Jeremiah 22:15 - Ohiatonhseratokénti

¹⁵ Sénha onhtèken ne ahishón꞉nien nahsehnonhtiʼiotsheriʼióhake tó꞉ka ne ashaʼaʼthatenonhshonniáten ne onenhtakwenthétshera, sénha ne ahiotkwenienstónhake tsi ní꞉ioht ne otsiakhésons? Ne ianíha kwáh íken tsi ionwéhsenʼne tsi ní꞉ioht tsi rónnheʼkwe. Kwáh íken tsi tkariwaiérikwe ó꞉ni ioiánerekwe, tánon kwáh íken tsi wahohianerásthen ne kwáh tsík nahó꞉ten kén niaʼháiere.

Jeremiah 22:15 ပူးပေါင်းရင်းမြစ်များ

2 Samuel 8:15

Káti ne Táwit wahatenontí꞉ioste tsi niwatenáskwah ne Israerʼronónke; tánon ne Táwit ne wahateriwathéntsiate nateriwakwarishióntshera ó꞉ni tkarihwaiéri rononhá꞉ke ne raonkwetaʼshón꞉ahs.

1 Kings 10:9

Tehonwanonweráton ne Roiá꞉ner Saní꞉io íken! Warénesʼthe tsi nihawerienhtí꞉ios tsi nòkwah níse ne tsi wahianonhtí꞉iosʼthe Nisraerʼró꞉nonhke. Né wakarihónhni Nisraerʼró꞉nonke tsi né nènhwe tsi enhanorónhkwahke, í꞉se ne raotinonhtí꞉io wahiónhni ne káti nahónton ne tiókonhte nahisatienawastónhake ne kaianerénhsera ó꞉ni naʼterihwakwahrihshiónhtseras.”

2 Kings 22:2

Né Josiah né꞉ne wahaterihwathéntiaʼte tsi nahó꞉ten rawerientiʼiosthákwah ne Roiá꞉ner; né꞉ne wahá꞉sehre tsi thontahotenienténste ne Rosotʼkénʼen Ronnontí꞉iokwe Táwit, iorihwahnirón tsi roʼtewenhnarákwen akwé꞉kon ne Rawenni꞉io raoianerénhseras.

2 Kings 23:25

Kwáh iáh nonwénhton tehotinontiʼiotsheraiénthakwe né nahiotónhake tsi kíʼ né ní꞉ioht ne rahónha, né nahohiótenhse ne Roiá꞉ner kwáh raweriasakwékon, raʼonikonrakwé꞉kon, ó꞉ni raʼoshaststenserakwé꞉kon, rotewenhnarakwenhá꞉tie ne Mahís raʼoianerénsera; iáh ó꞉ni shé꞉kon nonwénhton nón꞉ka thóh ní꞉ioht tsi ahonsahonontí꞉ioke tsi ní꞉ioht ne rahón꞉a.

1 Chronicles 3:15

Né Josiah kaiéri nihonekenteronhtsheraʼiéntaʼkwe: né꞉ne Johanan, Jehoiakim, Zedekiah, tánon ne Joahaz.

2 Chronicles 34:2

Né wahohióten tsi nahó꞉ten naʼhawerienhtí꞉iosthe ne Roiá꞉ner; né waʼhá꞉sehre tsi thonhtahatenienténhste ne rosotkénʼen Táwit, kwáh í꞉ken tsi rotewenhnarahkwenhátse akwé꞉kon ne raoʼianerénhsera ne Rawenni꞉io.

2 Chronicles 35:22

Ók kí ne Josiah thoʼnikonhrakonhthá꞉kwen nahaterí꞉io. Iáh tehothontáton nahotahonsathátonhke tsi nahó꞉ten ne Rawenni꞉io ráton rahonháke ne Ronnontí꞉io Neco, sók kí waʼthaʼtakweniaierón꞉nion tánon waʼhateriʼiósehra né tsi ionhontsáien ne Megiddo.

2 Chronicles 35:26

Orihwaʼkwé꞉kon tsi nihotieránions ne Josiah—tsi nihorihwatókenʼne rahonháke ne Roiá꞉ner, tsi nihotewenhnaráhkwen ne kaianerénhsera,

Proverbs 20:28

Ronontí꞉io enhoʼshatstenhseraièn꞉take tsi nikarí꞉wes rorihwakwaríhshion tánon thorihwaié꞉ri.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Proverbs 25:5

É꞉ren sheiaʼtenhá꞉wiht ne iáh tethotirihwaié꞉ri ne ronontí꞉io ronwaʼnikonhrá꞉wis; sók ne raokoráhtshera enweʼnéhake tsi ioterihwakwaríhshion.

Proverbs 29:4

Nó꞉nen ronontí꞉io tehotateʼnikónhrhare naterihwakwarihshiónhtshera aorihwà꞉ke, enkaʼshátsteke ne kanakeráhsera, nok tókaʼ ohwísta khók tehoʼnikónhrhare enhentáksaʼte tsi ranákere.

Proverbs 31:9

Sheiatátiaʼs tánon tkariwaié꞉rik tsi tenhshiaʼtó꞉rehte. Tsaʼtanónhstat raotiianerénhsera ne rotí꞉ten tánon ne tehonatkárien.”

