Jeremiah 22:11 - Ohiatonhseratokénti

¹¹ Ne Roiá꞉ner ráton ne rahoriwáhke ne Josiah roiénha Joahaz, né teshonatʼthakwénni ne roʼníha ne ronnonhtí꞉ioʼkwe ne Judah, “Éhren rahwèthon ne kén nónhwe, iáh nonhwénhton tahthahontáʼre.

Jeremiah 22:11 ပူးပေါင်းရင်းမြစ်များ

2 Kings 23:29

Tsi nikaʼríhwesʼkwe ne Josiah ronontí꞉iokwe, né Ronontí꞉iokwe Neco ne Egypt nón꞉we iahanenhríhsere tsit kaniatarathátse ne Euphrates nahosniénon ne Rakó꞉raʼkwe ne Assyria. Ne Ronnontí꞉iokwe Josiah waʼhateniénten ne thasakótaste ne Egyptró꞉nons ronterí꞉ios ne Megiddo nón꞉we ók tsi waʼterí꞉iokwe nón꞉we nahonwaʼnonwariákon.

2 Kings 23:30

Né rahonkwetaʼshón꞉ʼas otsónkwahkon kaʼseré꞉takon sahonnètha ne raʼoierónhta tánon Jerusalem nionsahatíhaʼwe, thó nón꞉we nahonwaiatháta né꞉ne kanontiʼió꞉tshera tsi ronwatiʼiathatahástha. Nonkweʼshón꞉as ne Judah Josiah roʼiénha Joahaz sahonwaʼiataráhko tánon wahonwenʼienáro tsi waʼhonontí꞉ione.

2 Kings 23:31

Né Joahaz tewaʼsén-áhsen satehahoseriʼiákon sahonontí꞉ioʼne né Judah nón꞉we, tánon áhsen niwennítake nikaʼríhweskwe rakó꞉rah kén꞉ne ne Jerusalem. Né ronisténha Hamutal ionthátsiatskwe, né꞉ne Jeremiah sakoienkén꞉en né꞉ne tsit kanatowanén꞉ke ne Libnah nón꞉we nihanákerekwe.

2 Kings 23:34

Ne Ronnontí꞉iokwe Neco né꞉ne Josiah roiénha Eliakim né꞉ne ronnontí꞉iokwe ne Judah nón꞉we né sahonontiʼiotsherónhni ne tahonsahonakʼthákwen ne Josiah, tánon waʼhosennaténi Jehoiakim sahonáthonkwe. Né Joahaz Egypt né niehonwaiaténha né꞉ne Ronnontí꞉io Neco etʼnihoiéren, tánon thó nón꞉we iarénheʼie.

1 Chronicles 3:15

Né Josiah kaiéri nihonekenteronhtsheraʼiéntaʼkwe: né꞉ne Johanan, Jehoiakim, Zedekiah, tánon ne Joahaz.

2 Chronicles 28:12

Kaiéri nihá꞉ti ne sakotihéntenhse ne Othorekésons kanontiʼiotsheráiens, né꞉ne Azariah né꞉ne ronikénʼen ne Jehohanan, Berechiah né꞉ne ronikénʼen ne Meshillemoth, Jehizkiah né꞉ne ronikénʼen ne Shallum, tánon ne Amasa né꞉ne ronikénʼen ne Hadlai ratirihwáiaks tsi nahóntsere ne ronhterí꞉ios.

2 Chronicles 34:22

Tsi nahaténhnahne ne ronnontí꞉io, né Hilkiah tánon ne ronátiake iahónhne iónhkwe iakonhwarihwanónhtonhse Huldah konhwáiats, né꞉ne iotokenhséhakwe thóh nón꞉we nikanáhkerehkwe ne á꞉se iotenathakwénhrahre ne Jerusalem nón꞉we. (Né ró꞉ne né꞉ne Shallum, né nenhʼné꞉e ne Tikvah roiénha tánon né rosotkénʼen né꞉ne Harhas, né꞉ne ranikonhráhraʼkwe ne Ononsatokentiʼkówaʼne atsherón꞉nia.) Wakonhwanikonhraientháten tsi nahá꞉wenhne,

Jeremiah 22:27

Kwáh entiaskáneke ne shé꞉kon ahonsehtiatkáto kí꞉ken kanakeráhsehra, ók iáh nonhwénhton thaʼtahontèsehne.”

Zephaniah 1:1

Ne raowén꞉na ne Roiá꞉ner waohiatórenhne ne Zephaniah ne roʼní꞉ha né꞉ne Cushi né꞉ne roʼní꞉ha ne Gedaliah né꞉ne roʼní꞉ha ne Amariah né né꞉ne roʼní꞉ha ne Hezekiah, né꞉ne sihothenhniseraténionskwe ne Ronhnontí꞉iokwe Josiah né꞉ne roʼní꞉ha ne Amon ne Judahró꞉non.