Jeremiah 22:17 - Ohiatonhseratokénti

¹⁷ Ók nék khók satkátos ne hiateshiáti ahisahianerásten; sehnonhwahrhiákons ne iaʼtehotiníkon tánon kwáh kahetkénsera tsi sehronhiakéntha ne shonkwetaʼshon꞉a. Ne Roiá꞉ner rotahtíhon.

Jeremiah 22:17 ပူးပေါင်းရင်းမြစ်များ

1 Kings 21:19

Tsróri tsi Í꞉i, ne Watiá꞉ner, rihró꞉ris, ‘Nó꞉nen iotohétston tsi tsiationhnionkwéni ne rónhkwe, ónen káti kén enshatsathakweʼní꞉iosthe ne rahoienthátsera?’ Tsróri kén nahó꞉ten ká꞉ton: ‘Kwáh tsi nón꞉we ne érhar nikonhtikánonts ne Naboth rahonekwénhsa kwáh kíʼ enhkonhtikánonhte ne sanekwénhsa!’”

2 Kings 23:37

Né raseré꞉ne tsi nihatiweienhnó꞉tenskwe ne sakosotʼkénʼen, ne Jehoiakim waʼharihwánerake tsi nòkwah ne Roiá꞉ner.

2 Kings 24:4

tánon sén꞉ha ne aoríhwa tsi niʼiákon ne iáh othènen teiakoníkon tsi ionthatenonwariákon. Né Roiá꞉ner iáh tehothontháton nahonsahonikónrenhse ne Manasseh.

2 Chronicles 36:8

Orihwakwékon tsi niotieráhnions ne Jehoiakim, thóh í꞉kare ne ioterihwatéhas tsi nihohioténhʼen tánon ne karihwahét꞉kens tsi nihotieráhnion, thóh nón꞉we nikaiatónhnions ne Tsi nihonwatikarahtónhkwas ne Rontinontí꞉ios Nisraeʼró꞉nonke tánon ne Judah. Né꞉ne roiénha Jehoiachin tonhsaonatʼthákwen tsi sahatenonhtí꞉iosʼte.

Job Tánon ne Raoronhiakensera 31:7

tó꞉ka wakathahontákwen ne tsi iohá꞉te ne tkarihwaíe꞉ri í꞉ken, tánon nakweriá꞉ne ne iosé꞉ron ne khá꞉rakes, tánon tó꞉ka aiorakwáhrake naioranenhtakónhake ne katiá꞉nake;

Psalms 10:3

Asèken ne ronhkwetahétken ne tehaterenhsaronkwáhtha tsi nithaskáneks ne raweriá꞉ne tsi nikáien né ronwatinénskwas nakorénson rontewenhnaksátha tánon ronwakenrónhni ne Roiá꞉ner.

Exodus 18:21

Ók né hiehiowènhthe, teshaʼthonwenhtsó꞉ni nashehiataráko ne roʼnathonkweʼtakwahríshion ó꞉ni sehrihón꞉ten nashaʼkotihéntense nonhkweshón꞉ʼa: sakotihéntens ne tewenhniawehetʼtserásens, tewenhniawehʼèhʼkons, wisksʼshonhʼniwásens, oieríshons nahaʼtíhake. Ónenk tsi né꞉ne ronhʼnónhkwe ahonwaʼtsaní꞉sehke ne Rawenni꞉io né nahónton nahontahonwenhneʼthaʼkwe tánon iáh thahatiʼiéna ne thènnen tahonwaʼtitsikheʼtaʼróhse.

Proverbs 24:2

Nek ronnonhtónnionkwa nahò꞉ten tahshakonaʼnikonhrhá꞉ren, tánon ónhkaʼk ahshakotikarón꞉ni tsi nahò꞉ten enthontá꞉ti.

Isaiah 56:11

Né éʼrhars kwáh í꞉ken tsi ratiʼkhowánen; iáh nonwénhton tsaʼtahotiʼiériʼse. Né teiotinakarontón꞉has sakotiʼnikónraʼre iáh nonʼné꞉e tehotiʼnikonraiéntas; kwáh ratiʼkwé꞉kon tsi nenhthaʼtinónweʼne thóh nenhatí꞉iere, ne niatehatiʼiáti khók ahotiʼianerásthen, kwáh ratiʼkwékon thóh nihatiʼiatóthens.

