Jeremiah 22:20 - Ohiatonhseratokénti

²⁰ Tiónkwe ne Jerusalem, wáhs Lebanon niaʼhásehwe tánon tesehwahénret, wáhs tsi tiohontsáien ne Bashan niahásehwe tánon tesehwaséntho; tsi tiononhtáhere ne Moab nónhwe thonthasehwahénret, tioríhwah ne thisehwatenróhʼhonʼne tsi ronwahtisénnion.

Jeremiah 22:20 ပူးပေါင်းရင်းမြစ်များ

2 Kings 24:7

Ne ronnontí꞉io ne Egypt tánon ne rahonkwetaʼshón꞉as ronterí꞉ios iáh shé꞉kon nonwénton teshotiʼiakénʼen ne Egypt, tsioríhwa ne ronnontí꞉io ne Babyloniaró꞉non ó꞉nen kanakeraserakwé꞉kon thoniarótaron né꞉ne Egypt ahowenhkénʼen, né꞉ne Euphrates Kaniataratátse tsotásawe tsi nióre ne tsit karistathátse ne othoréke nokwá꞉ti ne Egypt.

Isaiah 57:13

Nó꞉nen iathenshaséntho, áhnion tsi nihonahtiokowánen ne sahiaʼtonhnisónhas né iesahiaʼtanónstat! Tsi iowerá꞉re nenhné꞉e ienkáháwe, énska khók ahonhnísera ieniakoiaténhaʼwe. Ók ónka nakonhá꞉ke enhiontekwáhsen kwáh kí eniehiéna nonwénhtsa tánon akówenk enwáton nakenontatokentíʼke.

Jeremiah 2:25

Israel, tó꞉sa shaʼshithakwáhras, tó꞉ka ó꞉ni nahsatʼthónthate ne tsi shaniathakáronte naiostátʼten né tsi sehshé꞉res ne thikaniʼiosehrahthénions. Ók sáhton, ‘Iáh tatʼkwéni ne ahonshakhákehte. Khenonhwéhon ne thihononhontsátes niʼiohokónhas tánon kwáh enkhésehre.’”

Jeremiah 2:36

Ehtháke wahshathatónʼni ne tsi thóh nokwáti niaháse ne ahkorénsons raothiniʼiohokónhas. Ne Egypt kwáh enshanikonhráhten, kwáh tsi nisahiérahse ne Assyria.

Jeremiah 2:37

Ahèren tenthésehte ne Egypt nónwe, enshaniarénhthonʼne tsi nenhshatehénsehke. Í꞉i ne Watiá꞉ner, kwáh kekhenʼronníhon tsi niháti ne sehniahésenʼne; kwáh iáh thaʼhóten tahishahianerásten ne ronónhake nónhwe nahontháwe.”

Jeremiah 22:22

Ne ietʼtsihéntenʼse tsi ioweráhre ienhiakohiaténhaʼwe, ne tisehwatenróh꞉honʼne ne ronteríʼioskwe ronwahtíʼienʼne tánon ronwahthinhóton, ne sehwanáthakons iothehénʼen tánon konwahtehénston tioríhwah ne tsi nihioriwáhke ne kariwahétken shaʼhioténʼen.

Jeremiah 25:9

‘Ienkhehiaténieʼthe ratikwékon nonhkweshón꞉a ne othoréke thatiʼterónton ó꞉ni nakenhátsera, Nebuchadnezzar ne ne ronnonhtí꞉io ne Babylonia nónhwe. Entekheʼhiaténhaʼwe nahonterí꞉io ne Judah ó꞉ni tsi niháti né nónhwe nihatiʼnáhkere ó꞉ni ne tehonʼthonhontsaʼnekkhánions. Kwáh enkhehiáthonʼte kí꞉ken onhkweshón꞉a tánon ne tehonʼthonhontsaʼnekʼkhánions tánon ne iaʼtenkheiénrahseh ne ioriwenhthásehrons ne tsi nénhwe, ne ne tehiotenonhianíton ó꞉ni tsiotónnek nahiontktʼho. Í꞉i, ne Watiá꞉ner, wakatáti.

Jeremiah 3:1

Ne Roiá꞉ner ráton, “Tó꞉ka ne rónkwe teshiathekháshion ne róne, tánon enshotewénhtheʼte tánon ónhkak akóren rónkwe ró꞉ne ensehwáhton, iáh tahakwéni ne shé꞉kon aʼhonshahatiénawasʼthe. Ne kí꞉ken ne kwáh thóh kénʼen tsi enhionhontsákʼsahthe. Ók, Israel, wéso saskarahiénthakwe, tánon ónenh ísehre í꞉ih nòkwa nathahontháseh!

Jeremiah 4:30

Jerusalem, iesharehwáhthon! Nonhtiéren tsi onekwéntahra satʼtieronniáthon? Onhʼniʼiohtiʼeren tsi owisthanoronsónhas sátʼthons tánon teshatenahwahsóhken? Séh wahtierenkówah tsi shaʼthathonkweʼtiʼióston! Ne saskarehókons waheshakénron ó꞉ni rónnereh ahieshanonhwarhiákhon.

Lamentations 1:19

“Iakhènonke nón kwatenrosónhas, nók iáh tehonatʼthontáton nahiontiénawaʼse. Ne rathitsihénstatsis ó꞉ni ne ionkhiʼhenténsens tsi tekanatokenhátons rohnenhéions, Rathitkwísaskwe onʼnaiáwen꞉ne nahonnónʼneke.

Lamentations 1:2

Ahsontakwékon tewasénthos; nahokáseri watnawí꞉ne ne kanókwa꞉ke. Rathikwékon ne nahoteroserahokonkénhen, iáh né saiátat tsiaʼtetiotaténron nakonwanikonrahnírate. Neh tionatenrhóhonʼne wakonwatennínon tánon ó꞉nen rahtikwékon skonwátkon꞉te.

Ezekiel 23:22

“Ónenh káti, Oholibah, kén nahó꞉ten ne Í꞉i, ne Wakenonhtí꞉io Watiá꞉ner, konhrorhiánions. Sehiaterihonkótahni thíʼken ronskarónhnis, ók enkhenahkónhni tsi nòkwah ní꞉se tánon entekhehiaténhawe ne tahiesahtiatháton.

Ezekiel 23:9

Káti thohnónhwe iakátʼkawe tsi thónhnes nahoskarehókonhs ne Assyriaró꞉nons né tsi nióre tsi iakoskánetskwe.

Ezekiel 27:6

Ne kari꞉ton karonhthasónhas Bashan né nónhwe nitotíhas né꞉ne ahontkawetserónhniaʼte; Ók ne tsisahnítskaron onénhta nènhʼne wahonʼnónhniaʼte né꞉ne Cyprus nithótih Tánon ne wahthatinahnètha ne kanónhskon né꞉ne wáhonsthe ne onotsthakówah rahonáhkare.

Numbers 27:12

Ne Roiá꞉ner wahawénhase ne Mahís, “Wáhs iasehnonhtàranh ne Abarim Ionhnontáhere tánon iaskenhénhion nonhóntsa ne tekhehiawíre Nisraerʼró꞉nons.

Deuteronomy 32:49

“Thóh niaháse tsi tionónhthe ne Abarim né꞉ne tsi tiohontsá꞉ien ne Moab né꞉ne tehiothinátha ne Jericho; iasehnonhthára ne tsi ionónhthe ne Nebo tánon iasatketóten ne tsi tiohontsá꞉ien ne Canaan ne ó꞉nen thówa ahontatkhéhion NʼIsraerʼró꞉nons.