh othènen tahonsahkariwasthátonʼke tsi nónhwe ne iáh ónhka tahienákerehke.

Jeremiah 3:21

Wahonahonshón꞉kothe onontoharahkésons: né꞉ne Israerʼró꞉nons tehonséntʼthos ó꞉ni ronahnihténton tioríhwah tsi kariwahnerahatʼtsherákon tsi ní꞉ioht tsi rononhnhétseʼne tánon ronwahnikonhrénʼen ne Roiá꞉ner raotiʼNí꞉io.

Jeremiah 48:28

“Í꞉se ne tiónkwe ne Moab nónhwe nisehwahnákereh, sewahiáken ne sewahnahthá꞉konhs! Wáhs tánon tsitsonitstenrhiákon hionshaʼsehwanáhkerat! Thóh nasewáhier tsi ní꞉ioht notsiténha tsi konhtʼtsinakónhnis tsi ionitstenrhiákon.

Jeremiah 49:16

Ne tsi nisehnáhie ne weshaʼnikonhráhten. Iáh ónhka tehiesatʼtsánis tsi nióre tsi ísere iesatʼtsánis. Tsi ionitstenrhiákon nónhwe nishíteron, ne ne kwáh ononhthaʼkénhiaʼte; ók iawerohátien thóh nióre tsi éhneken ieshíteron tsi ní꞉ioht ne ákweks, nék kík sáhka ne Roiá꞉ner kwáh ki enthiaiátenhte. Ne Roiá꞉ner rothatíhon.”

Jeremiah 6:24

“Wahakwariwahronhke,” ronton ne Jerusalemró꞉nons, “tionkwá꞉tianenhen; ne tehionkwawahnenh ne karonhiakensehra ó꞉ni ne kanonhwatʼthentshera tsi nʼi꞉ioht ne iónkwe ioronhiaken tsi iowirahienthasere.

Ezekiel 17:3

nasehtokáhten tsi nahó꞉ten Í꞉i, ne Wakenonhtí꞉io Watiá꞉ner, kheró꞉ris: Shahiáta nènhʼne rakowáhnen ákweks tsi nihióskats rostosehróhton ó꞉ni tehanerahontsiowáhnenhs, tehotenerahontsakaráhwen. Tsi tionónhte ne Lebanon niahá꞉tie tánon taharontoharáhko nonentakwénte,

Hosea 5:15

Kwáh shé꞉kon thóh iénske tsi nón꞉we tewakatená꞉taien tsi nió꞉re ienhatiriwaní꞉rate tsi rotiní꞉kon tánon enhonhnésake ne kontsá꞉ke. Ne tsi nihotironhiá꞉ken kwáh enhionkanithénthen nahatiié꞉na nakithénrat:

Hosea 7:14

Tsi tehonséntʼtos iáh raoneriáne nón꞉we tetewétha, tsaʼtehotihenrétha ne rahotináktake; rontatrenánions né꞉ne onátsas tánon onenharákeri tkarihónhnis; ionkewenhnón꞉tses.

Amos 9:2

Ethó꞉sane niahatisonhiónhni ne Sheol, kwáh kí thóh nónh꞉we ne katsánake nienhiakoiathénhawe; eʼthó꞉sane iahatirát꞉then karonhiá꞉ke, kwáh kí thóh nónh꞉we thentekhehiathénte.

Obadiah 1:4

É꞉tho sá꞉ne tsi niió꞉re tsi é꞉neken tsítieʼs kwáh ne ne á꞉kweʼks, é꞉tho sá꞉ne ne satsinà꞉kwa tho iekontikwé꞉kon ne tsi tiotsistohkwarónnionʼs, tho nón꞉we kwáh tentkonià꞉tenhte, rá꞉ton ne Roiá꞉ner.

Habakkuk 2:9

Wasehkwatsésthen ne sakwáhtsire ne tsi nahoʼténhsons shekwenhá꞉ton nakorénhsons ne tsi nithesehianonthón꞉ni, tánon wasathenonhsonhniánion ne kanonsí꞉ios ó꞉ni iononsaní꞉rons ne nasehiatanónsthate ne sawá꞉tsires tsi nokwáh ne atkarónhniat. Tiorì꞉wa tsi kíʼ ken orihwakwé꞉kon tsi thóh násehre, ne Rawenni꞉io kwáh kíʼ enhiaré꞉waʼte.

Numbers 24:21

Né rahotetʼtshenhserákon waʼshakóken ne Keniteʼró꞉nons, tánon wahatróriate kí꞉ken iekarihwáken: “Ne watenátaien tsi nónhwe nisewanákere kwáh íken tsi iorihwaníron íken, Kanonstáton tsi ní꞉ioht ne otsiná꞉kwah íken ne kwáh é꞉neken iekàhere nostenhràke,