Ecclesiastes 10:17

Ók kíʼ ioteraswí꞉io ne kanakeráhse nahonhnontiʼiótsera rahónʼa akwékon iatehoriwahiéntase tánon ne ohénton iehonhnéton tehontskáhons tsi nihioteriwíson, thóhʼnathateniaró꞉taron tánon iáh tehotinekátas.

Ecclesiastes 2:24

Né kwáh tkariwaiéri tsi nahitewáhtsere né꞉ne tahitewastsʼkáon ó꞉ni ahitewahnekira tánon tewatenikonhró꞉ri tsi nahoténsons tehionkwahtention. Tánon ki ó꞉ni, wakatʼthó꞉ke shé꞉kon kíʼ nonhʼnéʼe kí꞉ken Rawenní꞉ioke seh nitewétha.

Isaiah 3:10

Ietsiró꞉ri ne iakoiáneren tsi enhotiʼianerásten, asèken ne enhónhneke tsi nahó꞉ten rotiʼioténhen.

Isaiah 33:16

né꞉ne kwáh éhʼneken nón꞉we nenhatinákereke; ne enhontaséhtaʼkwe né kwáh osténhra wathenhénrote; ne raothí꞉kwah kwáh kí entonhwanatkawenhníheke, ne raoʼtinékanos kwáh kí ronwanaratátstenhni.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Jeremiah 22:18

Éhtho káti, ne Roiá꞉ner ráton tsi nòkwah ne Josiah roiénha Jehoiakim, ne ne ronnonhtí꞉io ne Judah: “Iáh ónhka thahiontiónnion tsi rahwenhéion iáh ó꞉ni tahiaiéron, ‘Tsi niwahétken, onhtiaténro, tsi niwahétken!’ Iáh ónhka tahiakonikonhrátsen ne rahorihwáhke iáh ó꞉ni tathahionséntho, ‘Ratianer! Rakenonhtí꞉io!’

Jeremiah 22:3

“Í꞉i, ne Watiá꞉ner, konnháhon ne ne ahishaʼhióten ne tkariwahiéri tánon ne ioiánere. Tàsheʼne ne iontahtenikonhrahténnis tánon é꞉ren tsi sehwahiatenháwit ne shaʼkonikonhrahtén꞉ni. Tó꞉sa sehiatiéskwen tó꞉ka ó꞉ni ne thaʼsehianikonrhiákʼten ne kenkʼtiʼthoné꞉non, ne tehonthonnahkárhias, tó꞉ka ó꞉ni ne ionahteréhons; tánon tó꞉sa ó꞉ni sehnonhwaʼrhiakónnion ne iáh othènen tehothiníkonh ne kén nónhwe niwahtenátahien.

Jeremiah 23:5

Ne Roiá꞉ner ráton, “Táwe nekawistáheks nónen enhihiaʼtaráko ahononhtí꞉ioʼke ne tronkwetaʼiéri tsi nitotwatsirínonh ne Táwit. Nètho ronnonhtí꞉io kwáh kariwaʼkwahrishonʼtsherákon tsi enhashá꞉riʼne ó꞉ni thóhʼnenháiere ne tkariwaiéri ó꞉ni ne kaiáneren ne ne kwáh ohontsakwékon.

Jeremiah 42:6

Ahionhkwerientí꞉io tó꞉ka ó꞉ni iáh, enshakwahwénhnarahkwe ne Roiá꞉ner onhkwahNí꞉io, tsi nikáien ne kwahrihwahnonhtónhni asahterénnahien. Akwékon tienhiohiánerenhne nonhkwahriwáhke tó꞉ka enshakwahwénhnahrahkwe.”

Jeremiah 7:5

“Tesehwahtháthon tsi nitionnhétie tánon sehwátʼkaf tsi nahorihoténsons tsi nisehwahtiérha. Tkariwahiérik tsi niʼietʼtsihiatiérahse nakorénson.

Luke 11:41

Ashetenrate tanon niare tsini saien, ethone onen oriȣakȣekon ensaianereke.

Acts 2:46

Kwáh niaʼtewenniseráke ononsatokentíʼke non naʼtehontátʼkenskwe, tánon skátʼke tsi tehonskáhonsʼkwe tsi rotinonʼshótons, kwáh ronathonʼnáheʼre ne rahonerianésons tsi tehonatskáʼon,

1 Corinthians 10:31

Ioiáneren, kwáh tsi nensháh꞉tiere, tóhkaʼ tashatskáhon tóhkaʼ ó꞉ni hasnekírah, né thóh náhtier ne tsi Rawenni꞉io rahohiatanerahkwáhtshera.

Deuteronomy 4:40

Sewatewén꞉narak akwé꞉kon ne raoianerénseras tsi nonhtà꞉tion nón꞉wa wenhniserá꞉te, tánon akwé꞉kon tshienioiánerenhne ne sewarihwà꞉ke ó꞉ni tsi nenhsewatwaʼtsí꞉rine. Iensewakonhtà꞉kwe tsi thóh ensewanákereke ne tsi ionhontsá꞉ien ne Roiá꞉ner sewaNí꞉io tsisewawì꞉re nahisewawenkónhweke tsi nénhwe.”