Jeremiah 17:11

Nónhkwe nenhiehiéna nowísta ne kanikonhráton tsi ní꞉ioht ne otsiténha watkhanónhshiaʼke ne ne iáh ahónha tehioninónhsoh. Ne nónen kwáh enhothakarí꞉teʼke enhóthonse ne raoʼtsiokowáhtshera, tánon ne tsi iehióthokʼte kwáh iáh othènen tèsken tsi ní꞉ioht ne thohthónnhokʼthe.

Jeremiah 19:4

Né kíʼ thóh nénhtiereh tioríhwa nonhkweshón꞉a tsi iontiatanikonhrénʼen, tánon wahthontenahtátionsʼte ne tsi wahontsaʼáhthe ne wenhnekeráhkon tsi ahonwahnahtsienkwaronniáten ne thikaniʼiosehrátes né꞉ne rohnónha ó꞉ni ne shaʼkotisotʼthonkonkénʼen ó꞉ni ne rotinonhtí꞉ios ne Judah iáh othènen tehathiriwahientérisʼkwe; tánon ó꞉ni né iorihónni ne wahatínahʼne kí꞉ken wahtenáhthaien ne iáh othènen tehiakoníkonh akonekwénhsa,

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 6:13

“Onhkwetahkwékon, ahiesenhnowánenhke tó꞉ka ó꞉ni kentʼnaiesénhnaske, ronteniéntʼtha kanikonhráhthon tsi ní꞉ioht tsi ahontʼwisthónni; iekaníhareh ne rotitó꞉kense ó꞉ni ne rothikháres sahkotinikonhraténnis nonhkweshón꞉ʼa.

Jeremiah 6:6

Ne Roiá꞉ner roshaststenserowáhnen shakonáhon kí꞉ken rontinonhtí꞉ios nahathirontiákon tánon rahthithonhionthónnion onhnaiáwenhne ne tahkonwawáhnahke ne Jerusalem. Ráhwenh, “Kwáh entréwahte kí꞉ken kanahtowáhnen tsioríwa tsi kwáh titkáhereh ne kariwahiesáhtshera.

Jeremiah 7:6

Sátkaf tsi sehiatesenhnatsahténnis ne kentʼthitʼthonénon, tehonthonnakárhias, tánon ne ionateréhons. Sátkaf tsi sehnonhwarhiákons ne iáh othènenh tehiakoníkonh ne kénʼen ionwenhtsiáte. Sátkaf tsi tiennáiens ne kahiatónnis, asèken né enshathónte.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Ezekiel 18:12

Shakonikonhraténhnis ne iakóten, ranénhskwas, ratienawástha nahó꞉ten ronatkarahienthá꞉kwenh ne shakoníhen. Hieréhtha ne iatehotiriwiʼióston tsi ronterenhnaienthákwa, rasénhnaiens ne ioteriwahtéhas kahiatonhnisónhas,

Ezekiel 19:6

Nónenh kwáh shiehaiataiéri, skátʼke tsi wahthontawénhrie ne ronáhtsakes kénʼreks. Rahónʼa ó꞉ni wahaweientéthaʼne naható꞉rahte tánon nahsakowáhrahke nónhkwe.

Ezekiel 19:7

Wahariwénhtʼtho natenhenrahsónhas, wahanahtentʼthósehrons. Ne nonhkweshón꞉ʼa ne tsi ionwenhtsátes iakóteronhskwe kwáh tsi nikaháwi nenhatewenhnhóten.

Ezekiel 19:9

Kanerokwáhkon wahonwahiathíta tánon Ronnonhtí꞉ioke ne Babylonia niahonwahiaténhawe. Tánon wahonwahtenhnikonhráhren, ne káti ne tó꞉sa nonhwénhton shé꞉kon ahonsahonwahwénhnharonhke ne ahonsahatewenhnhóten ne tsi ionhnonhtharónhnion ne Israerʼró꞉nonhke.

Ezekiel 22:6

Ratikwékon ne Israerʼró꞉nons sakotihéntenhse ne ratiniahésen ne raotishastsʼténsera tánon shakonahséhtha.

Ezekiel 33:31

Káti nahkonhkwetashón꞉ʼas wahkanenhrísehrenhne nahónronhke tsi nahó꞉ten enshíron, ók iáh eh tehatihiérah tsi nisehró꞉ris tsi nahatí꞉iere. Kanonhronhkwáhtsheras owenhnahókonhs rahtisàhkes karónhnion, ók kíʼ iehonthasonhtérah tsi nihonahskénahse.

Micah 2:2

Nó꞉nen enhonskáneke nahatiié꞉na ne kahentaʼshón꞉a, tánon kíʼ enhontsiatakweʼní꞉ioste; ne nónhne sá꞉ka ne kanonsahshón꞉as, enshakotíkwah; thensakonanonhnaríhkon ne tsi ratiwaʼtsirakérons tánon ne tsi rotinonshó꞉tons, nonhkweshón꞉as o꞉ni ne raotiienthátsheras.

Micah 3:10

onekwénhsa nahò꞉ten ronatenathonhniáton ne Zion tánon karihwahetkénhsera ne wahónste tsi wahontenatón꞉ni ne Jerusalem!

Zephaniah 3:3

Ne rathirihwakweʼní꞉ios nahonkweʼtashón꞉as kwáh né꞉ne kénreks ronatonhriáien, nahonkweʼtashón꞉as ratirihwéntha kwáh né꞉ne oʼkarasné꞉ha nokwáho rotistsiokánon tsi nió꞉re ienhiórenhne

Romans 1:29

Ne rathihiatanánon neh niateʼioriwákes neh kariwaneraháktseras, wanonthonniontseráksens, ronaskéʼnaʼse tánon kanakwátsera; kwáh rathihiatanánon neh kanosátsera, asakonásehthe, ronaterihioháties, rathinikonrátha, tánon rathiseróhen. Rothiriwakáte,

1 Corinthians 6:10

tóhkaʼ ó꞉ni nónkak ienénskwahs tóhkaʼ óni iakothétien tóhkaʼ ó꞉ni ienekahkástha tóhkaʼ ó꞉ni iontaʼtenikonraksháh꞉tha nakorénson tóhkaʼ ó꞉ni ienénskwahs—kwáh iáh ónhka kí꞉ken tsi niháti tahatiʼiatakweʼní꞉ioke ne Rawenni꞉io raonakeráhsera.

Colossians 3:5

Ó꞉nenk tsi ensewéntho, é꞉thoh káti, ne owentsiakékha askanéktsheras tsi iohiotáties ne tionhákes, né꞉ne kentéhseras kanakwaieshátshera, iáh teiotʼkwéniens, tahiontathaskanék꞉se, kariwáksen askanéktsheras, tánon iakotetʼtsien (né꞉ne satetiotʼte ne kahiatón꞉ni akonwashén꞉naien).

Joshua 7:21

Tsi nahoʼténhsons iehionkwáha wakatkátho tsi nihiohiánere Babylonihiaró꞉non tehiontewehiarákwah, tánon kák꞉non ne wísk nikakonhtserá꞉ke nihióksthe kawistará꞉ken, tánon skakonhrétʼtsa owistanó꞉ron ishiʼnónhwe ne skakónhtsera nihióksthe. Tsi nió꞉re tsi waʼtewakathonhóntsose hiahákhawe. Enseʼtshén꞉ri wakashé꞉ton nakatohserá꞉kon, kawisthará꞉ken tewakenonhkhonniáton.”

2 Tiér 2:14

Kwáh iáh tahóten nóhia tatehontkathonniónkwah nók nek khók nahonatesennaiéntaʼne nahontenakwaiésathe; tsi nihonthonkarhiák꞉tha ne kariwáneren iáh tiatehothiʼiérise. Sakonaterístaiens ne iakotsihióha. Thoʼní꞉ioht tsi karihonniénni ne rahonerhiá꞉ne nahonatetʼtsénhake. Thóh nón nihatihiatóron ne Rawenni꞉io rahorewathatsherákon!

2 Tiér 2:3

Tánon thóh tsi nihonatétʼtsen kí꞉ken rohtinówens sakotirihonniénnis neh enhontʼwistónniathe tsi niʼietsiʼróris ne wakʼkarísons. Ónen kwá thóh tsi náhe ne rahononkwéta Rariwéntha sihotatheweiennentáʼon, tánon ne Sakowenkʼthos kwá íken tsi roièʼon!

1 Samuel 8:3

Nék ne raoʼnekenterontserashón꞉ʼahs tsi iáh teotíseron ne raoʼteweién꞉na, kwáh nek khók thotiʼnikonratihénthos nahiatʼwistónhni; káti ne waʼniʼienáhseron tsi nathonwatiʼtsikhetá꞉rohse tánon waʼnisakéte ne kariwenhtá꞉tshera.